ف الكتب عند الجد
الجد:تعالى يا مروه ....انتى عارفه انك عندى غير اى حد تانى انتى بنتى قبل متكونى مرات ابنى
مروه:طبعا يا ابا الحج ..
الجد:قولى يا مروه عايزه تقولى ايه
مروه:انا واللهى م بعارض حضرتك هما خلاص اتجوزوا انا بس خايفه على حور هو مش مالك ابنى بس مالك جبروت و البت حساسه اوى و صغيره انا خايفه عليها
الجد:انا عارف كل ده يا مروه و عارف ان حور هتتعب كتير مع مالك بس متقلقيش كل حاجه هتبقى كويسه
مروه:يارب
،،،،،،،،،،،،،،،
ف اوضه زين و شمس
زين بيبصلها بصدمه من الكلام الى بتقوله و راح شدها
زين:ايه الى انتى قولتيه ده انت هبله ياشمس و بيمسح دموعها بطلى عياط انا طلبتك من جدى قبل اصلا معرف بالى هو عايز يعمله و اساليه انا بحبك يا شمس و اسالى حتى ياسين اخوكى
شمس بتضحك من بين دموعها :بجد
زين:اه واللهى بجد بحبك اوى كمان
شمس:وانا كمان بحبك
زين:انتى عارفه بقى الكلمه الى قولتيها دى عواقبها ايه
شمس :يعنى ايه
زين:تعالى بس انتى كده و انا هفهمك كل حاجه دلوقتى
و خدها الى علامهم الخاص
،،،،،،،،،،،،،،،
تانى يوم الصبح ف اوضت مالك و حور
مالك بزعيق:حور حور
حور بفزع:ايوه يا ابيه
مالك :قومى حضرى الشنط و حضرى نفسك عشان هنسافر
حور:حاضر يا ابيه
،،،،،،،،،،،،،
ف اوضه زين و شمس
زين:حببتى شمسى
شمس بكسوف و خجل:صباح الخير
زين:صباح الفل على عيونك و قرب منها و خطف بوسه سريعه من شفايفها
زين:ياله قومى عشان نحضر الشنط و نسافر
شمس :حاضر
،،،،،،،،،،،،،،،،
زين و شمس نزلين على السلم و على وشهم الفرحه و السعاده
مالك نزل و ساب حور بعد شويه حور نزلت و قابله ياسين على السلم و نزلين بيهزره و مالك ولا اتاثر ولا كانه هنا ودعو العائله و كل واحد ركب عربيته مع زوجته و ياسين ركب مع مازن وصلوا الفيلا و كل واحد طلع اوضته مع مرته و كلهم ناموا من تعب الطريق
،،،،،،،،،،،،،،
ف المساء ف اوضة زين
شمس:زين عايزه اخرج تعالى فسحنى ف القاهره
زين: طب البسى طيب و انا هستناكى تحت
نزل زين لقى حور قاعده على الكنبه بتتفرج على التليفزيون و ياسين مشغول ف الموبيل
زين:ايه ده مالك فين
حور:خرج
زين بصدمه:خرج
حور:اه
زين:طيب حور انا خارج انا و شمس افسحها ف القاهره تعالى معانا
حور:لا شكرا يا زين اخرجوا انتوا انا شويه كده وهنام
زين قرب على ياسين :انا مشفتش حد بيعمل الى اخوك عمله ده البت هى كمان مغصوبه زيها زيه هى ايه ذنبها
ياسين:انا مش عارف المفروض اعمل ايه دلوقتى انا عايز اخرج بس هخرج ازاى و اسبها لوحدها د حتى م حولش يجبلها اكل انا الى طلبت ليا و ليها اكل شوف كده
شمس:زين انا جهزت ياله
زين :حاضر يا حببتى ياله ....طب عن اذنكم يا جماعه
،،،،،،،،،،،،،،،،
ف احد الكبريهات يجلس مالك و نانسى
نانسى:كده برضو يا كوكى تسافر من غير متقولى
مالك:خلاص بقى يا نانسى سافرت و جيت اهو فكك
نانسى:ايه ده حبيبى ماله موضه وحش كده ليه
مالك:شويه مشاكل بس
نانسى:طب تعالا نرقص
،،،،،،،،،،،،،،،،،،،،،،
عند زين و شمس
زين:مبسوطه يا شمس
شمس:مبسوطه اوى يا زين كفايا انت عارف كونت بستناكم تيجوا اجازه عشان اشوفك اوى و كونت بتلكك ب اى حاجه عشان اتكلم معاك
زين:ربنا يقدرنى و انا اخليكى اسعد واحده ف الدنيا دى كلها
رن تليفون زين
زين:الو
:زين باشا مالك باشا ف الدسكو مع نانسى هانم
زين:طيب ماشى
زين ف نفسه وبعدين معاك يا ابن عمى
،،،،،،،،،،،،،،،،،،،،،،
عند حور و ياسين
ياسين:حور اجبلك حاجه اكل او شرب اى حاجه
حور :لا يا ياسين ربنا يخليك انا هقوم انام ...تصبح على خير
الباب يخبط و يدخل زين و شمس
حور:حمدالله على السلامه
شمس:الله يسلمك ياقلبى ...انا تعبانه اوى انا هطلع انام
