وصلنا لحد م كريم خبطته عربيه وهايدي خادتهم لمستشفى قريبه
واكيد المستشفي دي هي نفس المستشفي الي فيها منه ومراد
وصلو المستشفي وعالجو كريم ورجله فعلا اتكسرت
فضلو جامبه شويه وهيخرجو وهايدي طبعا معاهم
كريم بزهق: احنا هنتزفت نمشي امته بقا زهقت
هايدي بضحك: شكلك يضحك اوي ونت مكشر مسخره
كريم : بس يبت ي هبله نتي
محمد : خلاص يبني بقا بطل شغل العيال دا
كريم : الااااه نت مش شايفها هي الي بتنكشني مكلمتهاش نا طيب جدا
هايدي : دا شويه وهيطلعله جناحات يبني
بفضلو قاعدين يناقرو ف بعض طبعا كريم و هايدي ومحمد طول القاعده بيدافع عن هايدي
(الاااه في اي ي محمد م تتقل كدا 😂)
كانو خارجين مسندين كريم
احمد : يعيني عليا اول يوم اجي فيه القاهره اقضيه ف المستشفي ابو دي معرفه زباله صحيح الصحاب في اجازه
هايدي بضحك : والله نا لو منك اتبري منهم
ضحك احمد معاهم وكملو طريقه
فنفس الوقت و فنفس الدور
منه بتكلم الممرضه
منه : ارجوكي قوليلي الدكتور فين عايزه اقابله عايزه اعرف هيفوق امته بقالو يوم اهو ومفقش والدكتور قال هيفوق بسرعه
الممرضه باسف : اسفه بس الدكتور ف عمليه دلوقتي وهيخرج منها وهيروح
منه باحباط: تمم شكرا
فجأه سمعت صوت اخوها محمد بيضحك
ي اللهي م هذا😂
هل دا فعلا اخوها محمد يربي طب انادي عليه ينقذني ولا اي
نهت الحيره دي بسرعه و باعلي صوت عندها
منه بصراخ وعياط :محماااااااد
--------------------------------
عند رضوي ويارا كانو خايفين جدا طبعا و سلني كانت مختفيه مكنتش معاهم ف نفس الاوضه
الرجاله جبوها لعندهم
رضوي بصوت واطي ل يارا: بت بت شوفي جايبين لينا اي
يارا بضحك : يبت دي سلمي استني هعرفك عليها
سلمي بضحك : ازيك ي يارا وحشتيني والله و وهزارك الرخم
رضوي : عشان تعرفي بس اننا مش ظلمينك اهي بتقول هزارك رخم اهو
سلمي بضحك: لاء طبعا دي زي العسل
يارا: علي فكرا نتو المفروض تفتخرو اني اعرفك اصلا
وكملت : بقولك ي سلمي م تغنيلنا حاجه كدا
وبضحك: صوتك وحشني ي امو كلثوم
سلمي بضحك : لاء لاء مش انهارده
رضوي و يارا فضلو يزنو عليها لحد م غنتلهم وصوتها كان تحفه تحفه بجد
بعد م خلصت
يارا بصفيير : اللللللله عليييكي يسسست واحده كمان ونبي
سلمي بضحك: مش اوي كدا يعني وهو كفايه عليكي انهارده دي
رضوي : صوتك جميل جدا والله
سلمي بابتسامه: شكرا
يارا بفضول: الا صحيح هما خدوكي ودوكي فين
سلمي : عادي خدوني و ودوني اوضه تانيه لوحدي معرفش اي السبب بس عادي
فضلو يرغو ويهزرو لحد م نامو
------------------------------
عند منه
منه بصراخ وعياط : محمااااااد
محمد قلبه كان هيخرج مكانه دا بجد صوت اخته منه
و بص بسرعه واتفاجأ من الي حصل
----------------------
رأيكم يهمني ي قمرات وتواقعتكم.
معلش ي بنات البارت صغير بس هحاول اطوله الايام الجايه
