ل (٣)
___
الآلات الموسيقية ...والمُعدات ، جيتار ،طبلة،درامز ..وآله الكمان !
إستقر كل هذا بغرفه بيجاد وأصبحت المكان المخصص للتدريبات يومياً ومن ثم يرحلون ويتركون بيجاد ينعم بنومِ هادئ...
"ياما قالى ..ياما قالى عاللى جواه ،يحلف .. وانا ليه حاسس بعنيه بحجات بتقول مآمنلوش"
_لاء شباب شباب...السقفه تبقا باينه مع الدرامز يعنى انا ابدء تدخلوا معايا درويش و كيمو
أومأ برؤوسهم إيجاباً مع تعليمات بيجاد،فقال الآخر مُحدثا إياهم ..
_طيب نبدء من الأول بس بنفس ترتيب النوتة
_يلا بينا ..4321
معزوفة جميلة تنطلق من غرفه بيجاد تبعث سعادة لمن يستمعها ،أما عن الاخرى فهم على موعد معها حينما عادت هبة من عملها بالصباح ودلفت إلى شقتها .
كانت تستمع لصوت الموسيقى آتى من الدور العلوي ..رفعت حاجباً ماهذا؟!
دلفت وبدأت بتبديل ملابسها ،ومن ثم بدأت فى إعداد طعامها قبل نزولها الفتره المسائيه فى الصيدلية .
تناولت وجبة غدائها ، وأقامت فرضها بالصلاة ...
وإرتدت ثيابها مرة أخرى ، وطيلة هذا الوقت نفس أصوات الموسيقى المُنبعثه من الدور العلوى لا تقف ..!
هبطت مقصدها الصيدلية ، وصلت وم إن جلست أحست ياسمين ان هبة غاضبة منها بسبب مهاتفتهما الأخيرة .
اقتربت منها وبدأت مداعبتها ،
_ممم مكشرة وزعلانه خالص منى صح؟
تصنعت هبة عدم الإهتمام ،ف أكملت ياسمين
_وكمان مش بتردى،دا زعل بحق وحقيق بقا
إندفعت هبة بياسمين ك طفل صغير يُفضى مافى جُعبته
_ياياسمين حسستينى إنى دقه قديمه وإنى بتتنك على العرسان فكل مرة
تعجبت ياسمين منها وأرادت إزالة سوء الفهم بينهما
_لاء طبعاً مقصدش كدا ،انا بقول كنا خدنا فرصه الأول ونشوف مش كله كدا مفيش فرص تانية
_فرصة تانية مع مين ياياسمين ؟ مع العريس دا ..واحد عاوز نخرج ونقضيها من غير اى ارتباط رسمى !
تبسمت ياسمين وهمت ناحية حقيبتها واخرجت منها شطيرة محشوة باللحم وقدمتها إلى هبة وهى تقول
_طب أنا أسفه بقا ،يالا اشتريت لى وأنا جايه واشتريتلك معايا
تنظر هبة ناحية الشطيرة وهى تقول
_بس أنا لسه متغديه فالبيت!
_ياستى زودى معايا ، انا جيبته وقولت ل خيرى يجيب أكل للولاد وهو راجع ملحقتش اعمل غدا
تناولت هبة الشطيرة منها وبدأت فى تناولها مع ياسمين ف دلف شخص يبدو عليه عدم الاتزان ..وقال بصوت مهزوز
_والنبي يا أبلة عاوز البرشام دا
قامت هبة من جلستها ونظرت إليه ب إستغراب ونظرت إلى الورقة فهزت رأسها وزمتت شفتيها قائله
_البرشام دا عالجدول ،مينفعش يطلع إلا بروشته
حكّ الفتى ب رأسه وقال مردفا بعينان حمراوتان
_يا أبلة مفيش روشتات انا بجيبه على كدا وعاوزه الله يسترك
_يا أستاذ دا مينفعش يطلع إلا ب روشته ،اتفضل هاتهالى وانا هصرفهولك
أنت تقرأ
احنا والقمر جيران
Romanceتدور احداث القصة ، عن فتاة عادية جدا بسيطه ضمن الشابات البسيطات فى عالمنا الآن تحلم بفتى الاحلام الفارس المغوار الذى سيحملها على حصانه الأبيض ويهرول بها بعيداً ...على الجانب الآخر من النهر نرى البطل الوسيم ذو حس الفكاهة الجميل لديه طموح يود تحقيقه ،...
