#المخادع
الحلقة15:
بعد عام:
ناضت مع الصباح لبست حوايجها غوب نواغ و طلقت شعرها على طبيعتو دارت نواظرها رفدت ساكها و خرجت هابطة في الدروج ، راحت الكوزينة شربت كاس ماء و جات رايحة ، حبستنا يماها
حليمة: بنتي كولي كاش حاجة هكذا رح تضيعي
ريمال: مانيش جيعانا و ضركا لازم نروح
حليمة: صحا ادي معاك هاذ العصير و الشيكولا بلاك ضرك شوي تجوعي تاكليهمشدتهم عليها ، حطتهم في الساك و خرجت ،فتحلها الشوفير الطونوبيل ركبت و قلع بيها ، ربع ساعة وصلت للعيادة طلعت في الاشونسير قابلتها مرا في الاستقبال
ريمال: صباح الخير عندي موعد مع الدكتورة "بلباهي"
السكرتيرة: ممكن الاسم من فضلكعطاتها اسمها
السكريتيرة: تقدري تتفضلي الدكتورة تستنى فيك نرجعو شوية بالاحداث للور ، الي صرا انو ريمال و حسام حبسو من ذيك الضربة و بعدها اكتشفت ريمال انو صحبتها و رفيقة دربها لينة هي كانت السبة بهاذ الشي و حتى انها مدت الرقم تاع حسام لبزاف بنات يقراو معاهم باه يحكو معاه قاتلهم ادوهولها ، اصلا هي حبست معاه ، و بعد هاذ الشي جاتها 'اية' و حكاتلها كلشي و صرات مناوشات بيناتهم و انتهت صداقتهم ، هاذي كانت صدمة بالنسبو لريمال كانت تعتبرها كيما اختها ، و على جال هاذ السبة زاد غضبها من حسام كيفاش صدق صحبتها و ما ضدقهاش هي سمى مكاش ثقة بيناتهم، و اي علاقة لازم تكون مبنية على الثقة هي رغم انها كانت تحاول دايما تكون صادقة معاه هو كل مرة يدير مشكلة و يشك في كلامها و لا فيها و هنا زاد الشي عن حدو ، هذا في حد ذاتو ماهوش حب بالنسبة ليها، ماسياش و لا مرة يصالحها و لا يحكي معاها اسيدس يعطيها ختى فرصة تشرحلو ، الشي لي خلى ريمال تزيد تبعد عليه كثر حتى بعدما عرفت الحقيقة ماحاولتش تحوس عليه و تحكي معاه لانو هو لي ظلمها و جرحها بكلامو و تصرفاتو ، هي خلاص انجرحت في كبرياءها و الضربة القوية لي حطمتها نفسيا و معنويا هي وفاة جميلة ، انعم المرا لي كانت الام الثانية بالنسبة ليها لي كانت تستقبلها بالاحضان و تودعها بالحضان و كانت قريبة بالنسبة ليها لدرجة كبيرة ، الشي هذا دمرها داخليا و حتى حسام ماوقفش معاها لانو مستحيل مايكونش سمع كل الناس سمعت مي هو ماحاولش حتى يوقف معاه ، الشي لي خلاها تفكر في نسيانو و تحاول حتى تجاوزت هاذ الموضوع مي بقات مضرورة داخليا و نفسيتها تعبت ، بسبة فقدان جميلة ماقدرتش تخرج من الصدمة بسهولة ، طلقت روحها ستايلها تبدل حتى في لبستها و لات تلبس الوان حزينة ، قطعت كل صداقاتها مع الناس الخايبة و اولهم لينة مارجعت توثق في حتى واحد ، و كي تدهورت حالها امها شافتلها اخصائية نفسانية ولات تبع عندها و تروحلها مرة على مرة ، مي ريمال ماكانتش مقتنعة مليح بهاذ الاخصائية حست روحها تحكي وحدها و الطبيبة مش كونسونتري معاها خلاص غير تسمعلها و تجاوبخا غير على اخر كلمة ، ما تعطيها ديزيكزاغسيس ماتنصحها ، كلما تروح تقولها احكيلي و تبدا ريمال تحكي من راسها حست روحها مع حيط ماكانتش تمدلها حلول وهكذا قررت تحبس ماتزيدش تروح لهاذ الطبيبة و بدل هاذ الشي تخدم على روحها بروحها ، سجلت في لاصال تع سبور ولات تروح دايما دير سبور تخرج الطاقة السلبية لي فيها و كل مرة تحب تحكي حاجة ضارتها تكتبها في ورقة تكتب تكتب ممبعد تحرق هذيك الورقة و هكذا بشوي بدات تحس بتحسن رجعت تحكي مع الناس لي دايرين بيها صح مشي كيما في الاول مي جابت نتيجة ، رجعت لقرايتها كان عندها باك هذاك العام و ماكانتش تروح شيعت 6 شهور ماقراتهمش مي ممبعد رجعت فورصات على روحها و قرات و دارت ليكور و جابت الباك تعها بمعدل شباب ، حبو والديها يديرولها حفلة بش يفرحوها و من جيهة بش يخرجوها شوية من هذيك الازمة لي كانت فيها ، و هكذا جاز الحال يوم بعد يوم حتى جا اليوم الموعود
أنت تقرأ
المخادع (باللهجة الجزائرية )
Romanceان لم تكافح من اجل شيء احببته فاصمت اذا خسرته، اتسمي نفسك رجلا و انت لا تغار على امراة كانت يوما ما ملكك ، اتسمي نفسك رجلا و قد طعنت التي احبتك بصدق اتسمي نفسك رجلا و انت الذي جرحها و ابكاها و آلمها ، عفوا فانت لست برجل و انت لست الشخص الذي كنت تبدو...
