زواج غير مدبر (عانس)❤️

البارت الثاني

ذهب حسام عند عمه علشان يعرف منه ايه اللى حصل

حسام :بيخبط على الباب جامد وبيعلى صوته ويقول
حسام افتح يا عمى افتح

الأم -اتخضت من طريقة تخبيطة للباب وبعدين قالت اهو جه يا حج وعرف الحقيقة قوم شوف هتعمل ايه بدل ما يعمل فضيحة فى نص الليل

الأب -متخافيش أنا عارف هسكته ازاى وبعدين قام فتح لحسام

حسام دخل والاب قفل وراه الباب علشان محدش يسمع الحديث بينهم

حسام :جولى يا عمى ايه اللى بنتك عملته ده وازاى ترضوا تخالونى اتجوز رحاب بدل منه ،انت عارف بالكلام ده ولا لأ

الأب- ببرود ايوه عارف يا بنتى بس غصب عنى والله

حسام بغضب :غصب ايه ونيلة ايه،و ايه الحديت الماسخ ده يا عمى ، وغصب عنك ليه وفين منة وازاى ترضى أن اختها تعمل كده ، رد علييياااا😡😡

الأب- اقعد يا بنتى وانا افهمك واسمعنى للآخر

حسام: جول يا عمى أنا اعصاب باظت

الأب- منة هربت من الفرح وعلشان ندارى الفضيحة خلينا رحاب تتجوزك بدلها ولا كنت عايز الناس تاكل وشنا وتصير سمعتنا على كل لسان

حسام : ازاى ده حصل وليه مقلتليش قبل ما اتجوز رحاب ، انت عارف ان بحب منة مش رحاب وكمان كان المفروض الجوازة دى تتلغى

الأب - مش عارف هربت ازاى وليه بس مكنش قدامنا حل غير ده وإلا كانت سمعتنا باظت وانت كمان الناس هتقول عنك انك وحش وهى هربت علشان كارهاك وكمان سمعت رحاب برده لأنها مش هتلاقى حد يتجوزوها وانا اخترت الشىء الصح

حسام هههههههههههه 😂 اخترت الشىء الصح لك انت بس يعنى بنتك العانس دلوقتي اتجوزت لكن أنا مصيرى ايه قولى يا عمى

الأب اخرس قطع لسانك اوعى اسمعك تقول كلمة عن بنتى ، وانا لما فكرت فكرت فيكم انتم الاثنين ومتنساش ان فى بينا شراكة ولو طلقت بنتى هفض الشراكة دى و منصبك هيبقى فى الارض ، أنا قولت اللى عندى وخلاص وحسك عينك تجرح بنتى بكلمة واحدة بس وإلا عينك مش هتشوف النور تانى وهنسى أنك ابن اخويا ، فهمت ويلا روح لمراتك علشان الناس متتكلمش علينا

حسام كده يا عمة،ماشى بس لازم اعرف الاول منة راحت فين وبعدين لينا حساب تانى وقام مشى

الام أنا خايفة على بنتى يا حاج ، ده ممكن يعمل فيها حاجة ،يا بختك يا بنتى 😭

الأب خايف بس حاول يخفف عن مراته وقالها متخافيش باذن الله هتكون كويسه علشان هى طيبة وربنا اكيد هيقف معاها واحنا علينا ندعيلها وخلاص

الأم سمعك من بقك ربنا يا حاج ، بس يا ترى انتى رحتى فين يا منة وليه عملتى كده ، معقولة تكون اتخطفت ، اعمل ايه يا ربى