مًلَجّـأّى أّلَلَطِيِّفُـ😚

وٌآنِتٌ آلَجّآر لَوٌريَدٍ قُلَبًيَ 🥀🖤

و رفع ايده عليها و صفعها على وجهها .
رجع أحمد يعطي لرحمة شنطتها و شاف عمر و هو بيضربها جرى عليه و ضربه .
عمر : و جاي تضربني كمان
رحمة : سيبه يا عمر أنت اتجننت
ضربه عمر على دماغه و وقع أحمد أرضًا
رحمة: احمد فووق
حاولت تسنده لحد عربيتها و ودته المستشفى
رحمة طول الطريق بعييط : يا احمد فوق ، يا ربي و أنتَ إيه اللي كان رجعك تاني بس 🤦🏼‍♀️
رحمة: ألو أيوة يا عاصم قابلني بسرعة على المستشفى عمر شاف أحمد لما وصلني و ضربه و سايح في دمه
عاصم : أنتِ بتقولي إيه ! أنا جايلك حالًا
رحاب: في إيه يا عاصم ؟
عاصم: عمر ضرب أحمد و رحمة نقلته على المستشفى
رحاب: يا نهار أسود
عاصم: تعالي هوصلك البيت في السكة و اروح أنا
رحاب:لا إستنى أنا هاجي معاك.
ــــــــــــــــــــــــــــــــــــــــــــــــــــــــــــــــــــــــــــــ
**في الجانب الأخر.**
عبد الرحمن : إيه إللي أنتَ عملته ده يا عُمر !!
عمر : عايزني أعمل إيه يعني يا عمي أشوف البني أدم ده بيوصلها و أسكت ؟
عبد الرحمن: يا بني ده أولًا صاحب عاصم و ثانيا بن صاحبي خالد الله يرحمه و ثالثا و ده الأهم خطيبها .
عمر بضحكة إستغراب:معلش خطيب مين ؟ خطيب رحمة !!
عبد الرحمن: أيوة ، و يلا قوم غير هدومك عشان نقوم نروح المستشفى للجدع اللي أنت كنت هتموته في إيدك ده
ـــــــــــــــــــــــ
**في المستشفى**
عاصم: خير يا رحمة ، أحمد فين دلوقتي ؟
رحمة بخوف:في العمليات

الدكتور طالع من أوضة العمليات*
عاصم:خير يا دكتور
الدكتور: خير إن شاء الله، الضربة الحمدلله مكنتش بالخطورة اللي متوقعها لما شوفت خوف الانسة رحمة ، ساعة بالكتير و يفوق.
عاصم: تمام شكرا يا دكتور
عاصم و عيونه تبدأ بنظر غضب:رحمة قوليلي إيه اللي حصل بالظبط لو سمحتي
رحاب: يا عاصم و ده وقته انت شايفاها خايفة ازاي !
عاصم: اسكتي خالص دلوقتي يا رحاب
رحمة: هو .. هو وصلني و عمر كان في البيت و لما لما...
رحاب و عاصم : رحماااههه
رحاب : اخيرا فوقت يبنتي خضتيني عليكي
رحمة: أحمد فاق ؟
رحاب: ايه السؤال ده يعني انا قاعدة جنبك من ساعتها و في الاخر تقوليلي احمد فاق ، المهم يا ستي اه الحمدلله فاق و بيسأل عليكي و رحمة فين رحمة فين و ولا كأننا خارجين من فيلم هندي.
رحمة: طب أنا هقوم اشوفه بقا أحسن يقول عليا قليلة الذوق.
ـــــــــــــــــــــ
*صوت الباب
رحمة: ممكن أدخل
أحمد: أتفضلي يا رحمة.
رحمة بتوتر: أنـ...أنا أسفة جدا يا أحمد على اللي حصل ده
أحمد: لا أسفة على إيه بس إنت ملكيش ذنب
رحمة: مليش ذنب بس إزاي ده كله بسببي
أحمد: يلا حصل خير بس ما شاء الله إيد قريبك دي تقيلة
رحمة بخوف باين في عيونها : بتوجعك !
أحمد: دلوقتـ...
عبد الرحمن: السلام عليكم
أحمد و رحمة: عليكم السلام
عبد الرحمن: حمدا لله على سلامتك يا بني
أحمد: الله يسلمك يا عمي ، كان نفسي نتقابل في ظروف أحسن من كدة ، بس الظروف
عبد الرحمن: يلا حصل خير يا بني أنت عامل ايه دلوقتي
أحمد: احسن الحمدلله
*الباب بيخبط
عبدالرحمن: أدخل يا عمر
رحمة: و ده إيه اللي جابه هنا
عبد الرحمن: عيب يا رحمة مهما كان ابن عمك
رحمة: يا بابا مش قصدي بس انت شايف الموقف اللي حاططني فيه دلوقتي
عمر: أنا أسف يا رحمة ، و أسف يا أستاذ أحمد .. أنـ..أنا مكنتش أعرف أنك خطيب رحمة .
رحمة و أحمد : بنفس الصوت خطيب رحمـــة!

by/Rehab fawazy🕊