حط اشرف اخر تبسي تاع شواء فوق الطابلة و بداو ياكلو بما فيهم نهال وسط ضحك و قسرة و خطرات تلقاهم تناقرو مع بعضهم سورتو صفية ؛ مالغري المشاكل و العقليات تاع كل واحد فيهم بصح يقعدو عائلة وحدة حتى لوكان كاين المليح و العيان بصح تقعد كاينة صلة الدم و القرابة لي بيناتهم الشي لي يحلي لمتهم و قعدتهم .... جاسم فرح بزاف بعائلته كي لقاها ملمومة و يقسرو مع بعضهم و يضحكو ، قعدو شحال و هوما قاعدين منبعد كل واحد وين ناض لي راح يغسل و لي فرز طابلة و لي قعد فصالون
روسلين كانت تهز فالمواعن مع نهال حتى صونا تليفونها
نهال : خلي عليك انا نكملهم
روسلين : لالا معليش منبعد و نرفد
نهال : بووه واش فيها
روسلين : مارسيي ختيتي اسمعي خلي طابلة تمسحها هاذيك نرجس مديريش كلش وحدك
نهال : ههه روحي بركرفدت روسلين تليفونها و راحت تهدر مع صحباتها ؛ قاعدة تمشي و تهدر حتى لقات روحها بعدت وصلت كيما واحد شجرة و قعدت تهدر غير كملت ناضت و دارت باش تروح لقات ادهم واقف و داير يديه فجيبو شهقت
ادهم : خير تخلعتي
روسلين : كي شفتك هكذا مورايا و فالظلمة خفتسكتت منبعد خزرت فيه شحال و جات رايحة تكمل طريقها حتى حست بيدو لي شدتها من كتفها عقدت حواجبها و قالتله
روسلين : خيير
ادهم : نتي لي خير وليتي تتشنفي على العباد
روسلين : الله يهديك وين شفتني تشنفت تجبد فيا و كي نسقسيك تقولي راني نتشنف
ادهم : مرانيش نهدر على دوكا .... مراكيش تشوفي فروحك كيفاش راكي دير هاذ اليامات
روسلين : واش راني ندير
ادهم : وعلاش جبدتي روحك هكا مفهمتش بين ليلة و نهار تبدلتي
روسلين : كل واحد حر فحياته يدير واش يحب منهدرش معاك بسيف
ادهم : و السبة
روسلين : شوف نتا
ادهم : .... اذا راكي على واش قتلك هذاك نهار ...
روسلين : هاك علبالك وعلاش تسقسي ... وقيلا نسيت واش قلتلي .... ولا متحسش بلي قلته شوف ادهم اذا والفت الناس لخرين تهدر معاهم كيما تحب و يرجعولك نورمال انا لالا
ادهم : a ce point تشوفيني هكذا
روسلين : كيفاش حابني نشوفك malheureusement هاذي هي الصورة لي رسمتهالنا ادهم ... معلبالكش شحال قاستني هدرتك وقتها يعني دايمن تحكم على ناس قبل متعرف واش كاينكملت هدرتها و جات رايحة منبعد حبستها هدرته
ادهم : انا طبيعتي هكذا روسلين كيما قلتي منعرف للطرافة ولا الملاحة ما عنديش قلب صح الله غالب معشتش و تربيت بلاك كيما عشتي نتي ..... انا بابا كي كنت صغير عمره مالغري مكان منقص علينا حتى حاجة بصح كان صعيب و واعر معانا بزاف عشت صغري كامل معاه قبل ما يموت عمره ولا حن عليا ولا هدرلي كلمة مليحة فحياته على كل غلطة يضرب و يعيط و فالمرض ميحوسش عليك و موراها مات يما زادت بعدت علينا كثر كي راح و خلاها محسيتش لليامات لي جازو حتى لقيت جدي مخليلي مسؤولية دار .... لي حبيت نقولهولك انا مكانش عندي وقت باش نتعلم الظرافة لي تهدري عليها و لي قلتهولك هذاك نهار مكنتش قاصد بيه حاجة عيانة بلاك هدرته ب une mauvaise façon بصح في قلبي روسلين منتمنالك غير الخير و جامي قصدت نقيسك ولا نجرحك
عينيها دمعو من هدرته معرفتش واش تقول قعدت حابسة كيما راهي مدارتش ممبا و هو كي لقاها محبتش تريبونديلو دخل للداخل ؛ زمان دورت راسها لقاته مكانش تبسمت و لحقته للداخل
......
دخلت لقاتهم فالصالون نطقت فاطمة
فاطمة : وين كنتي روسلين طولتي
روسلين : هاا كنت نهدر مع البنات فالتليفوندخلت نرجس حطت الباتيسري و جاسم شهق
جاسم : لالا .... ههه راني كبير على البدع تاعكم
جاد : باين راك كبير شيخ ههه راهو يمعني زعما باش تقولولو مزالك جانخبطه جاسم
جاسم : وقتاش تحبس طوايشك
جاد : ههه متزعفش شيخ راني نقسرحطولوا شمعة و غناولو و هو حس روحو تبهدل على كبرو سيفو عليه يطفي شمعة و سلموا عليه واحد واحد
جاسم : اكبر كادو فهاذ دنيا هو نتوما نتمنى تبقاو دايمن ملمومين هكذا فالحلوة و المرة و مالغري المشاكل لي تكون نحب كل واحد فيكم يشد فيد خوه
فاطمة : ان شاء الله خويا
امجد : .... ايهه واش رايكم نلعبو action vérité بصح شرط كامل لي هنا يلعبو
جاد : اوووه انا الاول لي نلعب
ميس : superrrLes actions et les vérités
ديريهم نتوما تكتبوهم فالتعليقات البنات بين شكون و شكون و راح نخير الافضل فيهم نحطهم شرط يكونوا ملاح ماشي تروحو ههه زعما ديراكت تقولو لادهم تحب روسلين ولا روسلين تحبي ادهم ؛ المهم مقعدلي غير نقللكم ملتقانا اليوم ان شاء الله فالليل في بارت اخر 🧡🧡🧡
VOUS LISEZ
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع