الفقير و الغنية "باللهجة الجزائرية"

طلب زواج💍😍

سمحولي علابالي بلي طولت بزااف بصح معا لقراية و الاختبارات ماكفانيش الوقت نكتب
هادا واش قدرت نكتب نتمنى يعجبكم💖
ملاحظة: "هاد البارت فيه بزاف تسليكات
مام نتو سلكولي برك"
"""""""""""""""""""""""""""""""""""""""""""""
عند وسيم و ماريا
كانو قاعدين حتى نطقت ماريا: وسيم واش نديرو دوكا تعرف بلي كنت فرحانة كي كنت جاي تخطبني قلت و اخيرا راح نكمل نعيش حياتي معا لولد لي حبيتو درت في بالي بلي ماراحش نواجهوا حتى مشاكل في حياتنا بصح انا زهري و نعرفو بابا و ماما ماقبلوش و لحد الان ماعلاباليش علاش
وسيم: ماريا ماتتقلقيش و ماتخافيش انا راح ندير المستحيل باش نتزوجو و نبنوا حياتنا ماراحش نخليك تكوني لغيري و وعدتك بهاد الشي

تبسمت ماريا و عنقاتو و هو بادلها

جا وليد و سيرين و قاطعو لحظتهم
وليد: واش كاين هنا
وسيم: و نتا واش دخلك هادي حاجة تخصني انا و حبيبتي ولا لالا
(غمز لماريا😉 و هي ميتة بالحشمة)
سيرين: ههه حشمتوها للطفلة
ماريا: اسكتي نتيا .... حقا راني نشوف فيكم كيفكيف واش تصالحتو
وليد حكم يد سيرين و قال: وي تصالحنا و حلينا المشكل لي كان
ماريا بدات تعيط و تصفق
سيرين: اسكتي بهدلتينا
ماريا: ايه اسمعي عندنا دوكا حصة لازم نروحو هيا

حكمت يد سيرين و راحت تجري و هي تقول  لدراري: باي باي امبعد
......................................
قعد و ليد و وسيم يقصروا
وليد: وسيم
وسيم: هممم
وليد: غدوا لانيفاغساغ تاع سيرين ياك علابالك
وسيم: وي علابالي قاتلي ماريا
وليد: قاتلي سيرين بلي راح دير حفلة في دارهم ياك جي
وسيم: باينة كيفاش مانجيش للانيفاغساغ تاع لامي تاعي و حبيبة صاحبي
وليد: علابالك راني محضرلها مفاجأة كبيرة
وسيم: ايه او وشنو هي
وليد: ...........
......................................
عند لبنات
جازت حصة مور حصة و لبنات كارهين حياتهم
كي كانو خارجين قالت سيرين: ماريا ياخي غدوا جي
ماريا: لوين
سيرين: يا نسيتي غدوا لانيفاغساغ تاعي و راح ندير حفلة صغير في دارنا
ماريا: اه اوك
سيرين: ياك جي
ماريا: وي bien sur نجي و نجيبلك كادو يكون هو الشباب كامل
سيرين: ايه و يكون كبير و مالذهب
ماريا: يا حصرا تزيدي تتشرطي
سيرين: ههه راني نقسر
( الحفلة على 7pm )

جاز الوقت و كل واحد راح لدارو
...............................
تسريع الاحداث
اليوم التالي
sirine'
نضت صباح بكري و انا ميتة بالفرحة ليوم مميز بزاف على اليامات لي جازوا و هو لي ولدت فيه و جيت للدنيا علابالي بلي نتفلسف بزاف بصح راح يكون مختلف لانو.راح يحضر فيها و لاول مرة بعد سنين خويا جليل و ماما و بابا راح يديرولي حفلة بمناسبة هاد اليوم
............................
هبطت و لقيتهم قاعدين
انا: صباح الخير
بابا: صباح لخير بنتي
جليل: صباح لخير راني نشوف فيك فرحانة
انا: وي راني ميتة بالفرحة
ماما: ههه هيا اقعدي تفطري
انا: واش ديجا نسيتو واش هو اليوم
بابا: كيفاش ننساو joyeux anniversaire بنتي لعزيزة
جليل: ماتخافيش مانسيناش
انا: قلت بالاك نسيتو
المهم كملت فطوري او طلعت لبيتي
..........
كنت قاعدة حتى سمعت دقديق
انا: ادخل
دخل جليل و كان رافد باطة كبيرة
انا: واشنو هادا
جليل: هاكي هادا الكادو تاعي البسيه عشية فالحفلة
فتحتو و لقيت فيه واحد لاغوب غوز تهبل
عيطت و عنقتو
جليل: ههه بلعقل خنقتيني
انا: صحا صحا صحا بزااف شباب
جليل: بلاما تشكريني هادا غير كادو صغير لختي الصغيرة
كي خرج خويا صونا تيليفوني كي شفت لقيتها ماريا ريبونديت و قاتلي نتلاقاو
تقلقت عليها بزاف من صوتها باين بلي صرات كاش حاجة
نضت لبست حوايجي و خرجت