ناضت بطلتنا صباح بكري ماشي كيما لعادة هبطت لتحت لقات عايلتها كامل قاعدين
ماريا: صباح الخير
كريم: صباح الخير بنتي
رميسة: صباح الخير ختي لعزيزة 'بكذب'
احلام: غير لخير ماشي مالفا تنوضي بكري
ماريا: ماما الناس يقولو صباح الخير او زيد نضت بكري علاخطرش ليوم تفاهمت معا سيرين باش نروحو نشريو حوايج ياخي علابالك بلي غدوا ندخلو للجامعة
احلام: ايه فهمنا دوكا اقعدي افطري امبعد روحي
ماريا: لالا ماما مانقدرش دوكا عيطتلي سيرين لازم نروح
كريم: روحي بنتي او بالاكي علا روحك
ماريا: صحا باي
خرجت لقات سيرين تستنا فيها
سيرين: هادا وين
ماريا: اسكتي او امشي نروحو
راحو لوحد لمول كبير شراو واش سحقو او جا وقت لفطور
ماريا: سيرين جعت
سيرين: مام انا
ماريا: ايا نروحو ناكلو
سيرين: اسمعي
ماريا: مممم
سيرين: علاش مانروحوش للمطعم تاع وليد (وليد صاحب المطعم بصح كي هو متواضع يحب يكون كيف العمال)
ماريا: ايه صح
راحو للمطعم باش ياكلو و لقاو وليد معا صاحبو
ماريا: ولييييد
الناس كامل قعدو يخزرو فيهم
وليد: ماريا بهدلتينا
راحت ليه قاعدة غير تعنق فيه و تسلم عليه
وليد: بلعقل خنقتيني
ماريا: واش تحب توحشتك عندي بزاف ماشفتكش
وليد: لبارح برك كنت معاك
ماريا: وعلاش حرام نتوحشك
وليد: خلاص خلاص
سيرين: سلام وليد صافا
وليد: صافا و نتي
سيرين: الحمدلله
قاعد يخزر فيها حتى قاطعاتو ماريا
ماريا: وين راك غايس امم
وليد حشم و هبط راسو😳
ماريا: ههه حقا شكون هادا
وليد: اه نسيت نعرفكم هادا صاحبي وسيم
ماريا: تشرفت بمعرفتك
مدتلو يديها
وسيم 'ببرود': انا تان
دار او راح لخدمتو
ماريا: وشبيه هادا يبانلي مهبول
وليد: لالا ماديريش عليه هو هكا معا الناس بصح هو حنين
ماريا: ااااه
سيرين: ماريا ايا نقعدو او خليك منو
وليد: انا نروح نشوف الناس واش سحقو دوك يجي ليكم وسيم
سيرين: اوك
راحو قعدو فطابلة و جا ليهم وسيم كمونداو بيتزا
كي كملو
ماريا: وليد الماكلة بنينة نولي دايمن نجي ناكل هنا
وليد: هه ارواحي
سيرين و ماريا: باي
وليد: غدوة نشالله
خرجو او كل واحد راح لدارو
وليد راح عند وسيم
وليد: علاش درت هكاك
وسيم: واش درت
وليد: هكاك تهدر معا الطفلة هي مدتلك يدها باش تتخامس معاك و نتا عاملتها ببرود
وسيم: وليد ياخي علابلك راني مقلق او زيد الخدمة هبلتني
وليد: علابالي بصح ماشي هكاك
وسيم: خلاص غدوة نطلب السماح منها بصح علابالي بلي ماتسامحنيش
وليد: ماتخافش ماريا نعرفها هي حنينة تسامحك
وسيم: اوك
من جهة أخرى دخلت ماريا لدار
احلام: وليتي
ماريا: لالا راني فالطريق
احلام: اسكتي او ارواحي تفطري
ماريا: لالا فطرت برا مرسي
احلام: اوك
ماريا: حقا ماما راهي جايا عندي سيرين لعشيا
كريم: مرحبا بيها فكل وقت
ماريا: صحا باباتي انا راني طالعة
راحت لبيتها ارمات روحا فوق لفراش
