البارت الحادى عشر :-
خلصت حور الشغل
حور:استاذ زياد انا خلصت كل الشغل الى حضرتك طلبته بتاع النهارده زى مقولتلى
زياد:تمام يا حور حلو اوى ف نشاط اول يوم بس يارب يستمر
حور:ان شاء الله يا فندم ...هو انا كده ينفع اروح صح
زياد:اه روحى ..حتى استنى اخدك ف طريقى انا كمان مروح
حور:شكرا ربنا يخليك انا معايا عربيه و سواق
زياد :خلاص ماشى بس متنسيش موضوع المؤتمر
حور:حاضر
،،،،،،،،،،،،
ف شرم
مازن بعصبيه :ايه يا بشمهندشين ده ده اسمه استهتار انتوا بتشتغلوا ف شركه الف واحد يتمنى يبقى مكنكم و انتوا بالاستهتار ده طب بصوا بقى كده انا قاعد هنا لحد م الموضوع ده يخلص و انا الى هبشره بنفسى و انا عايز بعد بكره اشوف التصميم الجديده على مكتبى يعنى يعتبر قدمكم يوم عشان النهارده خلص و متقولوليش ازاى و الى مش عجبه يتفضل ..الاجتماع خلص
الكل خرج
ايه بتبصله و خيفه
مازن:ف ايه
ايه بخوف:مفيش مفيش
مازن ضحك جامد لدرجه ان عينه دمعت :انتى خوفتى من عصبيته عليهم ..لا متخافيش انا اتعصب على اى حد كده الا عليكى
ايه وشها احمر من الكسوف:احنا كده خلصنا الاجتماع يا فندم حضرتك هتروح الفندق تانى ولا ايه
مازن:لا هنروح نتغداء انا و انتى و مسمعشى كلمت فندم ولا استاذ ولا اى القاب انا ماازن بس وشدها وخرجوا
،،،،،،،،،،،،،،،،،،،
ف الفلا
وصل مالك و ياسين لقوا زين و شمس عمالين يضحكوا و يهزروا
زين:اهو خالوا جه اهو
شمس: انا حامل و هتبقوا خالوا
مالك بفرحه:الف مبروك ياقلبى ربنا يجيبه بالسلامه بنتى هتبقى ماما
شمس:الله يسلمك ياحبيبه
ياسينب فرحع وبقبل رسها :الف مبروك ياحببتى
زين:هو مفيش اى حاجه ليا د انا الى عامل المجهود ده حتى
مالك:اتلم يالا بقى مبروك ياض يجبهولكم بالسلامه ياحبيبى .....الاهو حور لسه مجتش
زين:لا لسه مجتشى بس زمنها جيه يعنى
،،،،،،،،،،،،،،،،
امام شركه الدالى
حور:هى العربيه مالها يا عم ابراهيم
عم ابراهيم:مش عارف مالها يابنتى واللهى
حور:طيب خلاص انا هاخد تاكس
زياد نازل من الشركه
زياد:ايه ده انتى لسه ممشيتيش
حور:العربيه فيها عطل بس همشى اهو هروح اخد تكسى
زياد:تاكسى ليه تعالى انا اوصلك
حور:مش هينفع معلشى
زياد بهزار:اخلصى يا حور هو انا هكلك و بعدين يا ستى اعتبرينى انا سواق التكسى
حور بتردد:طيب
طول الطريق بيحاول زياد يفتح معاها كلام و هى بترد على قد السؤال و جه لحور رساله على موبيلها فتحتها و كانت الصدمه
،،،،،،،،،،،،،،،،،،،،،،،،،،
ف فيله الجارحى
ياسين:تعالوا نشوى
زين:تصدق فكره يالا يا ياسين
خرجوا حاجه الشوى للجنينه و قعدوا يهزروا و يضحوا
و مالك عينه على البوابه
بعد نصف ساعه عربيه غريبه تنزل منها حور
زين:ايه ده مش دى عربية زياد الى نزله منها حور دى
مالك بعصبيه : زياد دى ليله امها سوده
ياسين:اهدى اهدى الله يهديك نعرف هى ركبت معاه ليه احنا قولنا ايه
حور:مساء الفل
مالك بعصبيه :ممكن اعرف الحلوه نزله من عربيه زياد ليه هو انا مش باعت معاكى عربيه و سواق
