الفقير و الغنية "باللهجة الجزائرية"

😨اختفاء؟؟؟؟😨

Wasim'
كي خلاصو الحصص وليت لدار رحت لبيتي تكسلت او انا نفكر في ماريا و كيفاش رميسة لي هي ختها ديرلها هكاك انا تقلقت مافهمتش كيفاش رحت ليها عيطت عليها او دربتها ماتحملتش كي شفت وجه ماريا معمر بالدم لهاد الدرجة تكرها
كنت نفكر حتى نسمع لاصونات رحت فتحت الباب لقيتو وليد
وليد: واش يا خو صافا
انا: صافا ادخل
دخلتو او قعدت قدامو
انا: مالا واش جابك
وليد: جيت نقلك ادا نديرو خرجة انا وياك نروحو ندورو شويا
انا: ماكاش مشكل نوجد روحي و نجي
وليد: راني نستنا فيك
رحت لبيتي لبست هكا

وليد

انا: راني جيت امشي
رحنا الطريق كامل وحنا نقسرو
انا: وليد تفكرت
وليد: واش
انا: خيرت طفلة شابة و غمزلو😉
وليد: وي علابالي شفت نعرف نخير ماشي كيما نتا
انا: ياودي انا مانامنش بالحب تاع الخرطي
وليد: علاش هكا
انا: ديجا علابالك واش صرالي معا هاديك المصيبة راك حاب تتعاود
وليد: علاش انا قتلك ادي وحدة كيما هي...ادي وحدة متربية و عاقلة
انا: وين راح نلقا كامل لبنات كيفكيف
وليد: هنا ماراني معاك باسكو كاين بنات ملاح ماشي كامل كيما هي مثلا كاين ماريا
انا غير سمعت ماريا حكمتني واحد الفشلة ماعرفتش واش نقولو قعدت ساكت
وليد: علاش سكت كي سمعت اسمها
انا: سكتنا او امشي
وليد: هههههه😂😂
طاح الليل و حنا غير نقسرو او نضحكو
وليد: وسيم واش رايك نروحو للماناج ملي كنت صغير مارحتلوش
انا: واش راك حابني نروح نلعب جعلولة
وليد: هيا نروحو ديجا راهو الليل مانلعبوش نقعدو برك
انا: علابلك حسيت روحي راني نتعامل معا واحد صغير
وليد: بركانا
انا: خلاص امشي نروحو
رحنا للماناج دخلنا او كانت الصدمة......
شفنا ماريا و سيرين قاعدين او زوج رجال يقربو منهم انا وليت نغلي كي شفت واحد يمس في ماريا درت نقول لوليد مالقيتوش عرفت بلي راح ليهم كي شاف لوخر عند سيرين
انا بلا مانحس حتى رحت عندو دربتو بدبزة
ماريا: وسيييم!!؟
قعدت ندربو قريب قتلتو حتى نحس بيدين حنان
ماريا: وسيم خلاص راح تقتلو
كانت تعيط او تبكي انا كي شفت دموعها ماقدرتش نتحمل رحت ليها عنقتها و هدنتها شويا
Walid'
كي دخلنا للماناج شفت واحد يدنا من سيرين رحت ليه نجري دربتو ولا بدمومات لوكان ماشي سيرين لي شدتني لوكان راني قتلتو رحت ليها
انا: سيرين حبيبتي راكي مليحة
سيرين: هئ وليد
و عنقتني انا ماقدرتش و بادلتها
انا: ششش خلاص ماتبكيش راني معاك خلاص
او هي غير تزيد فلبكا قلبي كان راح يحبس
Maria'