ماريا "في نفسها": علاش عاملني ببرود ما درتلو والو زعما دارلي هكاك كي انا غنية بصح انا قلبي بيض و حنينة يعني صح الناس كامل يقولو بلي الاغنياء متكبرين ' حتى طاحتلها الدمعة 'هه علاش راني نبكي خليني مالناس كيفاش يخمو انا عندي صحاب يحبوني هادا واش يهمني اوف ديجا انا علاش راني نخمم فيه
حكمت تيليفونها او بدات تكونيكتي
جاز لوقت حتى سمعت لاصونات هبطت تجري فتحت الباب لقاتها سيرين عنقتها او قاتلها: ادخلي
سيرين: سلام عمو سلام طاطا
احلام: سلام
كريم: سلام بنتي راكي مليحة
سيرين: راني مليحة الحمدلله
ماريا: ايا نطلعو لبيتي
طلعو او قعدوا يوجدو للدخلة تاع الجامعة
سيرين: راني متحمسة لغدوا
ماريا: مام انا
ماريا: سيرين تفكرت
سيرين: واش
ماريا: مقبيل كيفاش كان يخزر فيك وليد واقيلا يحبك
هبطت راسها
سيرين 'بحشمة': لالا ماشكيتش 😳
ماريا: سي يحبك
سيرين: خلاااص😳😳
ماريا: 🤣🤣هه وليتي طوماطيشة
سيرين: اووف
ماريا: وشبيك راني نقسر
المهم جاز الوقت سيرين راحت لدارهم و ماريا رقدت
........................................................................
احلام 'بلعياط': ماارياا
ناضت ماريا على لعياط تاع ماماها
كي سمعتها هبطت تجري علابالها واش يصرالها لوكان تبطا
ماريا: راني جيت
احلام: وين كنتي مصبح وانا نعيط
ماريا: كنت راقدة عييت
احلام: خلاص اقعدي تتعشاي
قعدت او بداو ياكلو
كريم: رميسة وين رحتي مقبيل
رميسة: رحت نحوس معا صحاباتي
كريم: مرة وحدوخرا قولينا
رميسة: علاش نقوللكم ياخي راني كبيرة
احلام: رميسة اعرفي كيفاش تهدري معا باباك
رميسة 'بلعيلط': ااااه تعرفو غير رميسة ديري رميسة كدا رميسة رميسة خلااص راني كبيرة نعرف واش ندير او واش مانديرش
ماريا خبطت الطابلة او قالت'بغضب': رميسة شوفي صح راكي كبيرة كيما راكي تقولي بصح لازملك تحتارمي لي كبار عليك او ماتعيطيش عليهم فهمتي
ناضت مالطابلة او طلعت لبيتها
ماريا: خلاص ماتقلقوش روحكم
احلام: معليش بنتي
ماريا: ملا انا نخليكم تصبحو بخير
كريم: تصبحي بخير
طلعت او خلاتهم
احلام: كريم نتمنى انو رميسة تستعقل او تولي كيما ختها
كريم: نشالله
عند رميسة
رميسة 'في نفسها': ماريا علاجالك وليت هكا دايمن نكون انا الغالطة😡بسبتك ماما و بابا كرهوني ماراحش تكوني فرحانة في حياتك مليوم راح نولي كابوسك
عند ماريا
ماريا 'في نفسها': علاش يا رميسة ماكنتيش كامل هكا ملي صاحبتي هادوك لبنات تبدلتي وليتي ماشي مربية نشالله برك تولي كيما كنتي
طفات الضو و رقدت
"""""""""""""""""""""""""""""""""""""""""""""
علابالي بلي لبارت قصير بصح هادا واش قدرت نكتب قولولي رايكم ادا عجبكم؟؟
او مازال الاحداث طويلة ادعموني باش نكمل💓💓
أنت تقرأ
الفقير و الغنية "باللهجة الجزائرية"
Randomالقصة تحكي عن شب فقير وقع في حب فتاة غنية و واجه صعوبات في اقناع عائلتها التي لم يوافقوا لوضعه المادي هادي القصة باللهجة الجزائرية نتمنى تعجبكم 💓💓
