ايه: بقيت اتكلب مجايني نوم واجت سوران سوده عليه من التعب ذبت روحه طلعت من الغرفه رحت كعدت بسطح واباوع لسمه ونجوم الجو كلش حلو وجان بشهر العاشر بقيت افتر بسطح شويه وسمعت صوت كمزت
علي: اسم الله شبيج
ايه: طاحضك ونبي كمزتني اجه يوكف كلبي
علي : اذا تخافين شعندج تفترين لوحدج
ايه: احد كالك اني اخاف بس انته كمزتني لان مسمعت رجلين مثلا واصلا الصوج بيك لآزٍمٍ تتحنحن
علي: هاا يعني الصوج بيه
ايه: ايي اكلك انته شعندك تفتر فوك خاف مواعد وحده بسطح بت منو بلا
علي: لٱ ضلين تمسلتين اني انام بسطح
ايه: اممم صدكتك بس الجو بارد
علي: شعليج انَتي؟
ايه: شعاله التشعل وجهك كون
علي : احترمي نفسج ايه لان اني اكبر منج
ايه: اهوو هوه اني اريد اتعارك ويجي هذه يتنغوص فوك راسي اروح انطمر احسن
علي: ايه تره محترمج هواي شويه عدلي اسلوبج
ايه: واذا ماعدلته شسوي
علي: اكسر راسج
ايه :ههههه ضحكتني واني ضايجه منو يكسر راسي
علي: ولله صاير لسانج موشر
ايه: توك دريت
علي: دولي اروح انام باجر وراي شغل وانتي تمسلتين
ايه: وله التولك كون ودخلت سديت لباب ورحت نمت
سوران:كعدت ب7 عدلت شعري ونزلت لكيت بيبي كاعدة
سوران: صباح الخير
ام محسن: صباح العافية يمه
سوران: ابويه كعد
ام محسن: لٱ يمه
سوران: هاا يلا اروح اسوي ريوك ورحت سويت ريوك وكعد سيف داناكل واندكت لباب راح سيف فتحه ومن باب الشارع نسمع الهلاهل
سوران: هاي شكو
سيف: اجت بيبيتج
ام اخلاص: صبحكم لله بلخير
ام محسن: صباح العافية تفضلي خية
ام اخلاص: لٱ خية بس جبت الريوك للعرسان ماكعدو
ام محسن: لٱ بعدهم
ام اخلاص: جا رايحه اكعدهم
سوران: بيبي خليهم
ام اخلاص: دوخري انتي معليج ودفعته
سوران: دفعتني بيبي لمن طحت بلكاع
سيف: رحت كومته
ام محسن: شجاج ام اخلاص دفعتني البت
ام اخلاص: ياااا يااا هية البت ناكعة