هاداك الخامج قاعد غير يدنا ليا انا مالقيتش واش ندير بديت نعيط حتى نشوف واحد دربو رفدت راسي لقيتو وسيم مزيا جا بصح ماقدرتش نشد دموعي كي كان يدربو قريب قتلو خفت يرتاكب جريمة بسبتي رحت ليه قاعدة نجبد فيه باش يحبس حتى نلقا روحي فحضنو يا جدكم هاداك الاحساس مانقدرش نوصفلكم كيفاش حسيت لوكان نقدر نقعد معنقاتو حتى هو بعد عليا راح عند هاداك الخامج
وسيم: شوف نتا نزيد نشوفك ادور هنا مانتفاهمش معاك سمعت
وسيم كان جاي لعندي بصح كي شاف هاداك الخامج يضحك فالضحكة الصفرة تبدل وجهو عاود طاح عليه بالدرب امبعد سمعتو يقولو
الخامج(انا سميتو هكا باسك صح هو خامج): حبس ماشي انا لي حبيت
وسيم 'بلعياط': كيفاش ماشي نتا لي حبيت اه فهمني
الخامج: طلبو مني باش نتبعها
وسيم حكمو متريكو او قالو: شكون لي بعتك اهدر خير ماندير فيك كاش حاجة
الخامج: رميسة رميسة هي لي بعتتنا
انا غير سمعت رميسة خلاص فشلت صح تكرهني مي ماشي وين تلحق تبعت رجال باش يتبعوني حكمتني الدوخة حتى طحت
Wasim'
رحت نهدر معاه نسقسيه شكون لي بعتو حتى قالي رميسة هاد الاسم ماجانيش غريب راني نخمم ادا الطفلة لي راني نفكر فيها هي لي بعتتهم حتى نشوف ماريا فلرض رحت نجري ليها
انا: ماريا راكي مليحة ماريا نوضي
جا وليد او سيرين يجرو
وليد: وسيم وشبيها واش صرالها
سيرين: ماريا ماريا نوضي
انا ماقدرتش نجاوب قاعد غير نعيط
رفدتها ديتها لسبيطار قالنا الطبيب استناو
رانا انا و وليد و سيرين نستناو باش تنوض
وليد: وسيم فهمنا واش صرا
انا: وليد انا مانقدرش نصبر لازم نروح نهدر معاها
سيرين: شكون هادي
انا: لازم نهدر معاها
وليد 'بلعياط': شكون هادي وسيم اهدر
انا بلعياط: رميسة
وليد: رميسة!!؟؟
سيرين: وشبيها رميسة؟!
انا: لالة رميسة هي لي بعتت هادوك الرجال باش يتبعوها😡
وليد: وشنو هاديك الطفلة ما تفهمش بلهدرة😡😡 لازم نتفاهم معاها
جينا رايحين حتى هدرت سيرين
سيرين: راكم سوور تروحو. مادرتوش في بالكم واش راح تقول ماريا لوكان تسمع بلي رحتو هدرتو معاها
انا: يعني صح واش راكي تقولي شفيت نهار قاتلنا مانحبش نبيعها. خلاص وليد اقعد هنا كي تنوض ماريا نهدرو معاها
وليد: بصح....
ماكملش هدرتو حتى نشوفو الطبيب خرج رحت ليه نجري او قتلو: دكتور واش بيها واش صرالها
الطبيب: ماتخافش مالقلقة داخت لازم ماديرو حتى حاجة تقلقها
سيرين: مرسي دكتور
انا: دكتور نقدرو ندخلو عندها
الطبيب: وي تقدرو انا نخليكم تدخلو تشوفوها
دخلنا لقيناها راقدة انا رحت قعدت قدامها او حكمتلها يديها

