--------------------------------------
قلت لي شهد يكون زعل؟،،،قالت لي ماف شي بزعلو،،قلت ليها ماعارفه حاسه كدا💔،،قالت لي مابكون هو هظار عادي اتناسينا الموضوع بعد المحاضره رجعت البيت كنت تعبانه نمت طوالي صحيت المسا كدا بعد صحتني ليا قالت لي قومي الاكل قمت وبعد اكلت وكدا كان تاني يوم ماعندنا جامعه دخلت لقيت ايمن اولاين رسلت ليو بعد فتره حتى رد تاني بقى يتكلم عادي اتناسه الموضوع خفت يكون زعل المهم بعد يومين كنا في الجامعه معاي ليا ولين وشهد كانت في القاعه عندها حاجات تخلصها المهم قاعدين بنتونس جاتنا شهد تتبسم قلت ليها خير عملتي ياتو مصيبه،،،قالت لي ارتبط🌚🖤،، قلت ليها في الخمسه دقايق دي؟لي ارتبطي في باب القاعه ولاكيف😂😂بقينا نضحك انا وليا لين قالت لينا حرام شكلها جاده،،قالت لينا جد انا جاده،،قلت ليهل نعم كيف يعني،،قالت لي بي فارس وبقت تعمل بي يدينها كيف وكيف قلت ليها اهدي ووحده وحده ،،قالت لينا كل الحصل فارس امبارح صارحني والليله اتكلم معاي واقنعني صراحه وجد انا لازم انسى عذام اناكبرت على العواره دي لازم ادخل في علاقه تنسيني ليو،،ليا قالت ليها دخلتي في علاقه عشان تنسي علاقه؟ابشرك الاتنين حايفشلوا،،قالت ليها ماكدا بس صراحه هو اقنعني الزول تدرجيا بحب الزول ماطوالي وماعارفه هو ظريف وسمح اهم شي😂🖤،،لين قالت ليها وراكب ديك ي العربيه💃🏻🖤،،ليا قالت ليها دا همك،،قالت ليها اكيد😂🖤،،شهد قالت لي طل ماعلقتي يعني،،قلت ليها والله يعني هو وراك وانت قررتي ونفذتي وهي حياتك وبعدين انتوا ارتبطوا اصلا تعليقي حايعمل شنو؟؟؟🙂،،،قالت لي طل ماتزعلي مازي ماانت فاهمه،،قلت ليها م فاهمه شنو بظبط؟،،قالت لي هو وراني امبارح بليل واناماكنت مقتنعه عشان كدا ماحكيت ليك،،قلت ليها وانت من متين بتحكي لي بي شي مقتنعه بيو ولالا؟،،،قالت لي طل اووف يا انت عارفه انو عذام مالي ومفروض تشجعيني على. الخطوه دي صح، قلت ليها لا ماصح ودا ماارتباط دا لعب عيال منكم متين اتعرفتو على بعض لمن ترتبطو مش الشافع دا اتعرفنا عليو الاسبوع الفات؟لا كمان قبل اربعه يوم بظبط ،،،قالت لي عايني شفتي اي شي ولانفسنتك دي وعارفاك لمن تنقي في موضوع بفركش اخير افركش انا وانهيها من اسي،،قلت ليها انت هبله وبقيت اضحك😂،،قالت لي بتضحكي؟،،قلت ليها اي لانك جزمه ،،لين قالت لي انت كدا زعلانه ولامبسوطه،،قلت ليها ولاواحد لانو بجد استعجلت شديييد بس خطوه كويسه انها تنسى عذام🖤المهم ان شاءالله يكون كويس انتها اليوم والاسبوع وجانا سلمان تاني😂صايع ماعندو موضوع خلونا منو بقينا نتونس وجانا ايمن بعد شويه جا خالد قال لي سلمان اووو روميو وبن ياخ وحشتنا والله مالك المرا الفاتت مشيت طوالي،،قال ليو ظروف والله بس ياخ تقول شنو،،قال ليو لالا تمام افتكرناكم زعلتوا لانكم مشيتو طوالي،،ايمن قال ليو وتاني حانمشي وكورك لي حسام صحبو كان ماري بي جنبنا ومشى معاو،،قال لي مالو صحبك دا؟