مًلَجّـأّى أّلَلَطِيِّفُـ😚

ليلة بدرية 🌘

* عند حسن و ليل ..
ليل : عارفة إن اسمي حلو .
حسن : ايه يا بنتي اللماضة دي ، و بعدين أسف إني خبطتك و كدة .
ليل : حصل خير يا دكترة ، و بعدين مش تقول إنك دكتور في الكلية بدل الإحراج اللي كان على الصبح ده !
حسن بضحكة خفيفة : أرد ازاي على أم لسان و نص دي ، يلا مش مهم اسمحيلي و أعزمك على قهوة ولا لسانك هيشتغل دلوقتي ؟
ليل : قهوة قهوة ماشي .
حسن : أركبي يلا .
_______________________
* في خطوبة رحمة ..
رحاب لـ رحمة : أخيرًا حققنا حلم إن تكون فرحتنا سوا ..
رحمة : الحمد لله ربنا يجعل أيامنا كلها فرح يا حبو .
أحمد لـ عاصم : ايه يا عم مالك كدة ؟
عاصم : مش عارف ، حسن مشى خايف يعمل حاجة في نفسه .
أحمد : متقلقش إن شاء الله هيبقى تمام و تلاقيه جاي دلوقتي .
أحمد للجميع : طيب يا جماعة اسمحولي أعزمك على العشا بقا .
عاصم : ماشي يا عم .
________________
* نرجع لـ ليل و حسن ..
ليل : مقولتش بردو كنت هربان من فرحك ولا ايه ؟
حسن بحزن : يا ريته فرحي و أنا مكنتش هسيبها لحظة .
ليل : كنت بتحبها ؟
حسن : هحكيلك .
_______________________

عاصم : حبو بقيت مراتي يا جدعاااان
رحاب بضحك : لاحظ إننا في مكان عام طيب .
عاصم : افصليني كمان ، شوفي الكناري اللي هناك دول . " مشيرًا على رحمة و أحمد " .
رحاب : حلوين أوي مع بعض اللهم بارك .
عاصم متصلًا بـ حسن : بردو مش بيرد
رحاب : سيبه شوية يا عاصم أنت عارف بردو كان بيحب رحمة ازاي .
عاصم : عارف و دا اللي مخوفني .
رحاب : متقلقش ..
_________________________
حسن : بس يا ستي دي الحكاية كلها ..
ليل : بص يا حسن جنة لو كانت بتحبك عمرها ما كانت سابتك و سافرت و رحمة ، رحمة لو كانت من نصيبك هتكون ليك حتى لو حصل ايه .
حسن : تكون ليا ايه بقولك لسة ماشي من خطوبتها !
ليل : خلاص انسى و خليك شايفها بنت عمك و بس .
حسن : يلا ربنا يسعدها .
ليل : طب أنا همشي بقا لأني اتأخرت .
حسن : استني هوصلـ....
ليل : لا روح أنت هو أنا هتخطف يعني ؟
حسن : اسمعي الكلام يلا قدامي ..
ليل : حسن ؟ هو أنت اتضايقت إن بقولك حسن كدة من غير دكتور ؟
حسن بمزاح : اتضايق ايه بس دا انا حكيت لك قصة حياتي ، أه صحيح قبل ما كنت أشوفك دلوقتي كنت بتجري ليه كدة و مين اللي كان بيبصلك من بعيد ده ؟
ليل بتوتر : ها .. لا متشغلش بالك ..
_______________________

أحمد : رحمتي
رحمة : نعم يا حبيبـ...
أحمد : قولتي ايه ؟
رحمة : أنت شوفتني اتكلمت يا كابتن ؟
أحمد : كابتن تاني ؟ صبرني يا رب
رحمة : قولت يا حبيبي
أحمد :  أخيرًا قولتيها
_______________________

حسن : شكل سؤالي ضايقك أنا أسف .
ليل : لا ولا اتضايقت ولا حاجة ، ده كان خطيبي ..
حسن : كان ؟
ليل : كان .. و الموضوع ده اتقفل خلاص .
حسن : بس شكله بالنسبة له متقفلش يعني كانـ....
ليل : ممكن منتكلمش في الموضوع ده دلوقتي !
حسن : تمام زي ما تحبي .
ليل : تمام أنا هنزل هنا ، شكرًا يا حسن .
حسن : العفو ، أشوفك بكرا ..
حسن بإبتسامة لنفسه : ايه أشوفك بكرا دي لأ و كمان حكيتلها كل حاجة ! مالك يا حسن مش عادتك !!!
_______________________
* في العيادة عند أحمد تاني يوم ..
مليكة و هى بتعطي لرحمة بوسة : رحوم وحشتيني أوي .
رحمة : و انتي كمان يا ملوكة ، ها بنسمع كلام ماما و بناخد الدوا ؟
مليكة : أه ، عارفة يا رحوم لما كنتي تعبانة و مش بتيجي عمو أحمد كان زعلان أوي .
رحمة ابتسمت لمليكة
دخل أحمد :  ها مليكة الحلوة عاملة ايه دلوقتي ؟
مليكة : الحمد لله .
مامت مليكة و هى خارجة : مبروك يا دكتور و مبروك يا رحمة ..
الاتنين في نفس الوقت : الله يبارك فيكي
أحمد : يلا نروح نتغدا ؟
رحمة : يلا
____________________

عاصم بإنفعال : لازم تنسى اللي كنت عايز تعمله ده ركز في حياتك بقا و أبعد عنها ..
عمر : مش هقدر ، لازم انتقم منها  و أعيشها الحزن اللي عيشته بسببها ٣ سنين ، ٣ سنين حبيبة بعيد عني بسببها
عاصم : يا أخي افهم بقا رحمة ملهاش ذنب ده غير إنها كانت شافتها مع يزن يعني حبيبة لا كانت بتحبك ولا أي حاجة من اللي أنت واهم نفسك بيها دي فوق بقا ..
_________________________
كاتبتها: رحاب فوزي