مساء الخير حبايبي اسفه ع التأخير والله لكن عندي اختبار قدرات وعشان كذا ما كتبت تاخرت وشكرا ع دعمكم لي 🥰🥰
صباح يوم جديد
الساعه ٧ ..
البعض نايم والبعض ما جفت عينه النوم ..
والبعض مو داري عن الدنيا حوله ..
هذا حال البشر ف لا تغرك الضحكه :)..
نروح ل منطقة محبوبة الملايين جده
وتحديدا ب ارقى الفلل فيلة فهد ..
فهد من البارح ما نام ب نفسه ( كييف كيف تسوين فيني كذا يا رموز والله لا القاك وادمرك واخليك تندمين لانك هربتي ) جلس يضرب نفسه ب السوط ك عقاب له عشان رموز قدرت تهرب منه ..
وبصرخه قويه : رمموووووووووووووووووووز
ب المطبخ
آمال : تظنين فهد هداء
جمانه بحزن : هههه هداء هذا شيطان مستحيل يخلي رموز بحالها
آمال : اللي سوته رموز غلط غلط حرام عليها تخليه يتعذب
جمانه ب نفسها ( حرام لا اللي سوته رموز كان لازم تسويه امها من زمان ) : روحي شوفيه صاحي طقي عليه يجي يفطر
آمال : لا مستحيل عقب البارح ما راح اجيه انتي شفتيه كيف كسر البيت كله وبغى يذبحنا وشفتي كيف اطلق على الحراس النار الحمدلله ما قتلهم
جمانه: اقول ضفي وجهك اجل وشوله معينك سكرتيره
آمال : اي اكيد ب طلع اجل اجلس عندكم عشان يبهل فيني
نزل فهد للصاله وهو متألق ك العاده وبصوته الجهوري اللي خلا كل اللي في الفيلا يفزون : أمااااال
جمانه بضحكه : هذا هو يناديك روحي له
آمال ب خرعه : لبيه .. سم .. امر .. وش .. تبي
فهد : خلي جمانه تجهز الفطور وبعدها روحي جهزي المناقصات والاجتماعات المهمه .
آمال : تبشر والله
وطارت ل جمانه
عند جمانه ب المطبخ
آمال : جمانه يقول فهد جهزي الفطور
جمانه : صبر صبر وين رايحه
آمال : بروح الشركه ارسلني فهد وراحت
جمانه : روحه بلا رده ان شاء الله
__________________
اجمل صباح مشرق على الرياض واهله
قامت بطلتنا من النوم..
رموز : الله اول مرا انام براحه كذا ب اخذ شور واطلع..
مهند : بساموه قولي خويك متى راح يقوم
بسام : علامك انت اذيتني من الصبح متى يقوم ومتى يقوم سلامات وانا شدراني
طق باب الشقه ..
ذيب : انت منتظر احد بسام
بسام : لا والله
