FOLLOW ME[Complete]

30.Side_effect:1

❦︎Unicode version❦︎

FOLLOW ME - 30
.
.
.
.
.
"ဦးငယ်...ကျွန်တော်သားသားတွက်လိုအပ်တာလေးတွေmarketမှာသွားဝယ်ချင်လို့!...အဲ့ဒါဦးငယ်လိုက်ပို့ပေးပါလားဟင်!..."

စနေနေ့လိုရုံးပိတ်ရက်ဖြစ်တာကြောင့်မိသားစုလိုက်လေးစျေးဝယ်ထွက်ဖို့ရန်စိတ်ကူးမိလိုက်တာမို့ရိပေါ်ဦးငယ်ကိုတောင်းဆိုမိတော့ရေချိုးပြီးဗီရိုရှေ့အဝတ်လဲနေသည့်ဦးငယ်ကသူ့ကိုတချက်မျှစောင်းငဲ့ကြည့်လာတယ်။

"ဒီနေ့တော့မရဘူးချာတိတ်ရ...ဒီလိုလုပ် မနက်ဖြန်မှကိုယ်ချာတိတ်နဲ့သားသားကိုကစားကွင်းထိလိုက်ပို့ပေးမယ်လေ..."

အက်ျီကြယ်သီးငုပ်တပ်နေရင်းပြောလာသည့်ဦးငယ်ကသူ့အငြင်းစကားကြောင့်ငိုတော့မလိုညှို့မှိုင်းသွားသည့်ရိပေါ်မျက်နှာလေးကိုမြင်ပုံမရ။ရုံးပိတ်ရက်မှာတောင်အလုပ်တွေရှုပ်နေတာလားအရှုပ်တွေလုပ်နေတာလားမသိပေမဲ့သူ့ကိုယ်သူပြင်ဆင်နေတာတောင်ဦးငယ်ပုံစံကအလျင်လိုနေဟန်။messageဝင်လို့ဖုန်းnoticသံကြားတိုင်းလည်းphone screenလင်းလင်းကိုပြေးကြည့်ရတာအမော။

"အဲ့ဒါကပိုအရေးကြီးနေတာလားဟင်!..."

မှန်တင်ခု​ံနားရပ်လို့လက်ပတ်နာရီဝတ်နေရင်းရိပေါ်အမေးစကားကြောင့်ဦးငယ်ကမျက်ခုံးတွေပင့်ကြည့်လာတယ်။မသိရင်ရိပေါ်ကပဲမမေးသင့်တာမေးလိုက်မိသလိုမျိုးအလိုမကျဟန်ဖြင့်။

"အဲ့လိုမတွေးရဘူးလေချာတိတ်ရာ...ကိုယ်ကအလုပ်ကိစ္စနဲ့အပြင်သွားရမှာမို့ရက်ရွေ့ပေးစေချင်ရုန်လေးပါ...ကိုယ်လုပ်နေတာတွေကချာတိတ်နဲ့သားသားအတွက်ပဲဆိုတာသိတယ်မဟုတ်လား...နားလည်ပေးနော်..."

ရိပေါ်နဘေးမွေ့ယာပေါ်တင်ထားပေးသည့်မီးခိုးရောင်ကုဒ်အက်ျီယူဝတ်ရင်းချော့ပြောလာသည့်ဦးငယ်။ဦးငယ်အထင်သူပြောနေတာတွေကကလေးဆန်ဆန်အတွေးတွေကြောင့်လို့ထင်နေပုံ။

"ကျွန်တော်မတွေးပါဘူး...ဒီတိုင်းပြောလိုက်မိတာ..."

"ကိုယ်သိတယ်...ချာတိတ်ကကိုယ့်အပေါ်နားအလည်ဆုံးပဲ...နောက်ကျနေလို့ကိုယ်သွားတော့မယ်နော်ချာတိတ်!..."