في فيلا صغيرة و شابة تطل على البحر ؛ كانت مراة واقفة فالبالكون تشرب فقهوتها و تتفرج فالبحر لي كان هايج ؛ دخلت للداخل و عيطت
رهف : جميلة .... جميلة
جات تجري عندها
جميلة : وي مدام
رهف : الطابلة واجدة
جميلة : ايه كلش واجد قعد نحط لحليب برك
رهف : حطيه و روحي نوضي لبنات
جميلة : ايههبطت رهف لتحت و قعدت فطابلة هكذا شوبة هبطت ميس راحت باستها
ميس : صباح الخير ماما
رهف : صباح الخير ميمي ؛ وين راهي ختك
ميس : دوك تهبط علبالك بسيف باش تنوضهبطت روسلين تحك في عينيها و تتاوب
روسلين : صباح الخير
قعدت فطابلة و رفدت كوكيز قاعدة تاكل فيها
رهف : كنت حابة نقوللكم حاجة ؛ راح توجدو حوايجكم لعشية راح نروحو
روسلين : وين بيها
رهف : راح نرجعو لدار جدكمرهف قاعدة تعس فردة فعل بناتها منبعد نطقت ميس
ميس : وعلاش نروحو ماما ياك رانا ملاح هنا
رهف : ميس حنا تاني بلاصتنا تما معاهم وسط العائلة
ميس : عائلة ؛ وعلاش هوما يحوسو علينا اصلا مدابيهم منرجعوش
رهف : ميس نتي لي تحوسي على جدك و عمومك هاذي واحد زوج مكان مدخلني اذا راهم حابين ولا لالا حنا تاني عندنا حق تما
ميس : بصح ...
رهف : ميس هدرتي هدرتها منسحقش رايك حبيتكم تعرفو برك بلي راح نروحو مجيتش نسقسيكم اذا حابين ولا لالاميس دورت راسها منبعد خزرت فختها
ميس : روسلين مراح تقولي والو
روسلين : عندي كيفكيف ميهمنيش وين نقعد ؛ دوكا بصحتكم انا لازم نروح نشوف mes amis نودعهم الله غالب حنا نعرفو فدقيقة لخرىرهف فتحت فيها عينيها و طلعت حاجبها ؛ تبسمت روسلين و قرصتها من خدها و طلعت لشمبرتها لبست و رفدت تليفونها و خرجت
نروحو لجهة واحد اخرى ؛ ففيلا كبيرة ولا خلينا نقولو قصر ؛ لي كانت فيه جنينة كبيرة بزاف في وسطها طابلة كانوا متجمعين عليها يستناو فجاسم يهبط باش يبداو ياكلو ؛ هبط جاسم و قعد منبعد شوية نطق
جاسم : عيطتلي رهف ليوم ؛ و قالت بلي راهم راجعين
صفية : كيفاش ؛ وعلاش واش خصهم تما بابا ياك راك قايم بماكلتهم و قرايتهم و عيشتهم خير ما جابهم
اشرف : وعلاش ماجيش يما ياك هنا تاني دار عمر
صفية : عمر وين راه اصلا كي راك تهدر عليه خلا مرتو و ولادو و حنا نكسرو راسنا معاهم
جاسم : واحد ماكسرلك راسك صفية ؛ هذا حقهم منقدرش نمنعهم فالاخر هاذوك عائلتي و ولادي من لحمي و دمي يروحو يروحو و بلاصتهم تقعد وسط عائلتهم
ريحان : مالا بابا نقوللهم يوجدلهم شنابرهم
جاسم : خير مادرتي ريحان بنتيكملو ياكلو و صفية وجها مقلب كان باين عليها بلي راهي رافضة يجيو
في الليل :
وصلت طونوبيل قدام الفيلا و هبطت منها ميس و روسلين
و معاهم رهف لي كانت تمشي بكل كبرياء ؛ فتحتلهم الخدامة و دخلو لقاوهم مجتمعين في الصالون سلمت عليهم رهف و قعدتجاسم : ميس روسلين متسلموش على جدكم
راحو سلمو على جاسم و ريحان و التوام و راشد ؛ بارسكو غير هما لي كانو تما
جاسم : ايه لبنات كيفاش راكم مع القراية
ميس : ملاح جدو
جاسم : راح ندخلك في احسن مسيد هنا مام نتي روسلين راح تولي تقراي فنفس لافاك لي تقرا فيها نرجس و امجد
روسلين : اممم
راشد : ايهيه لبارح برك كنتو صغار نشفالكم ؛ و ليوم كبرتو و تبدلتو كامل قريب نزوجوكم
روسلين : ههه بلاك تالمون متشوفوناش بزاف تبدلنالكم بلخفرهف بدات تسعل حصللها لاتاي لي شربته و فتحت عينيها فروسلين
رهف : انا بناتي منمدهمش حتى يقراو و يخدمو
جاسم : و وقتها انا نخير سيد رجال لبناتناضحكت روسلين باستهزاء و هدرت
روسلين : هه مالغري مرانيش نخمم ناخذ رايكم فراجلي و فزواجي مي معليش
رهف غمضت عينيها و ميس جبدت ختها من يدها تاع اسكتي ؛ ريحان قلبتعينيها ماشي عاجبتها تصرفات روسلين
....
دخلت صفية شافتهم جات راجعة ؛ نطقت رهفرهف : اهه صفية هاذي نتي
صفية حبست فبلاصتها و دورت عينيها متقلقة منهم راحت رهف عندها سلمت عليها
رهف : علبالك صفية ختي كنت نستنى فيك نتي لولى لي تلاقينا نعرفك توحشتينا
ضحكتلها صفية ضحكة صفراء
رهف : بصح معذورة علبالي وليتي متقدريش طيحك لكبر واش تحبي كامل نشيبو و نعيبو ماشي هكذا بابا جاسم
صفية تقلقت بزاف من هدرتها علبالها راهي تستفز فيها
رهف : ارواحي قعدي لاه راكي واقفة
روسلين تقلقت من هدرتهم
روسلين : انا سمحولي راني عيانة حابة نطلع نرقد تصبحو بخير
جاسم : فخرية ... ادي لبنات وريلهم شنابرهمطلعو لبنات مع الخدامة ......
VOUS LISEZ
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع