حسام قوليلى بصراحة مين بقى الشخص اللى بتحبيه
رحاب......
حسام مش عايزة تتكلمى يعنى براحتك
رحاب الحكاية مش كده
حسام امال ايه الحكاية ، مش عايزة تقوليلى يعنى
رحاب الوقت مش مناسب للكلام فى الموضوع
حسام امل مناسب لايه وامتى الوقت المناسب للموضوع ده ، أنا سبق وقولتلك انى هطلقك وهخليكى تتجوزى الشخص اللى بتحبيه يعنى لو قولتيلى عليه مش هيضر
رحاب يا حسام افهمني أنا
حسام عمر مش كده
رحاب بصتله بصدمة
حسام متتفجأيش كده اصل انا ضابط فى الجيش ومن شغلى لازم اعرف الشخص اللى قدامى بيفكر فى ايه وانا لاحظت ده من اول لما سمعتى اسم عمر عبدالله الجندى ولما شوفتيه وكمان اختك منة قالتلى قبل كده انك بتحبى حد اسمه عمر وعلشان كده رافضة موضوع الزواج بس شهادة لله هو شخص كويس وانا هبقى مطمن وانتى معاه وبعدين حاول يقوم
رحاب استنى يا حسام تعالى اسندك
حسام تمام تعالى
رحاب وحسام دخلوا الاوضة ورحاب نيمت حسام على السرير و هى قعدت على الكرسى
حسام انتى بتعملى ايه هنا
رحاب هقعد هنا علشان لو احتجت اى حاجة
حسام متقلقيش مش هحتاج حاجة ، يلا روحى نامى
رحاب لأ أنا هنام هنا وزى مانت عملت كده معايا لما كان عندى هبوط فى الدورة الدموية وسهرت على راحتى
حسام يعنى بترديلى الجميل
رحاب احسبها زى ما تحسبها ويلا نام
حسام طب تعالى نامى جنبى
رحاب لأ مينفعش
حسام تعالى متخافيش أنا مش هقدر اعملك حاجة وانا مجروح كده
رحاب قربت ونامت جنب حسام
رحاب قعدت تتأمل فى شكل حسام وقالت أنا عايزة ارجع لعمر بس فكرة انى مش هشوفك تانى أو مش هقدر اكلمك تانى دى بتزعلنى اوى وانا مش عايزة اسيبك بس مش عارفه السبب ، معقول اكون حبيبتك يا حسام لأ لأ مش معقول بس علشان حاسه انك مظلوم فزعلانه عليك وبعدين نامت
رحاب صحيت لقت نفسها نايمة على صدر حسام فبدون إرادة منها لقت نفسها حضنته اوى وقالت متسبنيش
حسام هسيبك ازاى وانتى ماسكانى كده
رحاب بعدت عن حسام وقالت معلش مخدتش بالى
حسام عادى ولا يهمك
رحاب قامت حضرت الاكل لحسام وحسام اكل هو ورحاب
أنت تقرأ
زواج غير مدبر (عانس)❤️
Romanceايه اللى ممكن يحصل لما واحدة تكون بتحب واحد وعايشة على أمل أنه يرجع ويتجوزها رغم انقطاع الأخبار بينهم لحد ما تعدى 30 سنة وفجأة فى يوم وليلة تلاقى نفسها مضطرة تتجوز واحد تانى والأغرب أن الشخص ده المفروض كان هيتجوز اختها بس شاءت الأقدار كده ايه اللى...
