زواج غير مدبر (عانس)❤️

البارت الثامن

حسام الحقنى يا دكتور رحاب انتحرت!!😱

حسام لبس رحاب عقبال لما الدكتور جه

الدكتور دى حالة انتحار واضحة وكمان اخر مرة كان عندها هبوط فى الدورة الدموية ، باين كده أنها بتمر بأزمة نفسية سيئة

حسام طب الحل ايه يا دكتور

الدكتور الافضل انك تحاول تخليها سعيدة بقدر الإمكان وتبعد عنها التوتر وإلا توديها لدكتور نفسى علشان ده مكملش اسبوع من اخر مرة كنت عندك وتاخد الأدوية دى

حسام ماشى شكرا يا دكتور

بعد ما الدكتور مشى حسام قعد جنب رحاب

حسام وهو حاطط أيده على ايد رحاب ، ليه كل ده يا رحاب ، ايه اللى حصل علشان تنفعلى كل ده وكمان تنتحرى وبعدين قعد يعيط

حسام قعد جنب رحاب طول اليوم وهى تعبانه ومش بتفوق وبعدين فاقت تانى يوم

حسام حمد لله على سلامتك يا رحاب ، كده تخضينى عليكى ، ليه عملتى كده ، طب مفكرتيش فى اهلك وفى الناس اللى بيحبوكى واللى هيزعلوا لو جرولك حاجة

رحاب بضحكت يأس ههه هم فين دول اللى بيحبونى وبيخافوا عليا ، أهلى اللى من يوم ما اتجوزت وهما مجوش يشوفونى ولا مرة ولا حتى يطمنوا عليا وخصوصا انهم عارفين اننا اتجوزنا غصب يعنى العلاقة بينا هتكون صعبة ومع ذلك مردوش ييجوا ، ومعنديش اى حد يسال عنى تانى ولا صحاب فى الشغل ولا اى حد

حسام بضحك طب أنا رحت فين ولا أنا مليش مكان

رحاب انت مين ،انت السبب فى كل اللى حصل ده

حسام هنرجع تانى ، انتى مراتى وكل حاجة فيكى ليا فليه بقى دور العتاب ده

رحاب علشان اللى حصل ده غلط وكده كده احنا هنطلق فليه تقرب منى

حسام طب وليه نتطلق، مش ممكن ندى علاقتنا فرصة كمان وممكن نتصلح

رحاب لأ مش ممكن وانت عملت معايا علاقة لانك كنت محتاج لده بس مش مهم عندك مين وانا اللى كنت قدامك يعنى لو كان فى واحدة غيرى كنت نمت معاها

حسام منكرش ان كلامك صح وبعدين حط أيده الاثنين على خديها ونظر فى عينيها بس انا كنت عايزك انتى واستمتعت بده وعمرى ما هندم على اللى حصل بينا ابدا

رحاب زقت أيده وقالت ابعد عنى وتانى مرة متفكررش حتى انك تقرب منى تانى ويلا روح على اوضتك أنا بقيت كويسه

حسام ليه فارضه انى اقرب منك ، انتى مراتى افهمى بقى كده

رحاب مش فاهمة ومش عايزة افهم ، خلاص اللى حصل حصل وانسى كل اللى حصل امبارح وامحيه من دماغك خالص

حسام ف نفسه عمرى ما انسى اللى حصل امبارح ، دى كانت ليلة العمر وانتى كنت بريئة جدا يا رحاب وعمرى ما تخيلت أن الحلال حلو ده ، فعلا العلاقات اللى فى الحلال ربنا بيبارك فيها لكن الحرام لأ