موصيبتي مع الكوميسير

37

🐞مصيبتي مع الكوميسير🐞
🍇الجزء37🍇
🐼بقلم:
منال برنيش🐼
دازو ايام طايرين كان الظلام الليل شاد بلاصتو حوالي 2:00دليل دخل شافتو الفرملية زادت معاه حتى للشومبغ
أشرف:كيف بقات
الفرملية:حمدالله كاين تحسن يقدر إلا بغا الله تحل عينيها قريب
حرك راسو باه وهو عينيه عليها وهضر:عائلتها معارفين والو
الفرملية:فخبارهم بلي شي محسنين هو لخلصو
أشرف شاف فيها:بلا منوصيكم شنو قلنا
الفرملية:سرنا فبير اشاف
حرك راسو باه وتقدم جيهتها الفرملية نساحبات بهدوء وسدات الباب جلس فكرسي مقابل معاها حيد القب بدأ كهضر معاها من نهار وهي هنا كجي فهاد الوقت يبقى معاها شوية ويمشي حتى هو كهضر معاها كيف قالو الطبيب على حالتها وهو لخلص لها الطبيب وطلب منهم يخليو الأمر سري وأكيد عارفينو شكون هو فمفروض عليهم
اشرف:كاع الشهود لحضرو نهار الحادث كقولو نت لتلقيتي للطوموبيل ولكن نت قوية فعلاش وصلات بيك تديري هكا و تخلي مسخ بحال هداك يوصلك لهاد لحالة
تنهد وسكت شوية شد لها فيديها وقرب لها:خديت لك حقك منو وكنواعدك غندمو والا كتاب ووقعات لك شي حاجة الله يحفض كنقسم لك حتى غادي نمحيه من هاد الدنيا
قرب بشوية ليديها وطبع لها قبلة خفيفة عليها وهمس ليها:انا معاك وديما معاك فمتخلينيش نتي حلي عينيك
تنهد ووقف كشوف فيها ميكرهش يبدل هادشي كامل تفيق وتحل عينيها وتعرف شنو دار على ودها مبقا ميخبي أنه كحس بشي حاجة من جيهتها وهاظشب قنع راسو بيه حيت دار بزاااف على ودها و هاظشي جاه ماشي هادي ماشي من جانب الإنسانية ولكن م حدو كتمعق وكحس براسو مزياان أن هاد البنت راه ماشي شخص عادي بالنسبة ليه خرج حادر راسو عندو تخوف هادشي يمشي يطول ولا كلشي يتقلب ولكن متفائل بلي عندها تحسن وهي قوية بحال ديما الغوات والتجعويق ومتسمحش فحقها فراه ميمكنش تبقى هكا