موصيبتي مع الكوميسير

41

🐞مصيبتي مع الكوميسير🐞
🍇الجزء41🍇
🐼بقلم:
منال برنيش🐼
هي خاشية وجها فصدرو وتتبكي تحس بشهقاتها بدأ كدوز يديه على شعرها وحنكو محطوط فوق راسها
بعدات عليه شوية وهضرات ووجها كل فازك بالدموع
سندس:مين كلشي واقف ضدي إذن انا لخايبة يااك هئ هئ
حرك راسو بلا وشد ليها وجها بين يديه ومسح ليها فدموعها:لا متقوليش هادشي بنادم بغااك تشوفي راسك هما بنادم بغاااك طيحي ولكن نت ماشي هكا فين هي سندس لكنعرف فين
حركات راسها بلا وهي سخفانة بلبكا:مشاات هئ عيت والله حتى عيت مبقاش عندي الجهد للبشار
أشرف قرب ليها:سندس خاص هادشي لوقع واخا صعيييب عليك خاص تنسايه وتجاوزيه أي حاجة خايبة جاتك من بنادم واخا قاسحة خاص تقويك معمر تخلي بنادم يطيحك حيت نت بالذات ميوصلوش ليك المسخين
سندس:ماشي كلشي كفكر بحالك تعدا عليا وحرمني من رزقي حيت مبغيتش نسلمو راسي هئ هئ حيت كن كنت نيت شي مسخة كيف كقولو عليا ميقرب لي حد هئ هئ
أشرف قربها عندو وعنقها تأتي كسكتها:شوووو داك خينة مدوزتهاش ليه هكاك تحاجة مضاعت ليك حتى حاجة أنا معاااك واي حاجة مشات انرجعوها انا وياك
بعدات عليه شوية وسألت فيه بعوينات كبريو بالدموع:بصح؟
حرك راسو باه وهو مبتاسم مسح ليها دموعها:شوووو متبكييش نت مريضة
حركات راسها باه حتى هي تحنا شوية عرفاتو شنو بغا يدير ضورات يديها على عنقو وهزها بين يديه مخليااه عاجبها الحال ومعارفاش شنو كوقع بيناتهم من غير أنها وصلات لواحد الدرجة بغات شي واحد يكون معاها قريب لها حطات راسها على صدرو وهو هازها بين يديه
حتى وصلها لبلاصتها وهي دخل عليهم الفرملية
الفرملية:ناري ياختي خلعتيني فين كنت؟
سندس:غير خرجت نشم شوية الهوى
الفرملية:انا غنعاود نقادلك السيروم خاصك ترتاحي
عاودات قادات ليها السيروم وخرجات خلاتهم بزوج
أشرف:خاصك تنعسي دابا مزال مشاداش فصحتك مزيان