#العشق_المتمرد
في المزرعه..
تلهد الخيل وبنتها في جنبها يتسابقوا...
هي كانت مرة مرة تشوفلها وتذكر في ايام خلت..
وتقول في نفسها..
"من قال ان هدا قدري في الدنيا وهدا المكتوبلي كيف تزوجت وكيف عشقت..وكيف عانيت وذقت مر الفراق..وكيف عشت صدمة اللقاء..
وكيف توا مكمله حياتي بعيده عن اهلي وناسي وحتى بعض صغاري..بس المهم عايشه معاه هو..
سبحان من رزقني حبه وعلق قلبي بقلبه وخلاني مانقدرش نعيش من غيره بعد ماكنت ناقمه ع النصيب اللي جابني ليه..
فعلا..وعسى ان تكرهوا شيئا ويجعل الله فيه خيرا كثيرا.
بالذات واني امس نشوف فيهم كيف يكرموا ع اعماله الخيريه اللي دارها في هلبه دول غير تنزانيا..كان رافض فكرة التكريم ويقولي هدا واجب ربي عطاني بش يعطي غيري مني...مانبي كان تكريم الآخره..
بس اني قتله تكريمك في الدنيا يشجع هلبه غيرك يديروا زيك..وهو كعادته استغل الفرصه وقال كلام بليغ جدا ومؤثر في حفل التكريم..
هالكلام خلاني نزيد نعشقه اكثر واكثر ونحمد في ربي كل يوم اللي خلاه نصيبي.."
"ماما بابا جي"..
شبحت طول جيهته لقاته جاي وفيده ولدهم الصغير يشوفلهم من بعيد بإبتسامه..
هي ابتسمت وقالت:خل نمشولهم..
مشت هي وبنتها تجاههم..
لين وصلوا فيهم..
ونزلوا البنت وامها وكل وحده شدت زمام فرسها..
هو ضحك وقال:تي غير قديش منه قلبي بس..
جاته بنته وخشت في حضنه وهي تقول:قلبك ليا بروحي بس..ورقصت حواجبها غيظ في امها..
وهو كمل عليها وقال برفعه حاجب مع ابتسامه ونظرة جانبيه لزوجته:مال شنو انتي خديتي اللي هناك كله كله..
هي انغاضت فعلا وجت لأدهم ورفعاته فوق وقالت:تعالى ياروح ماما ياحبيب ماما ياقلب ماما ياعشق ماما يلي خديت كل ماما..انت وخوتك مافيش في قلبي غيركم رجاله.
وخشت هي وياه داخل..
وهو وبنته يضحكوا عليها....
