في الكوافير..
مروى بتتهرب منها وفاعله نفسها ماتقربها ولاتعرفها.
اسيل جالسه متجاهلتها وبتشوف المكوفره بتصلح البنت : خطوبتش ؟
البنت ابتسمت : ايوه كيف دريتي
اسيل: مدري بس خمنت يمكن حين عاد انتي صغيره
البنت ضحكت : صح
مروى داخل نفسها: مادخلش يافضوليه تحشر نفسها في كل شي تجابر كل واحد يخ والطبيعه
المكوفره ملاحظه نظراتها وقزازتها لاسيل: ماتقربلش؟
مروى اشرت على نفسها: انا !! لاااا ماقربلهاش خالص مرت اخو زوجي
المكوفره ضحكت: سلااايف ،شافت غرورها وجلستها ونظراتها لها وللبنت واسيل : قدو باين ان انتين سلايف
اسيل مطنشه بتشوف الكاتالوج : مارايش كيف عتقع هذه ؟
المكوفره: كيف فستانش!
اسيل بتوصفه لها..
المكوفره : ايوه مناسبه جدا ماشاءالله عليش عندش ذوق..
مكان ثاني مجتمع مع ابن عمه..
وليد: عتدخل شراكه معي؟
ابن عمه بضحكه: اكيد فارس رفضك وجيت لاعندي
وليد: ماشي يالغجه ماشتيش فارس يعرف بالموضوع
ابن عمه: انا ماقدرش اشاركك ولكن ممكن اضمنك للبنك تسحب قرض
وليد: بس هذه صفقه كبيره استيراد حديد وكميه كبيره ياخي ايش من بنك عيوافق يدي لي المبلغ هذا كله
ابن عمه: اديلهم رهن واطلب قرض
وليد بضحكه: رهن ايش ذهب المره وامي كله على بعضه مايدي عشره في الميه من قيمه الصفقه
ابن عمه: فكر يا اخي اطلب اخوك من الطبيعه هذه
وليد:اخي مابش معه ربع المبلغ هذا
ابن عمه: جننتني ومعي عمل ارهن بيتكم
وليد قام من فوق الكرسي: شكلك جاوع سير اتغدا والعصر امر لاعندك نتفق
ابن عمه: وليد اسمع مني صدق هذا اخر قرار عندي تشتي اضمنك موافق ادخل شراكه ماشقدرش وانت فكر وقرر.
وليد خرج من عنده وهو بيفكر في الموضوع..
في بيتهم فوق الغدا
جميله:فارس اليوم اتصلت صاحبتي تشتي وظيفه لابنها
فارس: مابش حاليا اي وظيفه بينفكر اتخلص من موظفين عندنا عجز في الرواتب
وليد : قليلهم يراعوا لي شاوظفه ولايهمش كيف اكسف امي قبال خبيرتها
جميله باستخفاف: انت ! اخر واحد افكر فيه يفلح في حياته ، ماوقع فيكم مفحوس الا فارس حمي التعب فيكم قريناكم احسن مدارس وجامعات واحد صايع وواحد في وادي ثاني وانت جالس تتحمس بقعتك ولا اديت خطوه.
أنت تقرأ
عروس صنعاء
Чиклитالروايه هذي تشبه المسلسلات ولذلك حبيت الكاتبه المره هذه بما ان احلامنا على قدنا وصعب الإنتاج السينمائي في بلادنا بسهوله ، تكون روايتنا عباره عن مسلسل مكتوب مقتبس من مسلسل عروس اسطنبول ومسلسل عروس بيروت واسمهــــــا. ( عروس صنعاء ) ولكن بأحداث مختل...
