ريم : مرت سنه وماتغير شي بس عمي كريم ابو ملاك تمرض كلش يعني باقي بس نفس وع ساعة يموت
واني نجحت الرابع وفرحانه صرت اعداديه
وعباس نجحت لثاني وشمس للأول اعرف ميصير بس احنه كبرناهة سنه
سوران : صارت مرحله ثانية وعمي سيف بده يرتب البيت لأن اتفقو هاي السنه يزوجون
اما ايه تكول حياتي عادية بيت عيالي والشغل والكرب نفسة ماتغير
وها ملاك تزوجت بس منو مانعرفه وحته اخذهة لا حفلة ولا زواج من المحكمه لبيتنه بيبيتي شكد بقت تلح ع سعاد ع مود نروح نباركله هية تضيع السالفة ومتكول
... نرجع للواقع..
ايه : لج سوران هاي ام الزلم أخذت رجلي ولج سوران راح اموتتتت لحكيلي
سوران : فهميني شبيج
ايه : وديلي عمي سيف بروح جدج بسرعة وسديته بسرعة
عامر : ايه بس خلي افهمج
ايه : شتفهمي بس كلي شتفهمي ولك تخلي هذني يضحكن عليه ولك حرام عليكك يعني مالكيت غيرهة اخخخخخخ يگلبي راح اموتتتت
عامر : وين تردين تولين
ايه : من ولت روحك ومارجعت انشالله معليك بيه
عامر :ماطلعين
ايه : مو هية بكيفك ولحسين اروح لاهلي وتحلم تشوفني
عامر :، ولله اكسر رجليج اذا طلعتي
ايه : اي ابقة منتضرتك تجيب عليه الثالثه خلي تفيدك هاي ام الزلم وخرررر عني الله لا يطيك بجاه محمد
اجه لزمني من ايدي ويريد يدخلني للغرفة ويقفل لباب دفعته حيل وطلعت اركض
عامر : اذا رحتي عشق ماتخذينه وياج
ايه : ولله وغصبن ع راسك اخذهة وتحلم تشوفهة ولعباس وانشالله حركت گلبي ماتتعداكم لا انته ولا امك ولا اختك
واكفة باب البيت بدشداشه الوصخه لان جنت انضف خيستهم وشايله عشق ودموعي عشرة عشرة وسچينه بيدي كتله اذا تقربتلي ادچ نفسي ودمي يصير بركبتك وخالتي وزوجه وسامر وبدور وتهاني واكفين بعيد عني
ايه: لا عبالج اسكتلج وحق الكاضم اله اندمج ولج يتيمه ليش تسوين بيه هجي ولج مقصرة وياج اني شايلتج ع راسي وساكته واكول ميخالف هاي خالتي يجي يوم ويحن كلبه عليه وهم ساكته لخاطر حبيبي ابو النسوان ولكم بس كلولي ليش هيج تسوون بيه ليش تكسروني مماذيتكم اني
سميرة :كافي ولج فضحتينه
ايه : فضحتكم موو اني الج وحق العباس ابو فاضل اني الج اله صدك افضحج.. سمعت صوت هورن فتحت لباب لكيت عمي سيف وسوران طلعت اركض وهوه نزل حضنته
