موصيبتي مع الكوميسير

14

🐞مصيبتي مع الكوميسير🐞
🍇الجزء14🍇
🐼بقلم:
منال برنيش🐼
أشرف:عندك الزهر مكاين حتى حاجة ضدك واخا لمطايفة مخرجات بحتى شي أضرار
سندس:نقدر نمشي
أشرف:آخر مرة نعاود نلقا عليك شي حاجة أخرى تاني غيكون حسابي معاك آخر
حركات راسها باه وناضت وقفات غتمشي بحالها قبل ماتخرج عاود عيط لها
أشرف:خلي لي نمرتك هنا باش لكانت شي حاجة غنستدعيك
رجعات قيداتها ليه فورقة بلاما تشوف فوجهو ومشات خرجات كانت فتيحة وسعيدة والبصمة غير شافتها فتيحة جات عندها عنقاتها وعنقات حتى ختها ولبصمة
فتيحة:على سلامتك احبيبتي حمدالله ربي مكبغيش الظلم سعيدة:لبصمة هو لمسكين مشى عند سعيد مول لقهوة هو لظاير لكاميرا جاب لفيديو من عندو
فتيحة:اييه الله يرضي عليه الحمد الله
شافت فيه بتاسمات وحتى هو بتاسم ليها
لبصمة:سمحيلي اختي مكنتش مشيت نقضي واحد لغراض مبربي ميحط عليك شي حد يدو
فتيحة:حمدالله دابا تفرتكات نساو يلاه نمشيو
سندس:غير سيرو بغيت نبقا بوحدي شوية
لبصمة:لا اختي ليل هدا متبقايش بوحدك
فتيحة:اويلي فين غتبقاي
سندس جلسات فكرسي وشدات فراسها:صافي راني ماشي صغيرة خليوني
لبصمة:ولكن
سندس شافت فيه:صافي هضرت غير سيرو
شاف ففتيحة لحركات راسها باه ومشاو ولبصمة مرة مرة يضور يشوف فيها بقات جالسة من بعد ناضت خرجات وقفات قدام الباب ضربها البرد وهي تنهد تمشات شوية ضارت وراه الكوميسارية بقات واقفة