اسيل مطنشه وبتتكلم مع ميار..
مروى ردت لعمتها بصوت سمعين الي جنبها: لاعد تحرجي سليفتي ياعمه مسكينه شكلها حين هي ثاني زواجه لزوجها بتظلم نفسها وتتخايل ماعد يحق لها تسوي شي
جميله انصدمت من رد مروى!
كل الي جالسات وسمعين بيتلفتين لبعض على كلامها !!
اسيل بتضحك مع ميار على تصرفات بنتها ولقانتها مانتبهت رجعت ابتسمت للكل شافت سليفتها تحيلت لها ولبسها: ماشاءالله فستانش يجنن
مروى: أكيد عيوقع يجنن قد خيطته مدري بكم والقماش قطعه واحده مابش منه ابدا ادوه لي من الهند
اسيل ابتسمت: تلبسيه بالعافيه
جالسات يتشاورين فيما بينهن الجالسات
اسيل قامت
ام ندى: ماتشتي ياروحي وانا اسير اديلش شاهي قهوه؟
اسيل: مع قدو وقت الاذان اطلع اتوضا بساعتي واركع وانزل الي تشتي تصلي تجي حيا بها
جميله من طرف لسانها: معنا مكان مخصص للصلاه
اسيل انحرجت: ماقد دريت بتفاصيل البيت ، وعشان النسوان يفهمنها بس قلت هكذا من باب الميزه للب جالسات. .
جميله بتتفرج خواتها ونسوان اخوتها وتغمز لهن على. حركات اسيل
مروى طلعت ولحقت اسيل بتشوفها بتطلع قدامها وحاسدتها على لبسها كيف تلبس اي شي عادي ويطلع فوقها أحلى منها وهي بتلبس الغالي
اسيل..
اسيل التفتت لها ناسيه الموقف الي حصل منها مع عمتها : اهلا كيف انتي كيف كانت سفرتكم
مروى بتمثل مستحيه: تجنن يووه وليد ماعد يشتي يسير بقعه ولا يبسر تركيا وانا معه
اسيل ابتسمت لها: الله يهنيكم يارب
مروى: كنت اشتي اقلش لاتتتحسسي انش الزواجه الثانيه لفارس وتقيدي نفسش باللبس عادش حريوه تلبسي وو
اسيل تنرفزت منها: ومن قلش اني متحسسه بالعكس عادي كااان يعني انا الان الاولى والاخيره في حياته بعدين زوجي ذوقه شويه غير يعني عاش خارج اكثر من هنا يحب الاناقه والدلع والملابس الكجوال والتنويع اما الفساتين والمطرزات بينخليهن لمناسبات بحكم زنيني غاليات ومطرزات شغل يد بينعرف اختار لبسي الصح في المناسبه الصح لاتهمينيش ابدا غمزت لها واهتمي بالي عيجنن عليش اليوم حين يبسرش اهم شي أزواجنا مش النسوان ... سوري منش اتاخرت عن الصلاه. ..دخلت الحمام وقفلت
مروى عصبت تقفل وانا واقفه قليله ذوق .
في غرفتها بعد ماصلت
اسيل رسلت له رساله: كيف الشركه والعمل وحشنك أكثر مني
فارس اتصل بها: خليها على الله كم ياعمل متراكم مصطفى مكنها مراكنه اوقع وكل شي محلبط
أنت تقرأ
عروس صنعاء
ChickLitالروايه هذي تشبه المسلسلات ولذلك حبيت الكاتبه المره هذه بما ان احلامنا على قدنا وصعب الإنتاج السينمائي في بلادنا بسهوله ، تكون روايتنا عباره عن مسلسل مكتوب مقتبس من مسلسل عروس اسطنبول ومسلسل عروس بيروت واسمهــــــا. ( عروس صنعاء ) ولكن بأحداث مختل...