،،قلت ليو لاماف شي لهدر ساي عندو محاضره،،قال لي لالا تمام ومشى،،سلمان قال لي دا مالو، قلت ليو بري،،شهد قالت اي بشوفو بعدين، قلت ليها مرتو انا ولاانت تشوفي انت؟،،،قالت لي مررررتو لكن،،سلمان قال ليها لاحظت😂😂،،قلت ليهم شفع قليلين ادب ماشه زاتو جو وراي ومشغلنها لي ومشينا الكفتريا طبعا من سلمان يجينا ي البوش جاك زول😂🖤💃🏻وديك ي الشطه والبوش الماخمج نقعد نكسر في الفول ونجيب موية الجبنه والطعميه والحركات طبعا بنات جامعتنا عندهم يع وياي وبتاع حنك احنا بنات ومامفروض نعمل كدا وفي البسالنا اسي انتوا قدام حبايبكم بتاكلوا كدا عادي؟اااحي ماشافوا ايمن لمن يقعد يظبط معانا😂ونكون احنا الاربعه وانا وهو نتشاكل في الشطه وفي النهايه منو البعزمنا البارد بتهزروا انتوا؟🐸😂
المهم فقدنا ايمن المرا دي💔لمن رجعنا البيت شهد رسلت ليو وكدا لانها بستو وكدة😒(مابغير ولاشي🙄)رسلت لي اسكرين قالت لي جاب لي جافاف ود الكلب😭قريت الاسكرين كانت بتسال فيو وكدا قامت قالت ليو بتزعل لي انت دي تشغيلات ساي وهم عارفين البينكم وكدا ،،قال ليها انتوا لي بتسموا زعل لي مايكون غيره؟!ااااحي بقيت اتكشم براي🙈🖤😂قمت رسلت ليو الاسكرين وحنكتو وكدا 😂طبعا قربنا نخلص تانيه في يوم كنا زوهجانين انا وليا ضربنا لي شهد قلنا ليها جاينك قالت لينا ارحكم شارع النيل انا زاتي زهجانه وبي حكم انو قريب مشينا طوالي طبعا بي عباياتنا بس😂🌚ليا قالت نفسي في جبنا ارحكم نشرب،،شهد قالت عاوزه شاي بي لبن وانا اشتريت تسالي😂مابشرب ولاشي من ديل بنتونس ونضحك فجأه نشوف شهد سكتت قلت ليها مالك اشرت لينا على اتنين قاعدين بت وولد طبعا انا الهبله مركزه مع البت😂قلت ليهم ماعرفتها،،ليا قالت لي ركزي مع الولد طلع دا فارس🤦🏻♀️اخر ضحك الاتنين وونسه تقيله شكلها قلت لي شهد ماتستعجلي احتمال اختو او بت اهلوا،،ليا قالت ليها اي ماتفهمي غلط طوالي،،قالت لي ماعندو غير اخت وحده وبعرفها ومع عندوا علاقه بي بنات اهلوا🙂،،كانت قايمه عليهم مسكناها قلت ليها اهدي اول بقت تبكي شديد،،ليا قالت ليها بتبكي على الماتامي نص راجل اصلا من الاول ماحبيتو بس ماحبيت اقول ليك،،قلت ليهم هي لابسه الباروكه كدا لي؟!،،بقو يضحكوا الاتنين وشهد الدموع جاريه وتضحك😂🙂قالت لي الناس في شنو وانت في شنو قلت ليها جد لي عامله في نفسها كدا،،ليا قالت لي خليكم هنا واتفرجوا،،قلت لي شهد المجنونه دي عاوزه تعمل شنو،،،عملت نفسها ماشه واتعرته وسبتت في كتف البت المعاو وهي لابسه خاتم وعنيه شربكتو في شعرها او الي هو باروكتها😂وختت يدها في خشمها جات تقول ليها سووري قبل تتم لقت الباروكه في يدها😂😂كان في مجموعه اولاد بقو يصفروا ويكوركو وماخلو شي😂قالت ليها انت مجنونه ماتحاسبي ،،قالت ليها اول شي اناووقعت اقول لي القدر مايوقعني وبعدين من القال ليك البسي باروكه وكدا كمان؟الاولاد بقو شغالين ضربو الجبها طارت وااا وبتاع😂فارس قال ليهم حصل خير ي جماعه وهووكاتم الضحكه،،ليا قالت ليو اووو فارس يا كيفك صدفه حلوه والله،بقى يتمتم قال ليها كيفك،،قالت ليو تمام جينا زهجانين حتى معاي شهدوطل كوركت لينا
طبعا قمنا انا وشهد ومشينا عليم ماكانو بعيدين شديد شهد قالت ليو تسلم لي الثقه مش على اساس انك في المستشفى مع عمك؟،،قال ليها اسي جيت من المستشفى والله،،المعاو قالت ليو ي مياصه كدا حبيبي عمك عيان في المستشفى وماتوريني وانامعاك من الصباح يخس عليك طبعا قاصده تورينا انو كان معاها من الصباح وماكان مع عمو ولاشي ،،شهد قالت ليو انت من الاول لو ماكنت عاوزني ماكان تخليني اتعلق فيك💔اناماجبرتك علي عملت ليك شنو عشان تلعب بي كدا؟😭💔،،ليا مسكتها وبقت تهدي فيها قالت ليها روقي ،،قلت ليو تف عليك البتعملوا في البنات حايحصل لي اختك ي الماتامي راجل،، قال لي احترمي نفسك وي شهد والله انت فاهمه غلط دي بت خالي ووو،،نطط ديك قالت ليها وخطيبتو،،شهد بقت ساكته بس🙂،،قال ليها والله ابوي جبرني و...، قالت ليو شافع انت عشان ابوك يجبرك؟؟،،،وبعدين خلى اخوانك الكبار المامعرسين وجاك انت ياخ اللعن ابو البدخل في علاقه معاك من هنا واعتبر البينا انتهى🙂💔ومشت واحنا مشينا وراها قالت نرجع طوالي فعلا رجعنا قالت عاوزه ترجع براها ماف زول يمشي معاها وفعلا مشت واحنا رجعنا ،،لقيت ايمن داخل وخاتي استوريهات كتيره دخلت اتفرجت لقيتها جزو صور ليو مع ناس خنساء وشلتها يلا خنساء دي كانت بتقرا معاي في الاساس وفرقنا الثانوي كانت صحبتي شديد انا وشهد كان عندي رقم امها وضاع وتاني مالميت فيها الافي الجامعه بس هي بتقرا هندسه طبعا علاقتها فجاه قوة بي ايمن الأولى ماعارفه لي والسبب ودي كانت المرا الاولى ايمن يرفع صورت بت استوري💔قلت مااعمل موضوع واصلا انابراي زهجانه قلت احكي ليو بي قصت شهد رسلت ليو ايموني🌚🖤
قال لي هلا
قلت ليو كيف قيلت
قال لي تمام
قلت ليو دايما وزعلت قلت لي مايقول لي وانت💔وطلعت بعد شويه قال لي انتِ كيفك قلت ليو الحمدلله قال لي وين شهد؟ لا هو جادي لي بتعامل كدا💔قلت ليو منفسنه مااعتقد تخش الليله،،قال لي مالا قلت كدا كدا شهد حاتحكي ليو اخير احكي انا واصلا عاوزه موضوع عشان اقدر اسالو مالو حكيت ليو ،،قال لي نبهتها بس مابتسمع الكلام وقالت ماشافت شي كعب منو،،قلت ليو هو كعب،، قال لي بتاع بنات بس،،قلت ليو ولي ماحكيت لي؟