_________________________
طبعا كان في شي بقول لي مالو ماتربطي الدنيا فيها شنو؟واحساس بقول لي خلاص التفاهه وصلت بيك هنا؟انااصلا ماكنت مقتنعه بي فكره انو انا اربط وانافي الثانوي برغم كل بنات الفصل مرتبطين بس بفركشو وماف وحده واصلت لي الان فالقصص البسمعها طلعت الفكره من راسي من قبل ماتخش اساسا😂لكن عبدالله دا ماعارفه في شي كدا قال لي بس دا ماتختاري غيرو اول شي طويل ولونو اغمق من لوني بي شويه وشعرو ماناعم شديد لكن ماخشن متوسط وعيونو نعسانه😔🖤وعندو عضلات 😓🖤اناعارفه نفسي اعجبت بي شكلو لانو اصلا مابعرفو بس عجبني في الصوره لانو في الحقيقه ماجذبني شديد المهم بليل كدا شهد ضربت لي كنت جنب بابا ومهند بحضروا في كوره رديت عليها عادي زي كل مره بنقعد نتونس او بكون حاصل شي بتحكي لي قالت لي فكي البلوك،،،قلت ليها مامبلكاك انا،،،قالت لي من معاذ،،قلت ليها نعم؟لي،،قالت لي بس سرررعه قلت ليها خليك معاي جريت عاوزه اطلع السلم ماما قالت لي طل،،،قلت ليها نعم ،،،قالت لي تعالي اتغدي،،قلت ليها ماعاوزه وجريت طلعت برغم كنت جعانه😂💔،،فتحت النت دخلت واتسب فكيت البلوك من معاذ اول شي وتاني رسلت لي شهد قلت ليها في شنو؟ فهميني،، قالت لي مشيت لي معاذ قلت ليو عاوزه رقم عبدالله ،،قال لي عبدالله منو لمن رسلت ليو الصوره محدده فيها الولد طلع ماهو🤦🏻♀️،،قلت ليها كيف يعني؟،،قالت لي عديل دا واحد تاني ،،قلت ليها واي يلا اكيد اخو او ببقى ليو بشبهو شديد ،،قالت لي اتخيلي ماعندهم علاقه بي بعض😂،،قلت ليها كذابه والله،،،قالت لي والله،،في اللحظه دي معاذ رسل لي عرف اني فكيت البلوك لقيتو مرسل لي الرقم وقال لي ماحااسالك بلكتيني لي بس دا رقم ايمن،،،طبعا اتختيت في فتيل كعب شديد😂احساس الود بدون اي شي بس اديتو بلوك واسي هو بساعد فيني المهم اتجاوزت الرساله الاولى وقلت ليو ايمن منو؟،،قال شهد قالت انت قلتي عاوزه رقمو،،قلت ليو لا اناشبهت بيو بس قصدي واحد تاني،،،قال لي مامشكله خشي لي دا ،،،قلت ليو كيف يعني اخش ليو لا طبعا متخلف انت،،،قال لي لي فيها شنو؟،،،قلت ليو ولا شي بس مابخش ليو،،قال لي اتعرفي عليو ظريف ووناس و بقى يشكر فيو انا الفهمتو انو هو عاوزني اصاحبو اول حتى ارتبط بيو لانو سنقل(حركات الاولاد المابتتبلع ديك🙂)ويلا معاذ دا من النوع الايوووق قلت ليو خلاص تمام وطبعا ماكنت حااسمع كلامو😂بس سيفت الرقم 😓🖤نمت وصحيت الصباح اول شي طبعا بفتح التلفون المهم ختيت ختيت خاطره وكتبت تحت فيها صباح الخير قمت دخلت الحمام وصليت وحاجات الصباح الواحده دي بعدها شلت التلفون لقيتو مرسل لي طبعا البسمه وصلت فوووق مسيفاو عاد لازم اعرفو😂🖤فتحت الرساله لقيتو رادي على الاستوري قال لي صباح النور ،،احساس يلا مسيفني وكدا😂🖤ماعرفت ارد بي شنو رسلت لي شهد لقيتها ماداخله ضربت ليها ردت طوالي قالت لي اصبحنا،،،قلت ليها وااي الحقيني ،،قالت لي مالك،،قلت ليها الود طلع مسيفني ورسل لي وماعارفه ارد بي شنو،،،قالت لي ود منو،،قلت لبها الاسمو ايمن دا البشبه عبدالله،،قالت لي كضااابه جاب رقمك من وين،،قلت ليهابكون معاذ الليوق دا ،،قالت لي مرسل ليك شنو،،،قلت ليها صباح النور،،،قالت لي اسي فرحانه ومتجهجها كدا عشان صباح النور حبوبتك طيب لو قال ليك بحبك كان عملتي شنو،،،قلت ليها كان نطيت من البلكونه،،،قالت لي لا عليك الله ورانه نتيجه بعد كم يوم عاوزين نفرح،،،قلت ليها حبوبتك ياخ كدا خلينا من دا اسي اقول ليو شنو،،،قالت لي سلمي عليو عادي وكدا،،قلت ليها لا حااسفهو بس،،،قالت لي طيب راحتك اصلا انت هبله وقفلت في وشي😓💔عارفه لو رجعت ليها ماحاترد😂ماعارفه لي كنت متلبكه كدا اول مره يحصل لي موقف زي دا😂مشيت رسلت ليو كيفك،،،قال لي الحمدلله بخير وانتي؟وفي رساله تانيه قال لي والله دا معاذ الرسل ليك ومسحتها بس شكلو واتسبك بلص فاهمين كمية الاحراج الدخلت نفسي فيو😭💔من الفرحه ماركزت انو الرساله ممسوحه😭😂😭وهو زاتو سخيف وبايخ في داعي لي الاحراج😭ومعاذ دا اصلا ود كلب ماعافيه ليو
قلت ليو اها اي صح +مامشكله عادي،،،قال لي اسمك منو انت(اجي ي زي دا🙄)،،،قلت ليو مسيفني بي منو انت😒،،،قال لي والله سجلتك صحبت معاذ لانو مابعرفك بس معاذ قال لي اسيفك،،قلت ليو اممم وانت معاذ دا كان ولي امرك؟على كل الاحوال مامشكله اسمي طل وخلاص بطني قلبت منو بقيت اسفهو الوقت دا جد مفروض اركز على نتيجتي البعد يومين😭كنت خايفه شديد المهم يوم النتيجه جا وجد المثل البقول البخاف من العقرب بقرصو الوقت جرا شديد وكنت قافله تلفوني وبس بصلي ي بقرا قران ي شايله سبحتي بسبح🖤مهند شغال لي الصلاه يوم القيامه مابتنفع😂💔ماما كانت واثقه شديد انو حااجيب مجموع حلو لانو حرفيا اجتهدت شديد اما بابا داك بسال في رسوم الخاص وصلت كم😂💔رامي طوبتي بي كلو يلا منتظرين المؤتمر صاحيه من5 شويه ابكي وشويه اضحك وشويه اتونس وجد الوقت داك كان عندي انفصام مبالغه😂والتلفون ماوقف بدا المؤتمر اصلا ماركزت فيو لانو مالي درجه يزعوني😂والتانيه مشترك كانت بت من مدرستنا اسمها ريم دي دايما اولة المدرسه🖤🖤فرحت ليها شديد لانو جد تستاهل 🖤ويلا المؤتمر انتها والرساله ماجاتني كان مرسل رقم الجلوس مهند ماوصلتو رساله جربت بي تلفوني ابا وبي تلفون ماما وبابا وكلو ابت تطلع نهااائي وخلاص بقيت ابكي مهند شغال لي سقطي خلاص او شايلة ماده اساسيه لانو ماطلعو ليك نتيجه واناابكي زي الهبله،،بابا قال ليو لا بتطلع صفر لو قاده ماده اساسيه،،،مهند قال ليو ماكان توريها خليها تبكي زياده😂😂،،،وانا بقيت ابكي زياده وماما تشاكل في مهند وهو يضحك فيني والناس كلها بتضرب تسال مني والرساله احلفي