حور:انا كمان كونت طالعه انام تصبحوا على خير
شمس :مش هتيجى تنام يازين
زين:لا ياحببتى اطلعى انتى انا عايز ياسين ف حاحه
زين:ياسين اخوك خلاص طارت منه على الاخر د ف الدسكو مع نانسى و سايب مراته هنا
ياسين:اه هو طبعه صعب و كل حاجه بس هى ذنبها ايه و هى صغيره و عروسه و المفروض يفرحها مش يعمل الى هو بيعمله ده
زين:ربنا يهديه
يدخل مالك من باب الفيلا
مالك: مساء الخير يا جماعه
زين:ف حد يسيب عروسته و يعمل الى بتعمله ده انت مكونتش كده انت كونت بتزعقلنا لما حد فينا يعمل حاجه غلط
مالك :لا انا مودى عالى متبوظهوليش تصبحوا على خير
طلع كل واحد على اوضته
ف اوضه زين وشمس
زين:ايه ده حببتى انتى لسه منمتيش
شمس بخجل:معرفتش انام و انت مش موجود
زين بابتسامه فرح:بصى ثوانى ادخل اخد شاور على السريع و اجى ننام
،،،،،،،،،،،،
ف اوضة حور و مالك
دخل مالك الاوضه لقى حور قاعده مستنياه اول مدخل
حور:حمدالله على السلامه يا ابيه
مالك:الله يسلمك
حور:اعملك حاجه
مالك:لا
حور:انا كونت قاعده مستنياك
مالك:وتستنينى ليه عايزه حاجه ....بصى يابنت الناس انتى ملكيش دعوه بأى حاجه بعملها و ياريت ميكونش ف كلام مبنا اصلا و متفتكريش بقى ان احنا متجوزين و الحوار ده ماشى ...لو عايزه حاجه بس قوليلى عليها لانك للاسف مسؤله منى لحد مشوف هعمل ايه ف التدبيسه دى
حور بدموع محبوسه:انا اسفه انى ضيقتك و لو كونت اتخطيت حدودى عن اذن حضرتك
مالك:اه استنى ماما كانت قالتلى انك عايزه تدخلى كليه و الجو ده ف الورق بتاعك و عايزه تدخلى كليه ايه اصلا
حور:راحة جابت الدوسيه بتاعها اتفضل و عايزه كليه هندسه(مجموعها مجبش طب) وشكرا لحضرتك
وراحت نامت على الكنبه و فضلت تعيط لحد منامت
،،،،،،،،،،،،،،،
تانى يوم الصبح يقعدوا كلهم يفطروا
حور عماله تلعب ف الاكل و مش بتاكل و تبص على شمس و زين و حبهم لبعض و تفتكر كلام مالك ليها امبارح و تنزل منها دمعه تمسحها بسرعه بس ياسين شافها
ياسين:مالك متاخد حور تفسحها شويه
مالك:افسح مين ايه شغل الاطفال ده مش بفسح حد انا
حور:لا يا ياسين ابيه مالك عنده شغل و مشغول و كمان انا مش عايزه
زين:يانهار اسود انتى بتقولى لجوزك ابيه ...يابنتى قوليله مالك عادى
حور:عادى يازين انا خت على كده
مالك:زينةخد ورق حور اهو قدملها ف جامعه هندسه
ياسين و شمس بصدمه:هندسه
شمس:حور انتى كونتى عايزه طب زى م عمى عايزه ليه غيرتى رائيك و بقت هندسه فى ايه
حور:عادى يا شمس غيرت رائيى بابا الله يرحمه كان عايزنى اكمل تعليمى و ادخل كليه هدخل كليه اهو بس هدخل هندسه ٤سنين مش ٧
ياسين:و انتى من امتى و انتى بيفرق معاكى السنين د انتى بتعشقى المذكره
حور:عادى بقى يا ياسين ....اعملكم اكل ايه على الغداء
فهمه ان هى عايزه تغير الموضوع
ياسين:حور بنت عمى حببتى
حور:عايزه ايه يا ياسين انجز
زين:يالهوى بس فهمتك ازاى
ياسين:عايز كيكية الشكولاته الى بتعمليها
حور:حاضر
ياسين:ايه ده انتى مالك مسالمه كده ليه د انتى كونتى بتطلعى عينى عشان تعمليها
حور:عادى يا ياسين مش قادره اهزر ...عايزين ايه على الغداء بقى
زين:الى تعملوا مش فارقه
شمس :ماشى
مالك:ياله بقى عشان الشغل
مشيوا وراحوا الشركه
،،،،،،،،،،،،،،،،،،
مكلمه
مجهول١:اما انا بقى عرفتلك حاجه مهما اوى عنه
مجهول٢:د ايه هى بقى
مجهول١:تمن و انا اقول
مجهول٢:على حسب الحاجه هتمن
مجهول١:مالك اتجوز بنت عمه اسمها حور و ورقها راح على سنه اوله هندسه .......استاهل كام بقى
مجهول٢:لا دى كده احلوت اوى ..٢٠الف جنيه هيتحولوا لحسابك باى و عايز الاخبار اول ب اول كده
مجهول١:تمام يا بوس
مجهول٢:د كده احلوت اووووى
#قلب_لايبالى_شئ
#Nada_Ahmed
