بقلم: ملك الشعراوي..
في مكان ما في جزيرة قبرص بالقرب من اليونان..
شاب: الو أيوه ياحبيبتي وحشتيني أوي ووحشني أكلك.
السيدة: إنت اللي مش بتيجي وداير تتنطط من بلد للتانيه.
الشاب:أنا أصلا جايلكوا، نفسي أوي في صنية المكرونه بالبشاميل اللي بحبها من أيديكي ومعاهم جلاش باللحمه المفرومه.
السيدة: بس بس يايوسف جريت ريقي على الأكل.
يوسف:امم طالما جريت ريقك يبقى حضرتك جعانه ياهانم.
السيدة:بنت عمك ياسيدي مجوعاني وبترجع من الكلية متأخر ومش بقدر آكل من غيرها.
يوسف:استني عليا بس ياوحيده لما اجيلك هشعلقهالك.
وحيده:سيبك منها دلوقتي أنا جبتلك عروسه.
يوسف:عروسة إيه بس ياوحيده ما إنتِ عارفه اللي فيها.
وحيده:يعني هتفضل كده من غير جواز يابني إنت داخل على الـ 28 سنه ولسه حتى مخطبتش ولا شلتها من دماغك.
يوسف بوجع:مش هتجوز غيرها ياوحيده ولو مش ليا مش هتجوز خالص.
وحيده بحزن:ربنا يهدي سرك ياحبيبي.
يوسف:بطلي حزن ياست إنتِ، وتاكلي ياحبيبتي عشان صحتك مش هينفع تهمليها.
وحيده:حاضر ياحبيبي بس تعالى بقى عشان بجد وحشتني جداً.
يوسف:قريب ياحبيبتي وسلميلي على الاستاذه سلمى.
وحيده:يوصل ياحبيبي في حفظ الله.
أنهى يوسف المكالمه ثم تملكهُ الحزن..
يوسف:يارب إجعلها من نصيبي وفتح بصيرتها على حبي يارب.
وكالعاده ذهب يوسف ليتمرن كي يهرب من الآمه.
*يوسف إبن عم سلمى مصور، دائم التجوال بين بلدان العالم كان يُقيم في دبي مع والداه وشقيقته، يبلغ من العمر 27 عاماً، يتميز بعضلات ضخمه وطول قامه، عيناه تأخذ لون الأزرق القاتم، بشرته بيضاء وشعره بني.
~~~~~~~~~~~~~~~~~~~
في جامعة كريت باليونان...
سلمى:كارمن.
كارمن:.......
سلمى:إنتِ يابت.
كارمن:هه بتقولي حاجه؟
سلمى بإستغراب:بقالي ساعه بندهلك فينك مش معايا ومن إمبارح وإنتِ مش مظبوطه، حد ضايقك فينا؟
كارمن:لأ أبداً أنا زي الفل أهو.
سلمى بشك:في إيه ياكارمن إحكي مش دي كارمن اللي بتهزر دايماً وتفضحنا في الكلية.
كارمن بوجع وحزن:بابا وماما وحشوني أوي ياسلمى، لما إتجمعنا إمبارح وقعدنا نهزر إفتكرتهم وإفتكرت الوقت اللي كنت بقضيه معاهم وحنيتهم عليا ودلعهم ليا إفتكرت كل حاجه ياسلمى.
أنت تقرأ
أيونيوتيتا
Romanceكُنت أعشقك فــَ خُنتني، فــَ عشقني هو وتركني، أي حُبٍ هذا الذي يكون فيه الفُراق هو الحل الأمثل، بِرغم مِن المأساه التي سببتها لقلبي إلا إنهُ لم يُظلم أحد في تِلك القصه غيرك عزيزي.
