عدت الايام لحدي ما خشيت الثانوي في سنه أولي جبت ٩٨.٣ وتانيه جبت ٩٦.٧ يعني كنت دايما مفرحه اهلي بي درجاتي الحمد لله وهسي في تالته الامنتحانات النهائيه قربت فضل ليها شهرين بقيت بجتهد شديد عشان اخش رغبتي طب جراحه ونفسي اقرا في الخرطوم ابوي كان مرات بتعب شديد بقينا ما عارفين مالو لحدي ما وديناهو المستشفى قالو عندو سرطان وهو عندو السكري 😭😭😭😭وهو كان مهملو شديد المهم بقا يخش جلسات كيماوي يوم تعب شديد جرينا المستشفى 😢بقيت جاريه اكتر من امي اول ما وصلت الغرفه الدكتور قال لي حالتو متأخره ما تدخلي وقعت ففي الواطه من البكا بقيت اصلي وادعي ربنا يقومو بالسلامه 😭💔بعد شويه الدكاتره بقو يتجارو وامي دي لمن الضغط بتاعها ارتفع ووقعت 😭بقيت اكورك الدكاتره جو رفعوها دخلوها غرفة ركبو ليها درب كده بقت نايمه طلعت مشيت غرفة ابوي سألت الدكاتره قالو حالتو متأخره ادعو ليهو 😢وقعت في الواطه بقيت بقيت ابكي بقيت اعاين لعامر ضامي رجليهو ببكي 😭قمت خشيت لأمي لقيتها فتحت شويه الدكتور قال ممكن تتحرك بقينا قاعدين جمب غرفه ابوي في حاجه صفرت في دكتورين جارو ومعاهم ممرضه خشو لمن طلعو شافني قال لي عملنا كل البطل من يدنا البقاء لله انا بقيت في عالم تاني قلت ليهو كييف يعني ه هو قبيل كان بتكلم معاي كيف يعني زح انا بتكلم معاهو ه هو بحب يهظر دايره اخش مسكني رميتو وجريت لقيت الممرضه دايره تغطيهو قلت ليها انتي هبله زحيت المفرش بقيت اقول ليهو ابوي قوم انت صح قبيل قلت ما بخليك 😭😭ي ابوي قوم بطل هزار وقعت في الواطه بقيت منهااارهه بمعني الكلمة 😭😭😭ما قادره أصدق د بابا الكان قبل شويه بتونس معاي بحكي لي عن طفولتو 😭😭😭وبنضحك "أصعب حاجه انو تكون بتتكلم مع زول ويموت قدامك 😭بالجد ي جماعه مافي زول ضامن روحو حيعيش متين عشان كده الدنيا د مافيها حاجه عشان تزعل من حد او تشيل في قلبك من زول عيشو افرحو واتسامحو" امي لمن عرفت بقت تقول لا اله الا الله محمد رسول الله 😭وبقت بتكي بي حرقه عامر بقا يعاين لينا ودموعو دي عشره عشره مشينا البيت جابو في إسعاف غسلو وكفنو قالو اشيلو العفو شلنا العفو مشو ودو صلو عليهو ودفنو انا بقيت ابكي بحرقه بعد شويه بدو مسيره الاكل تعالو شوفو الضحك د والاكل والشراب انا اتازمت عدديل 😭😭مرت ايام البكا وفضل شهر لامنتحاناتنا امي جات تتكلم معاي قالت لي اقري ي بتي انتي سندنا الكلمه دي هزتني شددييدد 😭قمت صليت ركعتين وبقيت ادعي قمت اقرا بقيت مجتهده شديد فضل يوم الامنتحان جاتني امي قالت لي ربنا ينجحك ويسهل دربك ي بتي قلت ليها امين بعد المغرب كده جاتني نمارق و فجر طبعا اكتر اتنين سندوني وقفو معاي في عزا ابوي بالجد عرفت معنا أصحاب سند 😭💓طبعا نمارق برضو ممتحنا المهم جوني بقينا نقرأ ونراجع ونحل في الامنتحانات حقت السنين الفاتت لحدي ما خلصنا وصلتهم ورجعت البيت تاني يوم مشيت الامنتحان الحمد لله ج ساهل عدت ايام الامنتحان والحمد لله كلهم جو ساهلات 💃💃💃يلا جات الاجازه والزهج طبعا عارفين الزهج 😅😂😂الروتين بقا شنو اصحا بي صوت نمارق وفجر يعني اقسم بالله أصحاب زي ديل ما لاقوني اقوم نتونس نساعد امي في البيت وكده يلا بقينا مرات بنتمشي وكده مره نمشي البحر نتصور بي تلفون نمارق فيهو كاميرا 😂قالو النتائج بعد اسبوعين الايامات كلها عباره عن توتر بنكهة الخوف 😂😂لحدي ما بقا فضل يوم للنتائج امي بتنضف وانا اساعد فيها والخوف د واي بس تاني يوم اساسا ما نمت خاشه وطالعه وعرفت الحراميه بتجي الساعه كم 😂😂اليل كلو صاحيه بس بسمع في صوت الكلاب الصباح ج صليت الصبح وبقيت ادعي وادعي لحدي ما بدا المؤتمر جبت ٩٦ انا قمت فوق الزغردت زغاريد 😂😂😂😂😂امي صحت من النوم قالت لي مالك طبعا مستغربه فيها هي نايمه لسه قلت ليها ما شفتي بتك جابت ٩٦ 😂😂😂والزغااريد دي غايتو الحمد لله 😂😂😂طبعا فجر جابت ٩٤ 😂😂ونمارق ٩٥ ما شاء الله علينا غايتو كل بيت والزغااريد دي ما بتدي درب جو الناس بقت تبارك والتهاني كمان انا من الفرحه لمن بكيت 😭😭بس لحدي ما الناس خفو لقيت نفسي نمت عاد من امبارح ما نايمه 😂😂😅نمت صحيت بي جردل مويه اكيد عرفتوهم 😅.....
اشوفكم 💕
