البارت الاول :
ف صباح جميل ف صعيد مصر
:ياحووور انتى يا بنتى قومى يا حور قومى النتيجه بتاعتك طلعت قومى يا حور
حور:ايه النتيجه فين ورينى شمس
شمس:تدفعى كام ؟
حور:هديكى الى انتى عايزه بس ورينى
شمس:جبتى 95% يا دحيحه
حور عماله تتنطط و جريت على تحت
حور:يا جدو يا جدو يا مرات عمى يا جدو يا جدو
الجد :ايه يا بت الدوشه الى انتى عملاها دى على الصبح
حور :انا نجحت و جبت 95% ياجدو
مروه :الف مبروك يا قلبى الف مبروك لولولولولولولولولوى
الجد :مبروك يا ضنايا الف مبروك
حور:الله يبارك فيك يا جدو
،،،،،،،،،،،،،،،،،،،،،،،،،
ف القاهره ف شركه الجارحى
يدخل الشركه بكل هيبه و عين الفتيات عليه من وسامته و جسمه الرياضى و عضلاته يدخل مكتبه و السكرتيره وراه تقول له جدول اعمال اليوم
مالك :تمام يا مريم و اول م زين و ياسين يجوا يجولى فورا
مريم :حاضر يا فندم اى اوامر تانيه
مالك:القهوه بتاعتى
مريم:تمام يا فندم
..................
زين:انت يا زفت اخوك هيقتلنا الله يخربيتك
ياسين:ياعم احنا لو روحنا بدرى بيزعق روحنا متاخر برضو بيزعق ف كبر بقى
زين:طب قوم البس و انا هروح اجهز
بعد نص ساعه
زين: يالا يا اخويا
ياسين:يالا
ركبوا العربيه و راحوا لشركه الجارحى
،،،،،،،،،،،،،،،،،،،،،،،،،
ف الصعيد
حور ف المكتب عند جدها و متوتره جدااا
حور بتوتر :ج د و
الجد :ايه يا حور مالك عايزه حاجه
حور :جدو انا خلصت ثانوى و جبت مجموع كويس زى محضرتك شوفت اهو
الجدو :ايوه عايزه ايه يعنى
حور:جدو عايزه اكمل تعليمى و ادخل الجامعه
الجد بعصبيه :ايييه انتى اتجننتى ولا ايه جامعه ايه الى عايزه تدخليها احنا معندناش بنات بتدخل جامعات بلا كلام ماسخ
حور بعياط :ياجدو ده كانت امنيه بابا و ماما الله يرحمهم انى ابقى دكتوره و انا دخلد علمى عشان كده انا عايزه احقق امتيه بابا و ماما يا جدو
الجد بعصبيه و زعيق :حور شكلى انا دلعتك زياده عن اللازم حور اطلعى على اوضتك و متتكلميش ف الكلام الماسخ ده تانى
مروه :ليه كده يا ياباالحج براحه عليها و دى امنيه ابوها و امها و انت عارف كده
الجد:انا عارف يا مروه بس اوديها ازاى انتى شايفه حور هبله و يتضحك عليها بسهولك اووى بصى سبينى افكر
حور طلعت على اوضتها و هى عماله تعيط و محمد الجد فضل يفكر
،،،،،،،،،،،،،،،،،،،،،،،،،،،،،،،،،،،،
ف شركة الجارحى
زين و ياسين يدخلوا المكتب عند مالك
زين:عم الناس و ربنا
ياسين:برنس اخويا حبيبى
مالك :انا نفسى اعرف انت و هو هتعقله امتى نفسى انتوا الاتنين كونتوا فين امبارح
زين و ياسين بصوا لبعض و برقوا
مالك :انا عارف ان هى اول مره و هتكون اخر مره عشان لو اتكررت مش هقول لحد غير لجدكم ده بعد طبعا م ادبكم انتوا الاتنين ....فاهمين ولا لا
زين و ياسين :حاضر
مالك :على شغلكم يا افندى انت و هو و لو لقيت غلطه من حد منكم لاخليه عبره ياله
وخرج زين و ياسين و دخلت مريم
مريم:استاذ زياد عايز يقابل حضرتك
مالك :و الزفت ده عايز ايه ده كمان ..دخليه خلينا نشوف
(زياد المنافس لمالك ف السوق و كل واحد فيهم بيحاول يوقع التانى و هو عنده ٣٠ سنه )
مريم:حاضر يا فندم
زياد:مالك بيه ازيك
مالك :اهلا معتز بيه اتفضل ..تشرب ايه
زياد:قهوه ساده
مالك طلب القهوه
مالك:خير يا معتز ممكن اعرف ايه سبب الزياره السعيده دى
زياد:معايا ليك صفقه حلوه
مالك :بدل هى صفقه حلوه هتدهالى ليه متخدها لنفسك
زياد:اسمعنى بس للاخر
مالك:اتفضل
