وَ مَا كَانَ حُبِي لَك الَّا وَهْم

البارت الأول

و ما كان حبي لك إلا وهم

السلام عليكم و رحمة الله و بركاته

أعتذر إذا فيه أخطاء

الكاتبة: نـهـــى

حسابي انستا: rweiice28

أمشي بمكان غريب هو جسر طويل ممتد على طرفين الطرف الأول مكان خربان و متهالك... أما المكان الثاني كأنه جنة مليئة بالزهور و البيوت تجنن بالمختصر كل شي فيه حلو...لحظة بس مين الشخص ذا اللي معاي

تمشي بطلتنا بجنب شخص ما تدري من هو... مجهول بذلك
الــجِــسْر تحس بالخوف لأنّها تخاف من الأماكان المرتفعة و هو يحاول يهديها و يطمأنها و بالأخير وصلوا للمكان المطلوب و هو الطرف الجميل من نهاية للــ ـجـسر

بــمـديـنـه الــريــاض:

قامــت مـفـزوعـه من النوم بعد مـا تذكرت هـالاحـلام الي صـايره تـجيـها راحـت للحمام تروشت عشان تتنشط شوي و تنسى الـشي اللي أخذ من تفكيرها الكثـــيــر...عــقـب م خــلصـتــ الشاور راحــت لأمــهـا باست راسها و قــالت لها
سارة: صبحك الله بالخير يا ماما أبي منك شي و قولي تم تكفين
أم نواف: هــا يمــه ايش بغيتي؟
سارة باستعطاف: أبغى أروح لبيت عمي أبو فيصل [كملت بكذب] إيمان دقت علي و قالت لي أجي لأنها متملله و أبي أروح لها نتسلى شوي من زمان ما رحت لهم
أم نواف: تم يا بنتي بس يا ويلك إذا تتأخرين
سارة راحت باستها من خدها و هي طايره من الفرح: شكرا مـامـا

دخل بدر و هو يبي يعصبها قال بمزاح: واضح من ورا هالبوسه فيه مصالح ههههههههه
نجود سفهته: و الله ماني فاضية لـك إنت مصلحجي عشان كذا تشوف الناس مثلك يلا باي

عـقـب ما راحت لغرفتها:
بدر طفش من أجواء البيت: ها يمه لوين رايحه الأخت
ام نواف بهدوء: رايحه لبيت عمك أبو فيصل
بدر باستخفاف: أهااا [كمل بمزاح] انا شاك أن هالبنت بيوم من الأيام بيطردونها من كثر زياراتها لهم
أم نواف: خليها على راحتها أصلا رايحه مع بنت عمك إيمان يعني رجعت لنفس الموال... أقول بدر رُح وصل أختك أحسن لك دام أنك فاضي و قاعد من دون شغلة و لا مشغلة
بدر: يعني الأخت رايحه تستانس و انا أبتلش فيها ليش شايفيني سواق حق العائلة
أم نواف بعصبية :يلا قوم بلا كثرة حكي
بدر بملل: طــيب

بعد ما لبست عباتها و نقابها ورشت من العطر شوي قالت لأمها: ماما أنــا رايحه تـامريني على شــي
أم نواف: سلامتك حبيبتي و ترى بدر اللي بيوديك.
سارة: تمام... بس ليش بياخذني هو انتي عارفه أنه دوم يبي يزعجني
ام نواف: تحمليه هذا أخوك و هو يحبك

بعد ما طلعت من البيت اتجهت للسيارة بهدوء و هي ساكته
بدر بإستعباط: داخله على يهود عالأقل قولي السلام عليكم
سارة: السلام عليكم و رحمه الله و بركاته...كذا عجبك؟
بدر ببعض الجدية: طبعا... إلا ايش رايحه تسوين هناك اصلا انتي دوم ناشبة لعمي ببيتهم رحميهم شوي من وجهك
سارة: أمونه قالت لي أجي عندك مانع؟
بدر:(صمـــــت حتى وقــت الـوصول )