عشق شيوخ

البارت السابع

كعدت غسلت وجهي ولبست ملابس سميكة واخذت لميادة احتياط اخاف تحتاج اعرفهة متلبس وبعدين تتمرض واني ماكدر بدونهة لحظة نزلت على كيفي امشي بالبيت  فتحت الباب وسديتة على كيف  رحت لااسطبل لكيت ميادة  واكفة وتكول خرب بيومج  سالي ساعة واكفة بابرد انطيتهة جاكيت كتلهة البسي واسكتي عرفت مراح تلبسن هواي لذالك  جبت وياة جاكيت الج  رحت فتحت الباب وطلعت ملكة سمعنة صهيل ليل كلت عزا ولج ميادة خلي نركض حيجي ابوج على صوت هل حمار     اخذنة ملكة ورحنة     بنص الطريق كمنة  نمشي حتى منتعب ملكة  ظلينة نركض اني وميادة عود رياضة صباحية كتلة ميادة كالت ها كتلهة خلي نروح لنهاية البستان انشوف شكو هناك كالت والله انتي تروحين اذا مرايدة روحج ولج اهناك اكو واوي  وجلاب وحتى حياية اكو كتلهة صدوك كالت اي والله  مدري  احسج ولامترباية اهنا  ابد متعرفين شي كتلهة اي يلة يلة اسكتي  ضحكت كات تغارين مني ولج تغارين من اختج  اجتي حضنتني  ظلينة نركض وملكة  بس تتفرج وتاكل 😂 سمعنة صهيل ليل كتلهة امشي خلي نرجع  هسة يجي ليل ويخبص الدنيا  بصهيلة كالت اي واني هم تعبت وعطشت وثلجت هم  ضحكت كتلهة نسيتي شغلة كالت شنية كتلهة وجعت كالت اي والله صدك جعت هم  اخذنة ملكة وطرنة بيهة   صوت ليل صار يقترب علينة  ميادة كالت ولج ملاك هاذا خيال ورانة كتلهة لفي شالج على وجهج بساااع ولج لفينة شالاتنة على وجهنة وكامت ملكة تركض اسرع بس ليل  هم سريع كولش   ملكة تركض واكول هفف اذا كال هل خيال لاهلي  حتصيرلي مصيبة المشكلة اخاف على ميادة مالهة ذنب  كتلهة ميادة لزميني قوي  كالت ليش كتلهة مو وقت اسئلتج كالت اوك    ركضت ملكة بكل سرعتهة   تيهنا لخيال  سمعنة صوت  ليل قريب رسن  كمزنة وعفنة ملكة هم ترتاح وهم تاكل  وختلنة وراة النخل  ظليت اراقبة لهل خيال فدووة شكد حلو 😂 كتلهة ميادة كالت ها كتلهة شوفي هل خيال اشكد حلو  طول وهيبة   كالت ولجج ملاك احنة بيا حال وانتي كاعدة تتغزلين بهل خيال كتلهة اشش اسكت ديربالج تتطلعين كالت وين شنو حتسوين كتلهة لج هاذا حياخذ ملكة سمعنة صهيل ملكة ملكة ابد مترضى احد يتقربلهة بس اني وعمو جمال بس   متحملت  اني  دوم احمل خنجر 🗡وياية  رسن طلعتة ميادة شهكت كالت هاذا منيلج كتلهة بعدين موقتج ديرباالج تطلعين مياادة نبهتج  كالت اوك كتلهة حتى لو اموت مطلعين كالت اوك اوك  طلعت على هل خيال من ورة هل نخلة رسن  سحب مسدسة كتلة   اول شي نزل سلاحك وثاني شي اذا متبعد عن  ملكة  حيصير شي بعمرك ممتوقعة يصير كال من تحجين وياية شيلي الشال عن وجهج  كتلة ما اشيلة  كال تعرفين ويامن دتحجين كتلة ميهمني  اعرف لي اعرفة بعد عن ملكة احسن ما اطعنك بهل خنجر  كال انتي لسانج طويل  كتلة مو مهم طويل او قصير  المهم  اتعوف الخيول وتروح كال ليش شنو مسجلات  بسمج كتلة اي........  يتببببببببببببببع

التصوووويت ⭐

بقلم الكاتبه اية عبد الرحمن.