وحوش لاتعرف الرحمه

البارت السادس

مسـاء الخير حبايبي انشاء الله تكونون ب الف الف خـير يارب رجعنه وياكم ابارت جديد وانشاء الله ينال اعجابكم ♥️

وحوش لا تعرف الرحمـه
_________________

سلاما على احرف لا تقال
وهي ابلغ مما يقال
سلاما على من صمت
وبداخله مدن من الكلام
سلاما على من يمتلكون براءة القلوب
في زمن غزت فيه المشاعر
سلاما للقلوب الطيبة الصافية التى تثمر حبا ،وتعطينا الامل في الحياة
لمن يمتلكون جمال الروح وصفاء النية
ولا تعرف قلوبهم سوى الوفاء والعطاء....

ام غسان
ولككك صخام بوجهك الطفل ماتتتت اضنههه ولكم تلاحكوههه

اريد افتح عيوني بعد ماكدر من الالم اجتني قويه كلش الضربه احس الم گطعني تگطع اسمع غسان يصيح

غسان
خليههه اهنانه خلي تموت بت الخره بت العاررررر سودت وجهي اني يكلولي مرتك ماتمشي بشورك انييييييييي الي اعيب اعله ناس ومرتي هيج تنزل راسي

اسمع مديحه تحجي وتغلط وتفشر عليه و ام غسـان تصيح اني اريد اصيح ماكدررر احس شي طلع مني واني ع الفراش كمتتت اصيحح حيل وبجييت لان حسيت الطفل كلش يريد يطلع منـي

ام غسـان اسمعهه تحجي ل غسان ع سالفه اني بعد ماكدر اشوف بعيوني حسَيت هايهيه فقدت بنتـي بعد

فقدت الوعي وني مادري بدنيا شصار ماصار بيهه فتحَت عيوني خايفه خااايفه لا بنتي تكون ميته خايفه لا غسان يباوعلي بنضـره شفقه خايفه لا اكره غسـان خايفه حَيل

لگيت نفسي بالمسشتفى باوعت لگيت ام غسان يمـي كتلهه بيبي كعدت باوعتلي اجتي باستني من راسي وكالتلي الحمدلله ع سلامتچ جده

بيبي بس كوليلي بنتي ماتت كوليلي حبابه الله عليج طمنيني كلبي محترك ولله

ام غسان
ااوووومن برد شرج هي مگصوفة الرگبه جنهه گمرايه وتبجي تخبل بس هيه هاصغراتها بگد الجف بس راسهه چبير بلكوه طلعت

هيه من كالت هيج ضحكت من الفرحه و ع حجايتهه ياربي الحمدلله والشكَرر

كالولي انو هيه بالخذج صح مولوده بشهر ال٧ بس امورها كلش تمام ماعدهه شي وطفله مكتمله الحمدلله

شويـه وطبلي غسان دنك. باسني وكال الحمد لله ع سلامه اني ضايجه حيل منه وضل يحجي وياي ويكلي وصلني حجي عنج تفترين بالسلف بنطرونج واشكال الحجي مطلعينه عليه وانتي تقبليهه عليه والله مضال عقل براسي كتله ليش انت متعرفني شنو اني ضل يعتذر ويبوس براسي اني سكتت ماحجيت كتله هايهيه

حسَيت انو اله حق لان شمدري هوه وصله حجي وجنت بغباء راسا ارضـه للضهر جابلي بنتي حطهه بحضني اللهم صلي على محمد وال محمـد جانت نسخه من امـي حسيتهه عليه طالعه وع امي بس امي احله مني جنه نمشي ثنينه بشارع حسبالهم خوات وامي احله مني عيوني خضر بس عيون امي عسليات هسه الطفله عيونهه ع خضار حسبالك عيوني ومحطوطات گال غسان راح اسميهه شَمس اسم على مسما