البارت التاسع:-
رجع مالك اوضه حور ف المستشفى و معاه الاكل
مالك:ياله يا حور عشان تاكلى
حور بجمود:انا مش عايزه اكل انا عايزه امشى
مالك:طيب كلى الاول و بعد كده نشوف موضوع المشى ده
حور بزعيق:انا عايزه امشى انا مش عايزه اشوفك روحنى
مالك:طيب بس خلاص اهدى هروح اخلص اجرائات المستشفى
،،،،،،،،،،،،،،،،
ف شركه الجارحى
ف مكتب مازن
مازن:ايه اعملى حسابك انك هتسفرى معايا الاسبوع الى جى شرم عشان المشروع الى هناك فى مشاكل و معرفشى هتخلص امتى
ايه :حاضر يا فندم
،،،،،،،،،،،،،،،،،،
ف العربيه مالك
حور لنفسها:انتى اتضيقتى لما عرفتى انه اتجوز بامرت ايه د على اساس انك مراته مثلا د انتى لو خدامه هيخاف يعملك كدهه لتسيبيه و تشوفى شغل تانى انتوا هتفضلوا متجوزين ست شهور و هتطلقى و ف الفتره دى هو ف حاله و انتى ف حالك عدى الفتره دى على خير ياحور و اه انتى بتحبيه من قبل متتجوزوا بس انتى مشوفتيش منه حاجه عدله يا حور لاكلمه ولا نظره ولا حتى ابتسامه د انتى مراته و محولشى يمسك ايدك هو شايفنى وحشه اوى للدرجادى فوقى لنفسك ياحور و ركزى ف جامعتك و مستقبلك و هو انتى مش ف دماغه ولا حتى معتبرك موجوده د حتى مستناش لما يفوت على جوازكم شهرين ولا حاجه وراح اتجوز متزعليش على حد بايعك يا حور و خليكى مركزه ف تحقيق وصيه ابوكى و دموعها نزلت غصب عنها ومسحتها بسرعه
حور:ابيه كونت عايزه اقول لحضرتك حاجه
مالك:قولى يا حور بس بلاش ابيه دى مش احنا بقينا صحاب
حور :معلشى عشان افضل فاكره انك ابيه...المهم الدكتور عندى ف الجامعه عامل تدريب للماده بتاعته ف شركه كده و انا لازم اروح عشان عليها درجات و اعمال سنه طبعا لو حضرتك وافقت
مالك :مفهمش يعنى ايه عشان افضل فاكره انك ابيه .....ماشى يا حور روحى بدل حاجه لمستقبلك و هتفيدك
حور:شكرا
،،،،،،،،،،،،،،،،،،
ف الفيلا ف اوضه زين و شمس
زين:حببتى عارف انى اهملتك الايام الى فاتت بس اديكى شايفه عمايل اخوكى ف حور و الله البت صعبانه عليا
شمس:ربنا يهديه
زين شدها من وسطها عليه و مبقاش ف فرق مبينهم
زين:انتى عارفه انتى وحشتينى اوى
شمس بتحاول تبعد عنه
شمس:زين مش وق
اسكتها بطبع قبله يعبر فيها عن ماد شوقه وعشقه لها و نسيبهم احد هنا😂
،،،،،،،،،،،،،،،،،،،،
عدى اسبوع الوضع كما يلى
زين يحب ف شمس و يتوعد لمالك
ياسين ف دنيا تانيه خالص
مالك بيحاول يبقى صاحب حور بس هى بتبعد
حور مركزه ف جامعتها و قدمت على التدريب و قربت من لينا و حكتلها كل حاجه و بقوا صحاب اوى
مازن بيحاول يتقرب من ايه بس هى بتصده بكل الطرق
،،،،،،،،،،،،،،،،،،،
ف صباح يوم جديد ملئ بالاحداث
الكل يتناول الفطار ف الفيلا
ياسين:فين حور
حورمن على السلم:انا اهو يا عم
ياسين اول مشفها صفر :ايه ده ايه كل ده لا د انت تتعاكس يا قمر
حور:بس ياض
شمس:دى جننتنى انا و لينا صحبتها امبارح و احنا بنشترى اللبس
(حوركانت لبسا بنطلون خروج شروال بيچ بحزام عريض فيونكا و جزمه بكعب سودا و بلوزا تلت كوم نبيتى منقطه بلون البنطلون و شنطه سودا )
حور:بس بقى خلونى اكل عشان الحق د اول يوم يا ناس
زين :بت صحيح الشركه اسمها ايه
حور:شركه الدالى
مالك و زين :نعم
حور:ف ايه
زين:دى الشركه المنافسه لين انتى ملقتيش غير دى
حور:الدكتور بتاع الماده ليه اسهم باين ف الشركه و بيعمل كده كل سنه
مالك :طيب ماشى
حور:سلام
،،،،،،،،،،،،،،،،،،
مازن:الو
ايه:ايوه يا فندم
مازن :هعدى عليكى بالعربيه انتى بيتك فين
ايه:ملوش لزوم التعب يا فندم انا هروم
مازن:م انا كده كده رايح انا هشيلك على دماغى و كمان عشان يبقى حد معايا ونس
ايه :تمام العنوان********
مازن:تمام نص ساعه و اكون عندك
،،،،،،،،،،،،،،،،،،،،،،،
ف شركه الجارحى
مالك:يازياد ف مشكله ف التصاميم عندكم
زياد:انا مش عارف اعمل ايه طيب ..بص تعالا طيب و شوف
مالك:تمام انا جى
،،،،،،،،،،،،،،
وصل كل من ليان و حور شركه التدريب
المدير :استاذه ليان حضرتك هتتدربى مع استاز عادل و حضرتك يا استاذه حور هتتدربى
:معايا انا
المدير :الى حضرتك تشوفه يا فندم
،،،،،،،،،،،،،،،،،
ف العربيه عند مازن و ايه
مازن:انا معرفشى اي حاجه عنك يا ايه كلمينى عن نفسك شويه
ايه:ليه
مازن:عادى يعنى
ايه:بابا و ماما متوفين و عندى اخ كبيردكتور احنا الاتنين بس الى عيشين مع بعض بس
مازن:هو الى ساعات بيجيبك
ايه ضحكت جامد :اه هو
مازن سرح ف ضحكتها و بدون وعى :ضحكتك حلوه
ايه ب كسوف :احم شكرا
،،،،،،،،،،،،،
وصل مالك شركه زياد
زياد:تعالا يامالك ...تشرب ايه
مالك: هاتلى فنجان قهوه بقى كده و ورينى فين المهنديسن المتخلفين الى عندك
زياد:طيب ...طلب ليه قهوه .و حضرولى اوضه الاجتماعات و اطلبى كل المهندسين بتوع التصميم فى
بعد شويه
زياد:ياله على الاجتماع
دخل مالك الاجتماع و كله موجود و بعد شويه الباب خبر و دخلت حور
حور :انا اسفه جدا
زياد :تعالى ولا يهمك اقعد
زياد:اقدملك يامالك حور متدربه هنا بس ليها مستقبل هايل شطره جدا
حور:شكرا لحضرتك
مالك :انت بتعرفنى على مين دى مي..
حور قطعته :ابن عمى
#حب_لايبالى_شئ
#Nada_Ahmed
