سميرة : خاف ولج حامل
ايه : لا خاله اسمالله
سميرة : عليمن يمه سمالله
ايه :خاله مابقى شي للدوام شون
سميرة : ايي ميخالف من تجيبن كملي.
ايه : لا خاله ماريد تفوتني سنه بعدين اني ممتأكدة من روحي انتي لوحدج حجيتي
سميرة :تعاي اخذج للمستوصف نحلل
ايه :ولله مالي خلك خليهة لبعدين
سميرة :شجاج خايبة
ايه : ماكو شي وعفته وصعدت لغرفتي اعزل بيهة واني بالي مو يمي افكر عود صدك حامل اعرف بعامر اذا عرف مستحيل يخليني هاي السنه اكمل يربي وين انطي وجهي ماريد هذه الطفل يعني انته وكتك تجي متكلي
لحضة اني ممتأكدة يربي دخيلك كون مو حامل وبقيت ادردم لوحدي وكملت الغرفة ونزلت وصار وقت الغدة وعامر مجاي بعده هوه يتأخر ف نتغدى قبلة كاعدين ع السفرة..
سامر ( اخو لعامر) : اكلج مرت اخوي ماتطيتي هذه الماعون الي كبالج
ايه :تفضل
سميرة :شمالك مو هاي كبالك
سامر :عجبني هذه
ايه :بلعافية خية أخذه
سامر :خية!!!!!
ايه : طكيته بضحكة لان اني متعلمه اكول خية
ولله متعلمه اكول خية اعذرني
سامر : بس حلوة
ايه :هية شنية الحلوة انته ولله مدري شونك
سامر : انجبي لج
ايه : لتغلط
سميرة :يااا تتعاركون ع النعمة
سامر :يمه متشوفين مرت ابنج شطولة لسانهة
ايه :شعليك بيه اصلا تغار مني لان اني احسن منك انته لاتهش ولا تنش
سامر : نخلص غده ونشوف
ايه : خوش وكملت غدة سامر كلش حباب ودوم اني ويا نشاقة احسه مثل اخوي ومرات نتعارك وبسرعة نتصالح هوه اكبر مني ب تلث سنوات
كملنه غدة واني و بدور غسلته المواعين وصعدت للغرفة عود انام لان نعسانه اول مابديت اغفى انفتحت باب الغرفة ودخل عامر
ايه :الله يساعدك
عامر :يساعد بختج
ايه : اصبلك غده
عامر : ايي ولله ياريت لان كلش جوعان.
ايه : صار خليت الشال ع راسي ونزلت احمي الاكل واحضر الصينية اجه هوه كعد ع الطبلة مالت الاكل
حجيت واني بمكاني
اكلك
عامر :كولي
