Sa mapanglaw na gabi,
Puso'y di mapakali
Nagmumukmok at nag-aatubili
Tulala sa isang tabi.
Di malaman ang dahilan
Tila ba ika'y naguguluhan
Tuliro, tila nawala ang kamalayan
Tila ba wala ng katapusan.
Sa dilim ng kahapon
Sa damdaming nakakahon
Sa paglipas ng panahon
Umaasang makaaahon.
Nag-aagaw ang liwanag at dilim
Puso'y tila napuno ng panimdim
'Di mawari, 'Di masuri
Tila isang tuko, na mapagkunwari.
Nakaraa'y muling binabalikan
Tamis ng kahapo'y 'di makalimutan
Ala-ala na 'sing ganda ng buwan
'Di makalimutan kapag kuwan.
Ngunit gayunpaman
Nananatiling nakangiti
Naghihimutok na liwanag
Kailanma'y hindi mapapawi......
-Plagiarism is a Crime-
Original works of the author, no parts can be reproduced.
BINABASA MO ANG
Tala (Koleksiyon ng mga Likhang Tula)
PoesíaKoleksiyon ng mga Likhang Tula. Mga tula na tungkol sa buhay pag-ibig, pamilya, pangarap, at iba pa. Mga tula na buhat sa karanasan, nararamdaman, at paniniwala. Mga tula na magbibigay inspirasyon, lungkot, at tuwa sa bawat mambabasa. -Most Impress...