ماتصلي وتلفوني ماوقف صحباتي وبنات خالتي في النهايه ضربت لي سما رديت عليها قالت لي اها النتيجه كيف في ال90اكيد بقيت ابكي ليها في الخط قالت لي ي بت بسم الله مالك،،،قلت ليها سقط ماادوني نتيجه😭💔قالت لي كيف سقطي،، مهند شال التلفون قال ليها دي هبله ساي عايني هاك رقم الجلوس جربي انت ابت لينا احنا،،وقفلت منو جات شهد من برا تزغررت وهي اصلا مابتعرف😂لقتني ببكي قالت لي ي بت مالك وبقت تحنس فيني مهند فهما،،قالت لي العويره دي اسي نمرتك تكون كبيره بس ناس زين العويرين ديل ماعرفو يكتبوها،،وانا في نص بكاي بقيت اضحك😂🖤ضربت سما رد ليها مهند قال لي ليها اها كم؟،لالا ياخ،،جاده، ي زوله مامشكله بتعوضها السنه الجايه،، كفر الله سيأتك طبعا الكلمات وقعت في قلبي زي السكاكين🙂💔تعوضها السنه الجايه دي بتتعاد زي الصدا ،،،ماما كانت واقفه قعدت وختت يدها في راسها قالت لي كيف يعني تعوضها السنه الجايه جابت كم💔،،،مهند قال ليها والله لو ماضغطك كان خليتها تتعاور زياده بس ي حجه ابشري بتك نجحت وبي تفوق وجابت92طبعا الساعه ديك صرخت وبقيت اكورك ونطيت في رقبتو وبقيت اكفت فيو وابكي لسه قال لي ي عويره احنا واثقين فيك ومبروك ي احلى اخت🖤ماما وبابا باركو لي وهم بباركو لي شهد قالت ليم على فكره انا ممتحنه معاها🙂،،،ماما قالت ليها سجمي كرعلي انشغلنا بي المتخلفه دي اها بشري،،،قالت ليها ماعاوزه زعلت💔،،،مهند قال ليها خلاص العازومه لي طل براها شكلك سقطي،،،قالت ليو هاااي اسقط وين جبت91😭🖤برغم ماما مابتعرف تزغرد بس برضو زغردت لينا😂🖤في اللحظه ديك جات لنا ويزن وهمام داخلين قالت لي دكتورتنا مبروووك النجاح،،،قلت ليها لحقتو عرفتو كيف،،يزن قال لي من الزغريت دا 😂🖤باركو لينا انا وشهد وكدا لنا جابت لي بوكس كدا فيو اي نوع من الشوكلاتات اتنين🖤وفي النص في خاتم فضه🖤حبيت الهديه شديييييييييد🖤ماعرفت اعبر ليها كيف ونفس الشي لي شهد قالت لينا كنت واثقه من نجاحكم،،،يزن قال لي هديتك بكرا لمن تصحي حاتلقيها وصلت،،مهند قال لي اناكفايه هديه في حياتك،،،قلت ليو ي ود قد بقيت موظف تجيب لي هديه زيك زي الباقين احسن منك في شنو
المهم الناس بقت تخش وتطلع وصحباتي وجونا ناس خالتو عفاف سوسن سما جابت لينا اي وحده اسوره فضه فيها حرفها🖤وطبعا باقي العائله بدو كاشات😂شهد جاتني بعد المغرب تاني لانو ضربت ليهاتجي تشيل هديه سما قالت لينا اكيد كنتو شافيني من بعض جايبين قريبين لي بعض،،،شهد قالت ليها لا بس قرينا سواا😂المهم اليوم كان حلو شديد والناس كلها جاتنا وماما ضربت لي خالتو عائشه ليا جابت 82🙈حاترجع السودان نهاية الاسبوع المهم بعد اليوم المتعب دا شلت تلفوني ارد على الناس السفهام لي كم يوم لقيت قريب ال20مكالمه من سلمان🤦🏻♀️💔نسيتو بي كلو🤦🏻♀️💔
________________________
يتبع#💕
