Hindi ko alam kung saan magsisimula
Nararamdama'y sadyang kakaiba
Hayaan mong ipadaan na lang sa tula
Ang nais kong sabihin sa tuwina.
Hayaan mong aking balikan
Kwento sa likod ng ating pagkakaibigan
Pagkakaibigan na lumalim nang tuluyan
Pagkakaibigan na nauwi sa pag-iibigan.
Friend Request ay iyong pinindot
Confirm naman ang aking isinagot.
Enero 15 ng ika'y unang makilala
Nagchat ka at ako nama'y natuwa.
Sapagkat nadagdagan na naman
Listahan ng aking mga kaibigan,
Hanggang sa pag-uusap nati'y humaba nang tuluyan.
Pag-uusap na wala namang katuturan.
Hanggang sa hindi inaasahan
Ika'y nakita nang biglaan.
Tila isang kabute na sumulpot sa kung saan.
Tila isang hangin na nagparamdam lang.
Hanggang sa nagpasya tayong magkita
Ms. Munoz pa nga noon, tanda ko pa.
Kumain tayo sa tapsilugan
Kasama pa nga, aking mga pinsan.
Sa sobrang kaba ko noon
Hindi ko man lang nasabi ang iyong pangalan
Hindi man lang kita naipakilala sa aking mga pinsan.
Kaya humihingi ako ng pasensya, nawa'y wag ka sanang magdamdam.
Alam ko naman na marami pang pagkakataon
Makikilala ka rin nila sa tamang panahon.
'Wag lang sanang mainip, puso mong umiibig
Darating ang araw, at ako ri'y iibig.
Maaamin din sa sarili na ika'y mahal din
Kaya 'wag sanang bigyan ng diin
Pagmamahal na nararamdaman mo sa akin
Dahil handa na muling subukin, pag-iibigan na pinakahihintay natin.
Kaya naman hanggang dito na lang muna
Mga alaalang babalikan sa tuwina
Sapagkat atin pang bubuuin at dadagdagan
Mga masasaya at panibagong alaala ng ating pag-iibigan.
-Plagiarism is a Crime-
Original works of the author, no parts can be reproduced.
![](https://img.wattpad.com/cover/273029701-288-k270441.jpg)
BINABASA MO ANG
Tala (Koleksiyon ng mga Likhang Tula)
PoesieKoleksiyon ng mga Likhang Tula. Mga tula na tungkol sa buhay pag-ibig, pamilya, pangarap, at iba pa. Mga tula na buhat sa karanasan, nararamdaman, at paniniwala. Mga tula na magbibigay inspirasyon, lungkot, at tuwa sa bawat mambabasa. -Most Impress...