المخادع (باللهجة الجزائرية )

الحلقة 17

المخادع: 

بعد ايام اخرى رجعو والدين ريمال و ختها للبلاد و هي بقات عند جداها في تونس حتى تخلاص عطلة الصيف ، كانت مرة على مرة تكونيكتي و تحكي مع زياد ، تعرفت بيه كان في عمرو 22 سنة مي ماشافتوش ماكانش حاط تصاورو في الفيسبوك كان حاط مجرد صورة قديمة ليه كي كان صغير شوية و الصورة مش واضحة ، اما هو ماشافهاش ، بعد فترة توالفو اولاو اصدقاء مقربين و ريمال بحكم انها ماتعرفوا مايعرفها و بحكم ماعندهاش ديزامي قراب لي تحكيلهم و تفرغ قلبها ، زياد كان صديق بالنسبة ليها و حكاتلو على كلش على المشاكل لي صراو في حياتها و كيفاش فقدت اعز الناس ليها اوقت لي مرضت و هو كان ينصحها و كان متفهم و تفهمها و حتى هو حكالها على روحو و على علاقاتو السابقة و كيفاش انخدع في اخر علاقة و راحت الطفلة لي كان معاها و سمحت فيه كلي ماكانش في حياتها ، و بدورها ريمال حاولت تعاونو تنصحوا طلعلو المورال تشجعوا بش ينسى و يبدى من جديد حياة صح ، حكالها على علاقاتو مع بزاف بنات و كيفاش غلط معاهم و ماكانش داير حساب لهاذ الدنيا كان يجوز الوقت و ريمال رغم انها كانت ضد هاذ الشي الا انها كانت ديما تنصحوا لانو كان عندها ايمان بلي يقدر يتغير و يصلح روحو ، و خير الخطائون التوابون ، يعني كون يحب يقدر يمشي في طريق مستقيم ريمال ماكانتش تكونيكتي دايما احيانا مرتين في الاسبوع و احيانا مرة واحدة و احيانا تضرب 10 ايام باه تكونيكتي ، كانت في عطلة و كانو كل مرة يخرجو يحوسو يدورو و كي يرجعو في الليل تكون عيانة ترقد طول، اوحد المرة غابت 15 يوم كانت مشغولة في هاذيك الفترة ماقعدتش و بعدها مرضت ونهار ليكونيكتات لقات ميساج من عند زياد 

زياد: سلام ريمال صافا هاذي غيبة غير الخير ان شاء الله تكوني مليحة باسكو توحشتك و الله كي قرات ميساج ماعرفتش كفاه مي قلبها و لايخبط و تبسمت يعني حتى هي توحشت زياد مي انو يتوحشها هو ثاني ماكانتش حاطتها في بالها 

ريمال: سلام فراند ، صفا يتوحشك الخير و الله مام انا توحشتك والفت نڨصرو كيفكيف ، مي ماقعدتش باه نكونيكتي و هاذ اليامات التوالا كنت مريضة شوية علاذاك مابنتش المهم صافا ياخيريبوندالها تمتم باسكو كان فاتح

 زياد: واش جيتي

 ريمال: وي راني هنا صافا ياخي 

زياد : الحمد لله و نتي 

ريمال: بيان ، غدوة راني راجعة لدزاير 

زياد: ااا مليح راكي جايا وحدك 

ريمال: نوو مريض نتايا يجيبني خالي ، انا جامي رحت لبلاصة بعيدة وحدي توجور يكون معايا واحد يونسني هههه 

زياد: هههه مليح ، وكفاه راكم قريب تدخلو تقراو 

ريمال: وي بقاو 10 ايام و نتا ماتقراش 

زياد: انا مازال باش ندخل نزيد كاش 15 يوم موراكم باه ندخل

 ريمال: وقيل ماشبعتش من ليفاكنص

 زياد: ههههع اييه 

ريمال: ههههه المهم انا نروح نتعشى ضرك باه نوجد فاليزتي بكري 

 زياد: تولي تكونيكتي و لا تروحي علاجيه 

ريمال: مانعرف مي ماشكيتش نولي

 زياد: مالا زيدي شوي

 ريمال: ههههه ياو راني جيعانة ، مي معليش ضرك نزيد 5 دقايقحكاو بزاف ليسوجي حتى ريمال نسات روحها ممبعد نطق زياد و هدرلها هدرة خلاتها تكون بين و بين و ماتعرفش وش تجاوب 

زياد: ريمال عندي هدرة حاب نقلك عليها هاذي شعال مي ماجاتش فرصة(قلبها ولا يخبط ماعرفتش علاه مي توترت) 

ريمال: لي هي؟؟زياد: حاب نكون معاكريمال: كفاه!زياد: هاذي مافهمتيهاشريمال: اممم مانيش عارفة 

زياد: خمي و قوليلي مشي شرط جاوبيني ضرك عندك حتى لغدوا

 ريمال: اممم، ضرك انا نروح نتعشى نخليك تصبح بخير 

زياد: بونويهبطت ريمال تتعشى كلات و ماكلتها ماكانت ماكلة كانت تخمم غير في هدرة زياد زعمة عندو مشاعر اتجاهها، و هي وش تحس من جيهتو ، بعدما كملت طلعت لبيتها وجدت فاليزتها لبست بيجامها و دخلت في فراشطولبقات طلع و تهبط و تحكي مع روحها، 

ريمال تحكي : انا وش نحس من جيهتو، هو صح يعجبني متفهم مثقف في فترة قصيرة قدر يكون قريب مني و يعرف بزاف حاجات عليا و توجور يكوراجيني عندنا بزاف امور مشتركة بيناتنا ، حتى حسام ماكانش هكذا هذاك كان لاهي غير بروحو جامي حوس انا وش نحس و لا خمم فيا ... مي زياد جامي شفتو و لا شافني كفاش نقدر نكون معاه... حتى حسام كنت نحكي معاه لفترة طويلة بلا مانشوفو... مي كاين فرق حسام انا ماكنت نحس بوالو من جيهتو ماكنتش نحس بحب ماكانش يعطيني فرصة بش نحبو و نوثق فيه كان توجور يشك فيا و يحاسبني وي يغيب عليا حتى والفت غياب اولات تجيني عادي كي يغيب ، زياد العكس مالغري عرفت في فترة قليلو قدر يكسب اعجابي بشخصيتو و عقليتو عرف عليا بزاف حاجات و نتشاركو في بزاف حاجات و نحبو بزاف حاجات كيف كيف و توجور يعطيني فرصة بش نحكي نحسو صديق قريب مني و يصلح يكون شريك حياتي انا نحب واحد يفهمني و يهتم بيا ، مي كفاه راح نكون معاه ماننجمش نتلاقاه دايما ولا نحكو في التيليفون صعيبة مع دارنا ... اااااه ياربي وش ندير راني حايرةبقات تخمم هكذاك طول الليل حتى وصلت لقرار و رقدت طول......اراءكم؟؟