حور:العربيه عطلة قدام الشركه و زياد قالى اوصلك
مالك بعصبيه:ومتصلتيش ليه بيا او بحد فينا ولا انتى لما صدقتى ان هو قالك زى م قولتى هنا كده انى ابن عمك عشان يبقى طريقك سالك
حور بصتله بصدمه و سكتت شويه
ياسين:مالك ايه الى بتقوله ده هو مش قصده حاجه يعنى يا حور
حور ببرود:ثوانى يا ياسين معلشى ...و هو يضيقك ف ايه انى قولت انك ابن عمى مش دى الحقيقه و كمان عشان مفيش حد يحرف و يبوظ علاقتك بيها و انا ميرضنيش كده زى م انت اكيد ميرضكش ان اوقف حياتى ولا ايه احنا جوزنا مجرد وقت و مفيش حد يعرف بيه هنا ف مفيش داعى ان حد يعرف و كمان زى م انت عشت حياتك و مستنتش ان احنا نتطلق و مهمكش حاجه انا كمان هعمل نفس الى انت عملته
زين:حور انتى بتقولى ايه عاش حياته ازاى
حور:اسال نانسى مراته و اه الف مبروك على البيبى و انا مش فارق معايا اى حد ولا اى حاجه ولاخر مره بقولهالك يامالك ملكش دعوه بحياتى ولا بعمل اى ولا بكلم مين انا وجودنا مع بعض مجرد وقت و انا اتمنا ان احنا نطلق النهارده قبل بكره لانى كل م افتكر انى على زمت واحد زيك اكره نفسى
و سبتهم و مشيت
،،،،،،،،،،،،،،،،،،،،
ف شرم ف احد المطاعم
مازن:تكلى ايه
ايه:اي حاجه
مازن: اطلبلك على زوقى يعنى
ايه:ماشى
طلب الاكل
مازن:هو انا ممكن افهم انتى ليه كل م احاول اقرب منك تصدينى
ايه سكتت
مازن:طب مرتبطه لا ف حد ف حياتك برضوا لا طب بتصدينى ليه
ايه سكته برضوا
مازن:ايه قولى بتعملى كده ليه و انا و اللهى لو اقتنعت بالى قولتى م هاجى جمبك تانى
ايه:انت عايز منى ايه انا مش بتاعت تسليه و مش من العالم بتاعك و مش من البنات الى بتعرفه انا مش كده انا واحده بشتغل عشان اساعد اخويا ف مصاريف البيت و اهلى مرببينى كويس
مازن:م انا عارف انك متربيه كويس على فكره عشان كده حبيتك ....وانا عمرى م احطك ف مقارنه بالبنات الى بتتكلمى عنهم دى اصلا ايه انا بحبك
ايه بصدمه:ها
مازن بصحك:ها ايه بس يا شيخه
ايه بكسوف :عايز ايه يعنى بقولك ايه فكك منى
مازن:عايز اقابل اخوكى اول منرجع بس الاول اعرف شعورك انتى
ايه احمرة من كتر الكسوف
مازن: بهزار ياخراشى على اتكسف ده يا ناس ...ايوه برضوا مجوبتيش
ايه بصتله و ابتسمت :ممكن اكل بقى
مازن بضحك :ماشى
،،،،،،،،،،،،،،،،،،،،
ف شقه ف المعادى
زياد بضحكة شر:اول م رسالتك وصلت وشها قلب ميت لون زمنهم دلوقتى مولعيييين
نانسى بضحكه :مالك هيعمل منى بوفتك يا بوص
زياد:لا م انتى هتتصلى بيه بكره تعملى انك زعلانه و تقولى انك سافرتى لاهلك بقالك اسبوعين عشان باباكى تعبان جدا و تعيطى و تختفى انتى بقى حبه حلوين
نانسى:ف بالتالى هو مش هيصدق ان انا عشان انا مسافره اصلا ...و انت تعمل فيها الملاط الطيب ومداوى الجروح و تلف على حور
زياد:طب م انتى كويسه و بتعرفى تفكرى اهو ...انا مش هخليه يتهنا بحاجه و الصراحه البت كرباك ماشى يا مالك انا و انت و الزمن طويل
#قلب_لايبالى_شئ
#Nada_Ahmed
