وحوش لاتعرف الرحمه

البارت الثاني عشر

سلام عليكم حبايبي ورجعت وياكم ببارت جديد واتمنـه ينال اعجابكم  لاتنسون التصويت والتعليق الحلوو 🖤🖤

وحوش لا تعرف الرحمه
للكاتبه :رونق

باررررت مفاجئ لاحلئ متابعبن

اعذروني اذ بي اخطاء
________________________
تبدو الحياة سهلة حين نتكلم عنها
صعبة حين نتعامل معها..
مؤلمة حين نعيشها
متعبة حين تجري في مضمارِها
لكنها قصيرة حين نفكر في نهايتها …

اطلعت كلت للشرطيه بس كوليلي شكو مارضت تحجي رجل تطك برجل وخايييفه نمشي وماحس اله اشوووف كباليي صصدمه عمرييي شفت غسـان كبالي يحجي وي واحـد اني بعد ما اعرف شنو الي اسوي رجعت بخطوه لوره التفتولي الشرطه الي جانو ويايه

الشرطيه
شبيج شكو

ماعرف والله ب بس شويه دخَت بس شويه ارتاح عادي

الشرطيه
شباب خلوهه ترتاح شويه

وكفت ودرت وجهي حضنت روجين وكلبي يرجف كمت اغطي بنفسي شنو الي اكدر اسوي هسـه ياربي دخيلك

غمضت عيوني وانـي ارجف سمعت صوته كلشش قريب من يمـي غطيت نفسي بروجين وغطيت روجين زيـن مر من يمي وطلع گبل لاتچـاه السجن اخذت نفس ومشينه بالمكان الي جان بي غسان

جانت واگفه الدكتوره ويمهه زوجـهه من شافتني اجتي حضنتني استغربت من الي سوته بس دموعي كامن يجرن ياربي طلعت الحقيقه يعنـي

دكتوره بلقيس
اني اسفـه ع الي سويته وياج وب اتهامي الچ ازاد انتي بريئه

من كالتلي هيج ماصدكككككت حجايه ماحجيت بس ضليت ابجي ومدنكه بس اريد اطلع ماريد غسان يشوفني بسرعه سوينـه اوراق الخروج والاجرائات ومادري شنوو وقعت وطلعَت

طلعنـه سوه واني اشتميٌت نفس ياربي الحمدلله والشكرر الحمدلله زوج الدكتوره مبين الوضع ما عاجبٌه ابٌد ويتافف ويمشـي ماحجو اي شي ولا اني حجـيت شي

كلت بس اوصـل راساا اخذ غراضـي وروح هايهيه شسسويي بعَد اني ضالٌه

وصلنـه للَبيت صعدت لفوك تلكوني الجهال يحضنون بيه دينـا تبجي وتكلي اني كلت لماما عمو الي اخذ الفلوس مو انتي هزيتلهه راسي وبستها براسـهه ورحَت لميت ملابسي واموري والفلوس الي عنـدي وذهب الحجيه الله يرحمه كلما اشوف الذهب اترحمله عباليك كلبه جان يحس بيه  وكلت لازم اروح من هنـانه ع السريع مستحيل اضـل هنانه اكيد الوضع حيتكهرب وهواي

نَزلت للدكتوره لكيتهه تصيح هيه وزوجهه اكيد مايقبل ع اخو وهيه مستحيل تتنـازل كتلهه

دكتوره اني لازم اروح ماكدر اضل هنانه بعد

دكتوره بلقيس
انعلي الشيطان ماما استهدي بالرحمن الي صار صاارر وهسـه خلصَ ضلي يمنه وبس انسي الموضوع اعرف اذيتج هواي واعتذر منج
تسرعت هواي بس ماعرف شلون. جنت مامنتبه
ازاد
دكتوره ماكدر اجذب عليچ بس انـي ماكدر اضل هنانه بعد الثقه راحت وانتي ماتثقين بيه وحته ماحاولتي تسمعيني وابررلج بس هوه صح اني منوو وابررلج مجرد خدامه