وحوش لاتعرف الرحمه

البارت العاشر( الجزء الثاني )

مسـاء الخير حبايبي انشالله تكونون بخير
رجعت وياكم ببـارت جديد من قـصه وحوش لا تعرف الرحمه اتمنالكم قراءه ممُتعـه 😍😍

وحوش لا تعرف الرحمـه
للكاتبه:رونـق

_________________

دامان بحضني ومتوجهين لمستشفى ماحس

الطفل كام يرتعش كل جسمه اول مره اشوفه هيج ابني عبالك خشبه صار

تخبلت دلير بعد ميعرف يسوق مضل شي ونوصل المستشفى. جانت قريبه كمت اصرخ ابني راح يموت

وديلر مايعرف يتصرف ساق بسرعه جنونيه دقايق وكفت السياره

اخذ رامان مني ويركض بي لمستشفى

اني حيلي مات بعد ماكدر اتحرك اريد انزل من سياره ماكدر حسيت ابني راح من ايدي ضليت بسياره بس ابجي وافرفح

كوه نزلت من سياره بس احس رجليه محددات ميمشن امشي شوي واكعد وابجي وادعي ربي زين لابيه ارجع لسياره ولابيه اكمل الطريق
والمستشفى من برا فارغه وبليل بارده وناس قليله

ضليت كاعده بمكاني بس الدعاء عندي لابيه حيل اروح ولابيه ابقه كلبي مفرفح ع ابني

اجتي مره هيه وزوجه شافوني هيج وابجي اجتي يمي سالت محتاجه شي

رديت عليه اي عفيه بس وصليني جوه ابني ماعرف عنه شي وماكدر امشي حيلي مات

خطيه سندتني لبنيه وتمشيني ع كيف وصلنه لمستشفى تشكرت منه وراحت

جانت المستشفى دافيه ضليت اعاين ع وجوه وادور ع دلير بس اريد اعرف ابني وين صار

تقريب بربع ساعه مرت واني ماعرف شي عن ابني افتر .ماندل شي رجعت لاستعلامات

سالت ولد عليهم كلي شوفيهم بالردهات

جنت اخاف اخطي خطوه خاف يكلي ابنج بي شي ضليت بمكاني بس ابجي

اجتي عامله تصيح منو الي سمه ميديا اني من سمعت اسمي انتهيت كلت اكيد ابني بي شي انعكد لساني

اريد اكلله اني ماكدر ماتطلع لكلمه مني

كوه نطقت اني اجتي يمي لكتني مفرفححه

ياامي ليش هل بجي شبيج

مناك زوجج متخبل عليج ميكدر يعوف ابنه

وباله يمج دزني ادور عليج

سالته عفيه ابني بي شي

يااسم الله جنه العافيه ابنج مبي شي وابوه محتار بي خطيه

ودزني ادور عليج من سمعت هيج رتاحيت الحمد لله

اخذتني وياه لردهه دخلت اجاني بسرعه دلير

هاي وين صرتي تحجين صدك وكفتي كلبي عليج

ياهو الي ادزه يسال عليح يكول ماكو