تنويه..
ارجوكم مانبي حد يقولي رجعيها مش حنرجعها..
كتبت هالومضات بناءا ع طلب وحده من المتابعات فقط....
💖💖💖💖💖💖💖💖💖💖💖💖💖💖💖
#العشق_المتمرد..
تنهد وقال:ايييه..تذكروا..
تنهدوا كلهم وقال اكبرهم:ومن فينا ينسى هديكا الأيام احلى ايام العمر..
اوسطهم قال:ااه بس لو تولي هديكا الأيام..
قال اللي بعده بضحكه:ايام النمرالمقنع..والمسجل..والرسايل..
ضحك اكبرهم..
اوسطهم قال:وايام ياولد انزل عشي السعي ياولد...
ضحكوا وقالوا بأصوات متقطعه:الله يرحمه..
صغيرهم قال:نذكر فوسط الحوش القديم يام كنا نجروا ونلعبوا بالذات وين يجي العيد نقعد نراجي فيه بالدقيقه والثانيه..
اوسطهم قال:اياااه الحوش القديم..والشنينه..والمسده..والكبده...والشرموله..والرغيده
.وكاس العالم..
كلهم:هههههههههه..
كبيرهم قال:تذكروا في كاس 98..
اوسطهم ضحك..
اللي بعده قال:اه منين سليمان عبدالله قريب لم علينا ***** اوكل منهم من خدتها فرنسا..
اكبرهم:ورقوله عمك وسيدك الله يرحمهم مسدوه تمسيده باهيه..
صغيرهم بضحكه:اها نذكرها هدي كويس ضحكنا قريب شهر..
كلهم ضحكوا..
بعدين تنهد اوسطهم وقال:كل شي تغير توا..كل حد ع حاله..كل حد يجري ع رزقه..كل حد لاهي في روحه..
كبيرهم قال:باهي اللي مازالن يلتمن خواتك بيش نلتموا..
صغيرهم قال:ع خاطر امي لمتنا..بعد مرضت تغيرت واجد ماعادت كيف قبل..
اللي بعد الاوسط قال:بعد موتت ام المراة وليت خايف واجد..
ارتسمت ع وجوههم ملامح الحزن بعدين اوسطهم قال:ربي يطول في عمرها....
كلهم قالوا بعده:آمين..آمين...
تنهد كبيرهم وقال:نقولوا ريتنا قعدنا صغار ماكبرنا والزمان وقف فهديكنا الايام..لكن ربك هكي يبي وهادي هي الدنيا وهدى حالها..والحمد لله ع كل حال...ايه خبرهم ياشريخان عن اخر اخبارك..
ابتسم وقال:كيف ماهي ماجد علينا جديد..وانت يارومانسي شن عندك بتخبرنا..
ضحك وقال:اهو مرة هكي ومرة هكي والحمد لله بشكل عام مرتاح..ايه وانت ياكبير البطن..
ضحك وقال:صباحات راكم تنسوا..ههههه..تنهد وقال..ماشيه الحياه جانا وليد وقريب يجينا التاني ان شاء الله...واهو ماشيه ماشيه الحمد لله ربي غانينا...خبط اصغرهم ع فخده وقال:وانت..
اصغرهم:كيف مااني ماتغيرت فيا حاجه..
اوسطهم:حرام يافسخه قاعد كيف ماانت مسكينه مراتك شكتلي منك اخر مرة.
اصغرهم بضحكه:استر ياهووو مش ناقص دعي..
اكبرهم قال:الطبع يغلب مهما ادير..
اصغرهم:الله غالب هدى اني..
واوسطهم تنهد قال:وهادي الدنيا...هي اني بنعدي عندي ماندير..
كبيرهم:حتى اني..نشوفكم ع خير..
اللي بعد الاوسط:خل بنعدي نجيب المراة من حوش خوالها..بالسلامه..
والصغيروالصغير قال:خل نسقي وردات البنت وامها خير ماياكلني..
ضحكوا...
وبعدين اللي هدا مشي ع حاله.....
💕💕💕💕💕💕💕💕
نزولا عند رغبة احدى المتابعات...