هكا زعما👆👆
رقدنا كامل حتى حسيتها تبوجي
انا: ماريا!
ماريا: وسييم
انا: راني معاك
ماريا:وين راني
انا: راكي فسبيطار نسيتي واش صرا
ماريا: وسيييم
حسيتها تفكرت واش صرا او كي سمعت اسم ختها
انا: راني نسمع
حتى نشوفها بدات تبكي او قالت: هئ هئ ياخي ماشي صحيح واش سمعت
انا سكت حتى زادت بلبكا
ماريا: لالا ماشي صح ماتقدرش ديرلي هكاك ماتقدرش انا ختها😭😭
انا تقطعلي قلبي ماحبيتش نشوفها تبكي رحت عنقتها او قلتلها: شششش خلاص ماتبكيش
مسحتلها دموعها او كملت: دموعك عزاز عليا خلاص حتى نسمع واحد يهدر
....: يا عمري عليكم تبانو راجل او مرتو
هه ماريا حشمت او هبطت راسها😳😳
انا: وليييد
وليد: ههه😂😂
انا: علاش دير هكا حشمت الطفلة
وليد: وشنو قلت الحقيقة
ماريا: ولييييييد
جات نايضة حتى..
سيرين درباتو في راسو ههه او قالت: ماتحشمش تقوللهم هكا
وليد: واش قلت؟
سيرين: تزيد تقول هكا لحبوبتي نوريلك
راحت عنقتها او يتغزلو فيه او انا ميت بالضحك
وليد: اضحك نتايا
انا: وشبيك ياخو ههه
جوزنا عشية شابة حتى نسينا واش صرا فالبارك
ماريا: وسيم ياخي نقدر نخرج
انا: وي ادا حبيتي دوكا
ماريا: اوك
خرجنا كامل انا رحت لدار او وليد وصلهم
Maria'
فتحت عينيا لقيت روحي فسبيطار او قدامي كان وسيم هدرت معاه حتى تفكرت بلي رميسة هي لي بعتت الرجال بديت نبكي و نقولو بلي هي ختي او ماتقدرش ديرلي هكاك عنقني او حسيت بالاحساس تاع مقبيل او زاد مسحلي دموعي او قالي غاليين عليا يا ربي كيفاش ماحبيتونيش نهبل حاب يقتلتي💓💓 حتى نسمع وليد هدر واش داه يهدر خربلي اللقطة بصح كي نقوللكم حشمت قالنا تبانو راجل و مرتو هبطت راسي ماحبيتش نهدر بصح هو زاد عليها جيت راح نوض حتى درباتو سيرين فرغتلي كامل واش كان فقلبي جات عنقتني او تغزلنا فيه حتى شبعنا ههه المهم جوزنا وقت هايل جايبينها غير ضحك او تمسخير نساوني واش صرا فالماناج
انا كنت حابة نخرج باسكو ماما او بابا يكونو تقلقو عليا او زيد باش نروح نتفاهم معا هاديك اللفعة
كي خرجنا وسيم راح لدارو و انا وصلنيي وليد لدار امبعد سيرين
انا كي دخلت لقيت ماما و بابا قاعدين
ماما: بنتي
و جات تجري تعنقني كانو عينيها منفخين باين كانت تبكي
انا: خلاص ماما ماتخافيش
بابا: يا بنتي وين كنتي طولتي قلقتينا عليك
انا: سمحولي كنا انا و سيرين نقسرو ماحسيناش للوقت
ماما: يا بنتي ماكنتش حابة نخسر زوج بناتي
انا كي سمعتها حرت
انا: ماما كيفاش زوج بناتك
بابا: ختك ملي خرجت مازادتش بانت
انا: وشنو؟!
ماما: ايه حوسنا عليها والو مالقينا حتى حاجة عليها
انا هنا خفت بزاف وين تكون راحت او تانيك كي شفت ماما و بابا مقلقين ماحبيتش نقوللهم واش دارت
انا: ماما بابا ماتتقلقوش دوك نلقاوها ماتخافوش
يا ربي. يا رميسة وين رحتي علابالك بلي بابا و ماما راهم مقلقين عليك
طلعت للفوق دخلت لبيتها قلت بالاك نلقا كاش حاجة حتى شفت بريا (رسالة) فوق البيرو تاعها رحت رفدتها لقيت مكتوب فيها اسمها "رميسة" هبطت نجري لتحت
انا: مااماا بااباا !!!!؟
بابا: وشبيك تجري واش كاين؟
انا: لقيت بريا (رسالة) في بيتها مكتوب فيها اسمها
ماما: اعطيهالي
فتحتها او كان مكتوب فيها.......

"""""""""""""""""""""""""""""""""""""""""""""
هادا هو البارت لي كتبتو قولولي ادا عجبكم 😚😚
يادرا وين راحت رميسة او واش كان مكتوب فلبريا (الرسالة) 🤤؟؟؟!!!