زياد :من اول الزيزون انا مضيت مع ١١ عميل و كلهم تقال اوى و اول امبارح جالى عميل بيهم كلهم عشان اوافق على العرض بتاعه لازم افض ١١ عميل التانين عشان اعرف اعمله و انت كمان اكيد من اول م الزيزون بداء و انت معاك عملاء اكيد ف عشان تخده برضه هتبقى محتاج تفض مع كل الى معاك عشان التكلفه ف اخده انا وانت و ندخل فيه شركا و محدش فينا يخسر عملاء ها قولت ايه
مالك :مش لما اشوف هو ايه اصلا
زياد : ٤ قريه سياحيه ف الساحل عايزين يعملوا ف كل قريه عايزين فندق ف على اعلى مستوا و ١٠٠ شاليه و ٥٠ مطعم و ديسكو ومحلات و كل حاجه
مالك :و ده المهله بتاعته ٢٠ سنه بقى
زياد بضحك : لا لسه متكلمتش معاه ف موضوع المهله دى بس انت ايه رائيك
مالك :هفكر و ارد عليك
زياد :معاك يومين عشان لو كده اشوف حد تانى
مالك :ماشى
زياد:باى
مالك :سلام
تليفون مالك بيرن
مالك :الو ايوه يا جدى وحشنى
الجد :و انت كمان يا حبيبى اخوك و ابن عمك عملين ايه
مالك :الحمدالله يا جدى
الجد :ربنا يحفظكم يا ابنى ....بقولك يا مالك
مالك :اتفصل يا جدى
الجد:انا عايزكم عندى بكره او بعده بالكتير اوى
مالك :ف حاجه يا جدى
الجد :مفيش حاجه يا حبيبى انا عايزكم ف حاجه
مالك :حاضر يا جدى امرك
الجد :سلام
مالك :سلام
،،،،،،،،،،،،،،،،،،،،،،،،،،،،،،،،،
ف الصعيد ف اوضه حور
حور عماله تعيط
حور:هو انا عشان بابا و ماما ميتين يعنى هما لو كانوا عيشين كانو ودونى
شمس:ياحببتى بطلى عياط بقى و هو ان شاء الله هيوافق
حور:انا عايزه اروح لبابا و ماما انا مفيش حاجه بعوزها بعملها جدو معترض على كل حاجه انا عايزه اروحوعند ماما و بابا و تزيد ف العياط
شمس :بعد الشر عنك يا حببتى و تسبينى لمين مش انتى اختى و صحبتى تسبينى لمين بس بقى بطلى عياط و ان شاء الله هيوافق
نجلاء:حور انتى يا بت
حور:مالك يا مقصوفت الرقبه بتعيطى ليه
عليا بضحك:عشان جدو مش موافق يدخلها كليه ياماما
نجلاء:كليه ايه و دلع ماسخ ايه يا بت قومى انجرى ياله عشان نعمل الوكل كتك الهم
شمس:ف ايه يا مرات عمى و هى حور تقوم تعمل الاكل ليه هو مش فى خدمين تحت ليه تقوم تعمل الاكل و بعدين عايزه حد يسعدك خدى عليا لاكن حور مش خدامه
نجلاء:يعنى بنتى انا الى خدامه اما انتى قليل الادب صحيح
مروه:فى ايه صوتكم عالى ليه فى ايه
نجلاء:تعالى شوفى بنتك الى متربيتش دى
مروه:نجلاء انا بنتى متربيه كويس اوى و مسمحلكيش تقولى عليها كده هو ايه الى حصل
شمس:ياماما عايزه حور تنزل تعمل الاكل مع الخدمين امال احنا عندنا الخدمين دول ليه و بعدين عايزه حد يساعدها تاخد عليا لا انا ولا حور خدمين
مروه:تانى يا نجلاء تانى ملكيش دعوه بيهم يا نجلاء و عايزه حد يساعدك قوليلى انا ملكيش دعوه ببناتى يا نجلاء ..ادخلو الاوضه يا بنات
،،،،،،،،،،،،،،،،،،،،،
ف شركه الجارحى ف مكتب مالك
مالك :حضر نفسك انت و هو جدكم عايزنا بكره ضرورى
زين و ياسين :ماشى
زين:هتعمل ايه ف عرض زياد
مالك :حازم جه من السفر و روح البيت و هيجيلى على البيت و انتوا كمان معايا نفكر ف العرض ده بروقان
زين:تمام
ياسين:هو انا لازم اجى
مالك :عندك معاد مع الى البت الى ماشى معاها صح
ياسين:الصراحه اه
مالك:مليش فى انا تكون موجود بلا قرف بقى
ياسين:طيب....ضاعت الخروجه منك لله يا مالك يا ابن ام مالك
مالك بضحك :امشى ياض من هنا ....اجهزو بكره الصبح عشان نروح البلد عشان نشوف جدكم عايزنا ف ابه ربنا يستر و اعملوا حسابكم ان احنا هنرجع تالت يوم بالكتير اوى عشان الشغل ماشى يا حنين انت
زين بهمس :خلاص يا اخويا عرفنا د على اساس انى بعرف اتكلم معاها كلمتبن طول م انت فوق دماغى
مالك:بتقول ايه ياض
زين:مبقولش بقول حاضر
#قلب_لايبالى_شئ
#Nada_Ahmed
