أعبر أحلامي دفعة واحدة، كي أرى خلف الأمس،
شمعة بيضاء ترتجف، تضيء الحزن، وتضيئك.
مكالمة هاتفية من سويسرا ....
زياد : بسام انت وش قاعد تقول انت مجنون
بسام ببرود : هههه اول مرا احس اني اناني تصدق
زياد : بسوم حبيبي اهداء وخلني اشوف بسام الشهم الحليم اللي ما يردعه شي
بسام وهو حاس بثقل الدنيا كلها وبصراخ : عن اي بسام تتكلم عن بسام اللي ماتت امه قدام عينه ولا قدر يسوي شي ولا عن بسام اللي حبيبته المجنونه تبي تدرس بمدرسة شباب ولا عن بسام اللي فقد كل اللي فيه وبإنهيار وهو يقول : افهمني ي زياد مااقدر اشوفها بين الشباب وانا ادري بنواياهم ومسك الجوال كسره
وطلع برا الفيلا وصار يدخن اكثر واكثر
اما بطلتنا الحلوه مستلقيه على السرير وحولها المزيد من الأجهزة الطبيه واولها البخار
عند زياد ب أرقى فنادق سويسرا ..
زياد : هذا جن وقعد والله اذا ودها ل فهد بنروح بستين داهيه كلنا
؟؟؟؟ : انت سمعت اللي قاله بسام وانا ماالومه واللي سوته رموز ما يسويها مجنون حتى
؟؟؟ : حازم واللي يسلمك فكنا من شرك ما حنا ناقصين
حازم : لا والله تبيني اسكت عن الغلط عشان حضرة جنابك يا سهيل انتم السبب انتم سكتم عنها المفروض تواجه عمها مو تهرب منه
سهيل : عمها ذا ما يفهم يكفي انه قتل بنت خالها وخالها المسكين و كسر نااس كثيرين وذلهم كيف تبيها تتفاهم معه
زياد : هي اسكتت عشانهم وب الاخير قتلهم هه الوحيده اللي نجت هي الدكتوره هيبرا مدري وش اسمها واتوقع انه ما يقدر ليه مدري ؟؟
سهيل: سامي ليه ساكت ومفهي ما تتكلم
سامي بصدمه : عيال انتم ركزتم على كلام بسام
حازم : ايه معصب وحالته حاله
زياد : ويبي يودي رموز ل عمها المجنون
سامي : مااقصد ذا اقصد انه اعترف انه يحب رموز .
صمت الجميع بعد ما استوعبوا ان كلام سامي صدق
حازم كتمها بصدره ولا تكلم انقهر ( هو لاحظ كلام بسام من البدايه بس ما تكلم لانه هو بعد يحبها .. )
زياد ضحك : ههههههههه بسام ورموز ههههههه
سهيل ضحك مع زياد : يصلحون لبعض الصراحه
سامي : وناااسه اخيرا بيصير عندنا عرس يسسس
حازم : من جاب طاري العرس
زياد : لا تلومه متحمس الولد وبعدين صدق من زمان حنا عن حفلات الزواج
سهيل : اجل خلاص اكيد بسام راح يروح يملك عليها مستحيل يوديها لعمها لازم اروح الحين افصل لي ثوب يهبببل واختار لي عطر راقي وراح اكلمه واقول له انا راح اصمم ديكور القصر حق الزواج
