قصص مُقتبسه

حالة الفتور ف العباده

سبحان الله!

الجميع _ الا من رحم ربي _ يشكو من حالة فتور!!

احنا بنسيب الأذكار.. وبعدين نبدأ نأخر الفروض.. وبعدين حاسين ان مفيش وقت لورد القرءان..فلو اتقرأ صفحه في اليوم بتحس انك عظمه يعني..وطول الليل معظمنا صاحي يرغي في اللاشيء مع صحابه، أو حتي بيبكي علي حاله من ضغط المذاكرة.. ويفضل يأجل في ال10 دقايق ولا النص ساعه اللي هيصلي فيها ركعتين القيام...ويقول انا هقوم اصلي قبل الفجر..
ويجي قبل الفجر بدقايق... ينام.. لا منه صلي القيام.. ولا منه صلي الفجر في معاده!!

ويوم ولا اتنين.. نبدأ نجمع الفروض.. ومش بعيد ننام وفي فروض مصلينهاش..

يبدأ القلب يإن... والروح تمرض.. والنفس تضيق
وهمتك الجسدية حتي تحس انها ضعيفه..
وتجلس تبكي حزنك واكتئابك وضيق نفسك وتقول مش قادر!!

مش ده اللي بيحصل!
مش ده اللي حصل بعد رمضان؟!

طب ماهو بيدك لا بيد عمرو!!

دا الشياطين نازله بتقلها ونفسها تلاقي ليك ثغر بين حصونك اللي كونتها حوالين قلبك في رمضان  علشان تدخلك منه وتوقعك تاني!!

تقوم انت مسهل ليها العملية ولاغي كل الحراس.. وسايبلهم قلبك كده!!
ليه كده!!

بالله عليك حرام عليك نفسك... ارجع لأذكارك، وقرءانك، وفروضك علي وقتها، وقيامك...
جاهد تاني واوعي تفرط في قلبك..

هذا القلب يا صاحبي موضع نظر ربُك فاعتني به أشد عناية..
فإنگ إن حفظته وجاهدت الدنيا من أجل سلامته.. هنيئاً لگ الفوز في الدنيا والآخرة!

أكثروا من
"لا حول ولا قوة الا بالله"
" لا إله إلا الله"
وألِحوا على الله بأن يا مقلب القلوب ثبت قلوبنا على دينك!
وأن يارب استخدمنا في عبادتك!
وأن يارب أعني على ذكرك وشكرك وحسن عبادتك..