،،،قال لي ماجات مناسبه،،قلت ليو لالا تمام اتغظت شدييييييد حلفت مااسالو طلعت ورقدت نمت صحيت تاني يوم كان جمعه قلت بعد الصلاه امشي لي شهد عملت ليم كيكه شوكلاته وجهزت الشاي اصلا صاحيه بدري وجهزت عصيرنا انا وليا ،،،ماما وبابا بعد الصلاه برجعو ينومو قامت ماما اول زي الساعه9ونص كدا قالت لي بسم الله مشاءالله عليك مالك الليله قلت ليها شهد تعبانه شويه ماشه ليها وانت عارفاها بتحبها،،قلت لي كرعلينا احنا واسي افتكرت عاوزه تغيري لينا جو،،ضحكت قلت ليها الجزء الاكبر ليكم طبعا😂🖤بعد شويه صحو بابا ومهند وليا وعملنا الشاي ختيناو وشربنا بعد الصلاه قلت لي ليا ماشه لي شهد ارح قالت لي عندي مغص شديد والله مابقدر امشي قلت ليها سلامتك مامشكله بمشي ليها انا انت اشربي شي سخن وارجعي نومي
مشيت لي شهد لقيتها فاتحه اغاني وفاتحه نفسها وبترقص،،قلت ليها وانا القلت اجي القاك ميته من البكا😂،،قالت لي بكيت امبارح كفايه🌚،،قلت ليها يعني مازعلانه اسي،،قالت والله ي طل مااكذب عليك زعلانه وحايفرق معاي لانو خلاني اتعود عليو شديد في الشهر دا يمكن اتعلقت فيو بس مالي درجة حبيتو لسه فماحايفرق معاي كتير والحمدلله اكتشفتو قبل احبو،،قلت ليها بجد الحمدالله🖤حالتي قلت اجي اغير ليك جو وصاحيه بدري واعمل ليك كيكة شوكلاته بس حااشيلها وارجع نطت فوق قالت لي كيكه وااي وربي نفسي فيها،،قلت ليهل السنه كلها نفسك فيها😂🖤جرت المطبخ لقت خالتو خاتاها في صحن ومعاها فطاير🤤💙ماي عشق الاول😂🖤اكلنا ورجعنا البيت لقيت وسن وراجلهاو بطتي🥺🖤فاطمه بتها🖤بقينا نتونس ونضحك وليا جات نازله قعدت معانا شويه وجو ناس يزن🤤💙طبعا همام عشقو في الدنيا بطه😂🖤اليوم كلو يلعب معاها قلت ليم نحجزم لي بعض من اسي🖤المهم كان يوم حلو ومافتحت تلفوني خالص فيو ،،،بعد المغرب كدا طلعوا انتظرت العشا صليت ومسكت تلفوني لقيت ايمن مامرسل لي خاااالص بس رساله من امبارح رادي على استوري وخلاص زعلت زعل اول مره مايفقدني ولو بي مسكول رسلت ليو قلت ليو وين الليله ماجايب خبري بي هظار كدا،،كان داخل ومارد بعد شويه طلع والله مافضل لي الا ابكي نادتني ليا قالت لي في فلم ظااابط تعالي نحضرو قلت ليها تمام اصلا ماف موضوع كنت بحضر معاها وفي الفاصل بفتح تلفوني رد علي برا البيت والله قلت وين ي صايع من غيري مارد علي لمن الفلم بدا وهو داخل قفلت التلفون انتبهت مع الفلم بعد خلص فتحت تلفوني لقيتو داخل وقال لي مع ناس مازن وحسام وباقي الشباب وكدا قلت ليو تمام دخلت الاستوري لقيتو خاتي صورم وكاتب عن اليوم ولارديت عليو ولاعلقت على الصور فتحت باقي الحالات لقيت خنساء خاته استوري وهي معلقه ليو قالت ليو مشيتو وين ي صيع، قال ليها مشينا كدا وكدا وفعلنا وسوينا ومن ضمن الحاجات اسم كافي كدا قالت ليو واي قالو رهيب نفسي امشيو،،قال ليها خلاص الجمعه الجايه خاته الاسكرين وكاتبه شكلها حاتكون اظبط جمعه🤤💙عملت اسكرين ورسلتوا ليو قلت ليو لمن اسالك تختصرني ولمن هي تسالك توريها بقيت انا الغريبه صح؟