Who Are You...? Complete

chapter 14

"e nge maw i hriat le" ti hlar chungin car atang chhuah ka tum chu min nemlut leh rawk in car kawngka chu a khar ri nghal dawp bawk,glass  chhan ah chuan rum mangkheng in ka melh nghek,"kawngkhar hi hawng rawh hey Jeon kawngkhar hi hawng rawh" ka ti tuarh ,a au in ka au a ni zawk mah ,car kawngka hawn ka tum leh chiah chu a ke in a rawn tlawh ri thuai a nihchu ka phu zawk thei hial

"Rawn chhuah tum tawh hlek suh,thu hle hle rawh" a kutzungchal a min kawk in thinrim lutuk avanga sehchilh nawk in a ti a nihchu,rapthlak ti fe in jungkook chu ka melh nghek,chhuah tum a tan ka la leh a nihchuan min khawih duh mai ka rin avang in ngawidak chuan ka thu ta ngawt ka thinrim bawk si,tihtheih ka neitlem lutuk te chu keimah ka in haw hlur tawh,car chu a hmalam atang kalhual in driver  seat ah chuan a rawn thulut a ,a thaw ri sawk sawk te chu hlauhawm tham a ni,chutah min rawn melh deuh hrawk in  car streering chu a chum bur a nihchu ,ka beiloh  dan lutuk a a chet a vang chuan ka rak deuh that ,a chetdan rapthlak lutuk hian ka tha a tikhur lek lek bawk

"Ngawireng khan thu ang che" ti ram hmak  in car a start  a chak lutuk in kan dawkchhuak nghal zawk hi a ni mai,streering chu nghet tak in a hum a hmalam a melh ngur bawk ,a tlanchak em avang chuan thawk pawh ka thaw tha thei lo dawn takngial ,ka seatbelt hren lai chu  nget lutuk a hum ngawt ngawt in ka chhing leh sawk sawk thin,kan Jeon Jungkook hmela lah chuan ka awmdan te chu ngaipawimawh lo lutuk in a tlanchak sauh a maw tih mai tur a ni,ka ngei a ka ngei zia chu rapthlak zawk ngam ngat ila chuan a sam buk lutuk ah sawn ka thamsak nghek ang,mahse tun ah chuan eng emaw ka tih vaih chuan a let ka dawn tur ka chian em avang chauh in a lak a kut thawh lo ka ni

Car a din rual chuan ka thawchhuak kawk thei,kan tlan chhung zawng khan ka thaw mang pawn a hrelo e a,rum  lutuk in jungkook chu ka melh nghal a "chhuak rawh" en pawh min en lo in a ti hmuk a nihchu,thinrim deuh in ka seatbelt chu ka phelh sawk sawk a car atang chuan ka chhuak nghal rawk rawk

Jungkook pawh rawn chhuak ve in rum lutuk in a lo melh rawm rawm,"khati khan min suh ,inchhung ah sawn lut rawh" a rawn ti hmuk a nihchu thinrim tak in ka ke ka per dat a inchhunglam ka pan nghal hmawk hmawk,jungkook in code chu ka hmet sawk sawk a ka lut tau nghawng nghawng

Sofa ah chuan thinrim tun in ka thu a,ka bul a rawn ding pawh chu ka melh duh eih lo,ka kut kuangkuah ran in hmalam ngawt ka melh lui ngar ngar bawk "inbia ang" rawn ti nghut tu chu ka hrelo der hmak a thaw hak ri ka hriat chuan ka lo ner ru sawk,nimin ah lem insawifiah ngailo ni awm in a awm a tun ah hetiang hian a che leh a ka ngei hluah hluah ,"tae naupang chhia tak in awm lo teh inbia ang ka tihchu" a tawngring hran lo na in ,a tawng sehchilh nawk atang chuan a hmel hmu miah lo chung pawn a thinrim insun zia ka hre thei,mahse tawng duhlo in ka la ngawi ngal

"Tih mawh deuh khan awm lo teh" a rawn tih nghut chuan,ka ner sawk ka la tawng chuang hauh lo,chutah  a dawhtheih na chuan a tlin tawh ngang lo te pawh a nia nge,ka ban ah pawt in sofa atang chuan min phih tho nawk a nihchu,ka sa ve nghal zak bawk "enge i hriat a Jeon jungkook!!" Ka ti nghal hlar,a mit ah tak rum lutuk in ka melh rawm rawm bawk,ka melh dan aia rum a min lo melh avang chuan ka zam leh lek lek mahse chutia tlawm mai ka tum bik hauh lo,thinrim na vanga a mitmeng sen rum chu ka palzam lui hram hram

"Eng vang a tawng duh lo nge i nih,tihmawh reuh lutuk" a rawn tih hluk chuan ka ban a vawnna chu ka phih tla nawk

"E nge min zawh,nangman 'tawng suh' min ti nilawm ni"  ka ti ve ngat ,a ner sawk chu ben chawrh mai ka duh

"Inbia ang ka tih chu" a tih nghut chuan ka kut pahnih chunglam ah vawr in ka thaw hak "sawidun tur kan nei em ni" ka tih halh chuan min rawn melh leh nghal run tawh

"Aw,sawidun tur kan nei" a rawn ti hmarh

"Sawitur ka nei velo" keiin ka lo ti ve leh thung