حسام عمر!!!
عمر ازيك يا حسام
حسام ازيك انت يا عمر عامل ايه
عمر الحمد لله مش هتقوللى اتفضل ولا ايه
حسام لأ طبعا اتفضل
حسام بس ايه سبب الزيارة السعيدة دى
عمر رحاب يا عم قالتلى انك رفضت أننا نخرج لوحدنا نتغدى المرة اللى فاتت فقالت اجى اتغدى معاكم هنا واكون قدام عينك وأكيد كده مفيش اعتراض عندك ولا ايه
حسام اه طبعا استنى هنده عليها
حسام راح لرحاب
حسام يعنى مقولتليش أن عمر جاى
رحاب لو قلتلك كنت رفضت
حسام ومدام عارفه انى هرفض مقولتليش علشان تحطينى قدام الأمر الواقع
رحاب مش قصدى كده بس كنت عايزة اشوف عمر ضرورى
حسام قرب منها لحد ما رحاب بقت قدام الحيطة بالضبط وقال
حسام ايه بقى الحاجة الضرورى اللى هتقوليها لعمر
رحاب دى حاجة شخصية
حسام ايه هى برده
رحاب ابعد كده يا حسام علشان عمر بره وميفكرش فى حاجة بتحصل بينا
حسام قرب منها جامد وبص فى عينيها وقال وفيها ايه يعنى لو فى حاجة بينا مش انتى مراتى
رحاب بس انت هطلقنى فسيبنى اعيش حياتى براحتى
حسام ماشى يا رحاب لينا كلام تانى لما عمر يمشي
حسام ورحاب طلعوا وراحوا لعمر
رحاب عملت الاكل وحطته على السفرة
رحاب قوللى يا عمر اخبار الشغل ايه
عمر بابتسامه الحمد لله تمام بس عيب الناس هنا انهم مش بيشتغلوا بضمير زى الأجانب
رحاب معاك حق
حسام لأ طبعا كل بلد وفيها الحلو والوحش والأجانب برده بيسرقوا بس بطرق ذكية فمحدش بيعرف عنهم حاجة
رحاب لأ يا حسام كلامك غلط ، الأجانب افضل فى الشغل من المصريين والدليل أنهم متقدمين عننا
حسام بس احنا بنعمل بضمير برده واى حاجة فيها الحلو والوحش
رحاب لأ مش كده
عمر ايه يا جماعة انتم هتتخنقوا ولا ايه
رحاب باين كده أصله بيقاوح وخلاص
حسام أنا بقاوح
رحاب اه
عمر خلاص يا جماعة يلا ناكل
حسام ورحاب وعمر كلوا
عمر تسلم ايدك يا رحاب بجد اكلك روعة مش زى اكل الغرب وحتى لما جيت مكلتش اكل زى كده
أنت تقرأ
زواج غير مدبر (عانس)❤️
Romanceايه اللى ممكن يحصل لما واحدة تكون بتحب واحد وعايشة على أمل أنه يرجع ويتجوزها رغم انقطاع الأخبار بينهم لحد ما تعدى 30 سنة وفجأة فى يوم وليلة تلاقى نفسها مضطرة تتجوز واحد تانى والأغرب أن الشخص ده المفروض كان هيتجوز اختها بس شاءت الأقدار كده ايه اللى...