ومن قبيل تسفه فيني انت لو ماعاوز تتكلم معاي قول لي عادي،،قال لي والله ماكدا وكان جنبي الشباب ديل وعارفاني مابحب ارد عليك جنبهم وهم ماعارفين وماقصدي اسفهك واسف،،قلت ليو وطالع معاها كدا عادي؟مامعتبرني شي داخل وطابع مع البنات واحنا الحياتنا ماطلعنا سوا؟،،،قال لي اول شي اكيد ماحااطلع معاها وانت عارفع وجهت نظري في انو انااطلع مع بت والناس حاتقول عليها الف كلمه وتاني شي احنا بنهظر واكيد ماحااسوقها كافي كلو شباب ،،،قلت ليو لالا تمام والله اصلا كنت منفسنه وبطل الفلم مات وحالتي زفت قمت جهزت هدوم بكرا ونمت اتقلب الليله كلو نمت بعد تعب تاني يوم في الجامعه لاقيت خنساء صراحه هي من ناحية ظريفه ظريفه شديييييييد وونتسه المهم اتونست معاي وبقت تسال فيني مالي قلت خلاص احكي ليها عشان تفهم وتزح من ايمن وتحس على دمها قمت قلت ليها عندي مشكله مع ايمن وكدا،،قالت لي انتو ا في شي بينكم،، قلت ليها ايوا😔،،قالت لي حبيبتي ماتزعلي واي علاقه بحصل فيها مشاكل وكلام كتير ومشت بعد جات شهد،،قمت حكيت لي شهد بي الحصل،،قالت لي انت هبله حكيتي ليها؟عشان بكرا الجامعه كلها تعرف؟ماعارفاها سواطه كيف؟واي كلام بتنقلوا وبعدين تغيري من خنساء؟انت هبله انت ماعارفه ايمن بحبك،،قلت ليها ايمن بقى مابحبني صدقيني هو مابحبني بقى يتجاهلني شديد ما يوم ولايومين وبقيت ابكي قلت ليها ليو زمن متغير،،قالت لي انابتكلم معاو وبسالو،،قلت ليها اووعك انااتكلمت معاو بس خليو بي راحتو ،،قالت لي احتمال زعلان من شي عشان بحكي لي انا واوريك،،قلت ليها لا لو في شي مزعلوا كان حكى لي ،،قالت لي راحتك قمت الاستراحه وغسلت وشي تميت اليوم عادي،،رجعت البيت وطبعا ايمن ماداخل
بقيت ماشغاله بيو كتير ولابرسل لو عاوز يرسل هو✋🏻طبعا دي توصيات ليا😂غير كدا كان رسلت ليو عارفه نفسي هبله ولصقه واي شي علي بس بحبو اعمل شنو💔اتونست مع سلمان ونمت الصباح ماصحيت الاجاتني ليا سرعه سرعه جهزت وطلعنا كنت مصدعه ونعسانه والطريق كلو نايمه دخلنا الجامعه اي زول اتجه على قاعتوا انتهينا من المحاضرات ليا ماكان فاضل ليها كتير وتنتهي قلنا نمشي الكفتريا ناكل لانو مااكلت شي الليله واحنا ماشين لمحت ايمن قاعد مع خنساء وشلتها اتغظت لمن قربت ابكي قلت لي شهد امشي اطلبي مسافة اجي فعلا مشت وانا ناديت ايمن جاني قال لي نعم؟؟قلت ليو ايمن انت عاجبك الاحنا فيو دا؟،،،قال لي الليله الجو سخن صح انازاتي لاحظت،،قلت ليو ايمن ماتعمل غبي انت فاهمني عاجبك وضعنا،،قال لي وضعكم مالو؟!لاهو جادي ولابتهابل؟!،،،قلت ليو ايمن قصدي انا وانت عاجبك البحصل بينا دا عاجبك انو نكون بعيدين عن بعض كدا؟!