سلاام
صلوا على النبي
اللهم صلي وسلم وبارك على نبينا محمد ❤
ادري ابطيت عنكم لكن بعوضكم ان شاء الله
بارت اليوم طويل فـ قراءة ممتعه
{“لا شيء أسوأ من أن يُعاد شعور قديم ، جاهدتُ طويلاً لتجاوزه.”}
- دوستويفسكي
الساعه 11:00
صالة العشاء..
ماهر بعد ما دق جواله :هلا ...حي الله حبيبي ...شلونك طمني عنك ..
انا بخير دامك بخير ...احلللف امانه .
حياك الله بتنور الرياض بجيتك ..يلا انتظرك بالمزرعه عندي ضيوف ...
عمروهو يعقد حواجبه بستغراب :مين هذا ؟؟
ماهر بابتسامه غريبه :اذا جاء راح تعرفونه
اما رموز فهي مشغوله بتلفونها وهي تاكل
الشباب ماارتاحوا لـ ماهر ابد
بعد مرور فتره الساعه 11:30
الكل طالع للجلسه اللي قدام فيلا المزرعه
ماهر جالس بين الشباب ويرتب الاكل
الخادم جاب كيك بالفراوله
صرخ عليه ماهر :يا هووو انت عزيز يتحسس منها ليه تجيبها
الخادم خايف ويحني راسه:انا اسف ما كنت ادري
ذيب بتفهم :حصل خير روح بينجامين ليش تصرخ
عليه ماهر ترا ما سوا شي واصلا خبرت احد انه بيجي اخوك عزيز
عمر وهو يهمس ل عبدالعزيز : الحين تلقاه الحين ينصب>يعني شوفوني كشخه < بسيارته الفخمه
مرت دقايق وشهاب يسولف مع بسام وعمر مع عبدالعزيز
ومهند يسولف مع ماهر واخيرا ذيب يسولف مع رموز واوسامه
اوسامه :شرايكم نسافر لجده نغير جو
ذيب :اقعد يا ولد ورانا مدارس
رموز :حلو نروح بالعطله
قطع حديثهم سياره ددسن عام 85
نزل رجال طويل اسمر البشره شعره لحد رقبته لونها اسود مثل
سواد الليل له شارب خفيف عيونه وساع
ركض قدامه ماهر وضمه
عزيز بصوته المبحوح :هههه ما توقعت لهدرجه تشتاق لي اووه الشباب متجمعين
لحظة صمت جعلتهم يتسألون هل هو يمزح
ماهر وهو يبعد عنه :اي وبعرفك على شخص جديد بس ليه ما جيت بسيارتك ومين هذا ياشر على الشخص اللي داخل السياره
عزيز وهو يناظر الشخص اللي بالسياره:قصه طويله هييه ناصر يلا خلص شغلك هنا باااي
ناصر صد عنه ومشى بسيارته وهو يبعد
ماهر:هييه لحضه استنى ويناظر عزيز ليه خليته يروح كان خليته ينزل ياكل شي ع الاقل نشكره
عمر وهو فاتح فمه و يناظر الشباب بصدمه
اما ذيب منصدم : اوس انت متاكد ان اللي طلع انه عزيز؟؟
اوسامه:اللي انا متاكد منه هو هو ماغيره
مهند وهو يبي يتاكد من اللي يشوفه:عزوز انت تشوف اللي اشوفه؟
عبدالعزيز مااستغرب وكان هذا الشي عادي:هذا مقامه
استغرب مهند من عبدالعزيز بس ما علق
