الفقير و الغنية "باللهجة الجزائرية"

عودة جواد😊،حفل زفاف🎉❤️

هاد هو البارت علابالي قلتلكم نحطو السمانة لي فاتت
بصح ماكفانيش الوقت عييت بزاف فيه نتمنا تقدرو
التعب ديالي. (Vote)

........................................................................

جواد: مور ماطلعنا و داني معاه ،عشنا عام و هو يأسس في روحو في بلاد الغربة .و موراها بعامين كان أسس الشركة و بدات تدخلو الارباح هادا ڨاع بلمعارف تاع مرتو أمبعد كي طلع بيه الشان طلّق مرتو الدزيرية لي بسبتها طلّق يما و تزوج وحدة ڨاورية كانت تخدم عندو ،كانت مليحة معايا و كانت دافع عليا كي كان يضربني عكس مرتو اللّولة ،وكانت حتى تهددو b la police
عشت 3سنين لباقيين براحة بصح قبلها كي لحقت 18سنة بابا عرض عليا رئاسة الشركات بصح منسيتش واش دار فيا و كيفاش بعدني عليكم علابيها قررت ندير مشروع و نستغل وصولي لسن الرشد باش نخرج مالدار رغم محاولات مرتو باش نقعد بحكم عاملتني كيما وليدها بصح القصر لي كنت عايش فيه معا بابا كان يبان جهنم
............ بعد ما استقليت فدار وحدي قريت ادارة اعمال رغم انو بابا عيشني المرار بصح كي خرجت مالدار حس بفراغ كبير و ندم و طلب السماح على هادي سامحتو بصح بقيت عايش وحدي و مرفضتش طلبو باش يعاوني باش ندخل اهم الجامعات و كيما كان الحال قريت و نجحت و تخرجت و كانت فرحتي كبيرة
حضر حفل التخرج بابا او مرتو و مديتلها تحية كبيرة وشكر في الخطاب لي كتبتو هاداك النهار و مانسيتش خيرها للان .....موراها اسست مشروع و شركة وحدي بصح كنت خايف اسمي يطلع و ننجح برك بسباب بابا بصح كان العكس مرّت صفقات بجهدي و المنافسين و الشركات الداعمة كانو معايا علاجال خدمتي لي عجبتهم ..موراها قررت نحوس عليكم و حبيت نعاود نولي لبلادي ....و هادي هية لحكاية لي جازت في السنين لي كنت عايشهم بعيد عليكم
كريم: هادا ڨاع كنت عايشو يا وليدي لوكان تعرف مور مارحت قدما حوسنا ماقدرناش نلقاوك سورتو كي ربح باباك القضية موراها مابان عليك و عليه حتى خبر .. يماك قلبها تحرق مام انا يا وليدي..، قلي وقتاش جي و يهنا قلبنا عليك
جواد: والله راني نوجّد في روحي هاد الشهر ندخل للبلاد عندي شوية شغال نريڨليهم و نجي
كريم: صحيت ولدي هكا ربيتك راجل و سيد رجال ،تبني كلش بعرق جبينك
جواد: والله يا بابا كنت كل خطوة نديرها للقدام نتفكرك جامي غبت نتا ولا يما ولا حتى ماريا و رميسة من بالي خلاص رح نموت من شوقي ، قلي حقا لبنات مازالهم متفكريني
كريم: كي رحت ماريا كانت صغيرة و فقدانك كان قادر يدخلها في ازمة نفسية علا هادي قررنا انا و يماك منخلو حتى اثر ليك و نسوها فيك باش متتاثرش كيما حنا
جواد: معليش بابا نرجع او تتفكرني ...اي او رميسة
كريم: خلي البير بغطاه كي تدخل لبلاد نحكيلك
جواد: اوك ...المهم انا لازم نروح عندي خدمة من بعد نعاودلك
كريم: صحا ولدي من بعد نهدرو
'end flash back'