سوران : شصاير ولجن وكعتن گلبي
ريم : عشق غصت وايه كلبت الدنيه
سوران :طاحضج وحق الله يبس دمي
ايه :ولج صار وجهه ازرك
سوران : سوده عليه وشلته يمه فدوة للدبدوبه
ريم : يلا سوران شوكت تتزوجين ولله طلعت روحي
سوران : بعد وكت
ريم : لا ولله تشوفي عمو سوده عليه شون الشيب ترس شعرى
سوران : اي واذا
ريم :لا سوران خطية عمي ولله ذاك ليوم سمعته يسولف لـ علي يكله راح اموت وسوران بعدهي
ايه :اي سوران صدك بعد امتحانات مو اسبوعين ورا الامتحانات ازوجو وعمي ماعنده شي واذا هاي ولله اني وريم نروح نضف البيت وشكو شغله ناقصة نجيبه واذا عليج ف كل يوم لو يوم الجمعة روحي اشتري يعني خميس وجمعة فهمتي!
سوران : شبيجن مستعجلات انتن
ريم : نريد عرس الله وكيلج
سوران : ولله مادري
ريم : لا بقة انتضريني هسة جايتج وكمزت أخذت التلفون واتصلت ع عمي سيف
سيف :ألوو
ريم : هلاو عمو شونك
سيف :هلا بنيتي لحمدلله وانتي
ريم : اني زينه عموو تكدر تجي هسة
سيف :ليش صاير شي
ريم :الحجي بيناتنه
سيف :ريم احجي شكو
ريم : سوران مدري شبيه تكول گلبي ياذيني
سيف :خرب يلا جاي جاي
ريم : دخلت لجوة واهز جتف والعب الولد ع كولت بيبيتي يتراجف عليه لجج سونه
سوران : شبيج تتمركصين
ريم :جذبت ع عمي سيف كتله سوران گلبه ياذيهة لو تشوفين صوته شون صار وهسه جاي
سوران : لا ياطايحه الحظ ليش هيج سوين
ريم : چا مايجي اذا مو هيج
سوران :وحق الله كون يجي ويطيح حضج
ريم : حرام عليكم مرة مريضه اني
سوران : صدك شونج
ريم :ههههه لابقة بس زينه زينه
سوران :صدك ريم ذكرتيني من أخلص امتحانات لازم نروح نشوف شنو سبب هل ضغط
ريم : كلشي مابيه يمعوده
ايه : انتي ليش عفتي المدرسه
ريم : ايه تعبت تعرفين شنو تعبت ولله العضيم جنت احس شي ثكيل ع راسي وع ساعة ينفجر وخاصة من اروح للمدرسه من الألم يغمه عليه وهاي خديجه ابلت بيه مرات اكلهم مابيه شي لاتتصلون ع اهلي اتخيلن اتخيلن اخير يوم وحق القرآن درسين اني مغمي عليه ومحد يعرف بيه لمن اجت المديرة لان تعرف حالتي تكعد بيه وعباله متت واتصلت ع ابوي واجه اخذني بنات هواي شغلات صارتلي واني محجيته الجن عبالجن ممتندمه لا ولله بس شبيدي اذا حته الدراسه بعد مالي وأهس بيه