،،قال لي مالنا احنا اسي ماحلوين،،قلت ليو لا ماحلوين افتح تلفونك شوف اخر مره اتصلت ولا رسلت لي متين؟!وانا دايما البرسل وبعد دا كلو بتسفهني؟!اليوم كلو مع خنساء وشلتها💔يعني بتفضلهم علي؟ها رد،،قال لي طل ما كدا بس..،،قلت ليو بس شنو؟ها بس شنو؟انت لو ماعاوزني قول،،قال لي افهمي التفهميو انا زهجت زاتو،،قلت ليو زهجت مني ي ايمن ماعاوزني؟تمام ي زول ربنا يسهل عليك،،دي كان اول مره نتكلم بي الاسلوب دا بس هو اختار هو ماعاوزني عاوزها هي خلاص هو حر في حياتو اصلا دي نهاية سنه والسنه الجايه اخر سنه ليو ويتخارج من الجامعه مشيت لي شهد لقيتها قاعده ومنتظراني ناكل طبعا انا لمن اكون زعلانه لو لقيتك قدامي باكلك😂💔✋🏻قايلين ماحااكل وكدا هئ اخر زول ممكن يخلي الاكل عشان زعلان حكيت لي شهد وهي مصدومه اكلت سندوتشيني وشربت باردي وهي لسه مامستوعبه شابكاني لي ي طل ماكان تستعجلوا💔وماكان تنهوا البينكم بي السرعه دي💔انتوا لسه بتحبوا بعض حاتتعبوا وبقت تتكلم كتير اكلت سندوتشيها وقلت ليها والله شايفاك زعلانه اكتر مني جات ليا ولين وبرضو نفس الحوار وكلام كتير شلت شنطتي وقلت ليم لو عاوزين تبيتو هنا اوكي ماعندي مشكله باي ومشبت جوا لاحقني ومشينا البيت سلمت على ماما وطلعت فوق خليتها مع ليا جدعت شنطتي وقبلت على السرير وفتحت بيت بكا الموضوع صعب بنسبه لي وشديد💔بس ماعاوزه ابين لي ليا وشهد عشان حايمشوا لي ايمن ويزنو ليو لمن يرجعونا بس اناماعاوزه كدا ماعاوزه ابين ليو انو انو فرق معاي حاتقولو بينت ليو قبل ننفصل بس يفرق قبل وبعد جات ليا داخله لقتني ببكي مسحت دموعي وفتحت الدولاب شلت بجامه وماشه على الحمام مسكتني وحضنتني قالت لي كلو لي خير وبكرا يجيك الاحسن منو اوعك تبكي ولاتنزلي دمعه مايستاهل منك حضنتها زياده وقلت ليها كفايه درمات ماشه الحمام وجايه انوم نعسااانه قالت لي ماتمام انت من الصباح نعسانه قلت ليها لانو الاسبوع كلو بساهر مشيت الحمام استحميت وجيت نمت ماصحيت الا مع العشا الحمدلله ماكان في جامعه تاني يوم نزلت تحت لقيتهم متلمين قعتا معاهم فرقت وعرفت اخواتي جاين بعد شهر😭🤍اخيرا حاجه تفتح النفس😂🤍بس حاااكون شغاله امتحانات💔اوف ياخ بعد القعده الظابطه دي طلعت فوق فتحت تلفوني لقيت ايمن متصل كتير فتحت الشبكه برضو مرسل قلت دا مالو كمان فتحت الرسايل كلها عباره عن انااسف وماقصدي وفهمتي غلط وناديتك اشرح ليك بس ماوقفتي وانوا البينو وبين خنساء مجرد صحوبيه وكلام كتير ،،قلت ليو وجاي توريني اسي؟وبعدين كلامك كان واحد افهمي العاوزه تفهمي وانافهمت انك ماعاوزني،، رد طوالي قال لي طل اناكنت زهجان فماتاخدي بي كلامي ،،قلت ليو وانامازهجانه وكلامي في محلوا وخلاص البينا انتهى ممكن نبقى اصحاب بس؟،،قال لي انت متاكده من البتقولي
________________________
يتبع#💕
