زنيبه/ وره ما كالوا راح يجون الخميس حتى يشوفوني ويتعرفون علينه انه ضليت بس افكر شني شراح البس شسوي
سويره/ ها خيه شني مشاريعج شتردين نساعدج نجهزلج
زنيبه/ والله يا خيه مادري انه ما معرسه كبل!! بس شني لزوم نروح نشتري ملابس جديدة وهيج نكشخ جدام اهل الزلمه حتى يكولون هذا البيت نسوانه معتبرات
حميدة/ خيه واحنه مو تنسينه بعد اختج هم اخضينه وياج اذا نضل على امي نضل بتواميلنه
سعيدة/ اي والله خيه احنه رجلنه على رجلج ترحين للصالون تاخذينه تشترين هدوم تشتريلنه يو نتزوج كلنه يو نعنس كلنه
ولو العب ويو اخرب الملعب
زنيبه/ دهر لطمج يم لسان احنه على حجيج هذه اكص ايدي من يم ركبتي حتى تطير ركبتي وياها اذا عررست من وراج ومن وره حجيج
سويره/ اي والله المفلوكه تحسينها غراب وينحر للصبح
سعيده/ يععععع انه غراب!!! خايبه زنيبه مو شفتي روحج راح تعرسين وتشيخين علينه تره انه سعيده المسودنه اخربها واكعدج طول العمر بالبيت
زنيبه/ عرمه ما تنكدرين...
سويره/ اكلج خيه لا تمشين وتسولفين للوادم انه انخطبت وهيج تره هالشغلات تنفس يبعد اختج خليها سكته لمن تصير صكد وعود احجي
زنيبه/ والله انه هم اكولن هيج بس شني هيه فرصه احرك دم عفاف ام نغفه وهديل العوجة كولتن انه مخطوبه وراح اعرس
حميده/ خاب حجي سويره صكد انوب لا تنحسدين اخيتي وانه اعرفنج حظج مصخم ملطم
زنيبه/ خوش خوش ما احجي ....
اكلج شني شو امي خوينسه مو عوايدها
سويرة/ اندري خيه علمي علمج
زنيبه/ امشي نشوفها ..
...................................................................................
زنيبه / نزلت جوه واشوفن امي حاطه رجل على رجل وكاضه الموبايل وتخابروتضحك
نوريه/ ههههه هلا بيج شلونج شلونج زينه .....الله يبارك بيج بعد كلبي.....اي ههههههه .... اسمه جواد .. مهندس وامه مكيفه بزنيبة
رحم ألله والديج ينطيج العافية ان شاء الله يوم لبناتج
زنيبه/ ياااااا اشتهرنه بالعباس انه يكلولي لا تحجين وبخور السوك ذبتهن بحلك الوادم ديله بله
نورية/ هلا خيه....اي والله ههههه ...الله يعافيج ان شاء الله يوم لابنج وتفرحين بي..... هههههه يا صكد جذب اول وحده معزومه بعد كلبي عزيزه عزيزه بعد روحي الله وياج مع السلامه الله وياج
زنيبه/ خاب يمه كافي تتجعبلين على الوادم بسج
نوريه / خايبه صارلي سنين وانه اباركهلن وانه اسئلهن هاي الاسئله
مستكثرتها عليه اعيش اللحظه بشكلهن كوه صرت ام العروس انتظرت دهر حتى اكعد هاي الكعده
أنت تقرأ
زنيبة وخواتها
Cerita Pendekراح العمر وزنيبة بالانتظار مرت سنة وثلاث وخمس وعشره و البنت عانس تنتظر الطارق تبخرت أحلامها في انتظار الفارس القادم من بعيد أو من قريب لكنه لم يصل يمكن سقط من حصانه الأبيض أو ضيع العنوان .....هل يا ترى تكتمل فرحة زنيبة ام لا ؟
