صحيت تاني يوم لبست لبستي وعملت مكياج بسيط روج ايلاينر طلعت لامي صبحت عليها ومرقت متوتره وخايفة اني حاخش مرحله صعبه شويه 😭ركبت المواصلات ضربت لي فجر ونمارق قالو واقفين جوا مشيت الراجل قال لي بطاقتك إديتو ليها خشيت جو لقيتهم سلمت عليهم بقينا لافين لحدي ما لقينا بت سالناها طبعا نمارق قالت ما نسأل اولاد لانو ببرلمو مرات المهم خشينا اخدنا محاضرات كلهم عبارة عن مقدمه كده طلعنا فطرنا وكده رجعنا البيت زي الساعه ٣ونص خشيت نمت وصحيت لقيت الساعه ٦ 😂😭قمت صليت لقيت نمارق وفجر قالت كهربتكم قاطعه عشان كده جونا 🤣🤣🤣قعدنا نتونس جات امي بقت تتكلم معانا قالت لينا ما تقولو انكم خشيتو خلاص بقيتو فاهمين وكده في ناس خبيسين لو عندك وجع راس وجا زول اداك حبه نهائي ما تشيل الجامعه دي فيها ناس فاسدين حافظو علي نفسكم واحمو نفسكم وما تصاحبو اي زول قالت لينا في بنات بلقو ولد سمح وشنو الا بصاحبوهو وبكونن مكسرات فيهو وهو بكون من الناس الكعبين الجامعه دي في عجايب في الأول بتستغربي بس بعدين بتشوفيها عادي وابعدو عن البنات البطلعو كتير ويقولو ليكن انحنا ماشين قريب ما الا تكلمي اهلك وشنو ديل طوالي اعملن انسحاب منهن انا هسي بوري فيكن عشان تبقن بنات واعيات وتعرفن تحافظو علي نفسكم 🌚طبعا انا بقيت متعجبه قايلاها زي الثانوي والاساس من امي اتكلمت كده بقيت خايفه اها ديل أهلهم ضربو ليهم مرقو طوالي مشيت اتغديت فتحت التلفون 😂احساس لسه مافيهو ولا حاجه ناس نمارق نزلو لي فيهو واتس وفيس وانستا واسناب شات ما قصرو 😂😂😂😂بقيت افتح وكده وحايمه لحدي ما نعست طلعت ملابس بكره وظبطت المنبه ونمت عدت الايام زي بعض مافي جديد طبعا ما عندنا علاقه مع زول خالص من الجامعه للبيت نرتاح نمشي الدوام في الكافي مع انو متعب شديد بس لكن لازم اصرف علي البيت وبقرا بي بليل الحته بتكون هادئه 😂😂😅لحدي ما حددو امتحانات السمستر طبعا صحبتكم ما بتتفاهم ايام الامنتحانت مجتهده شديد 😂😂😂المهم بقينا نحفر نمارق وفجر عسكرو معاي ايام الامنتحانات بس بتقوم نصلي ولا ناكل لحدي ما انتهينا من الامنتحانات عندنا اجازه شهر 💃💃💃💃رجعنا للدوام صباحي ومسائي في الكافي لحدي مايوم قلنا زهجانين نمششي شارع النيل قالو نصيع كنت دايره البس عبايه جوني ليكم جوز اللوز قالو لي ما تمشي كده فتحو الدولاب طلعو منو بنطلون جينز وطنكه لحميه و طرحه بيضا ولاسبورت الأبيض 😍😍😍جات نمارق ظبطت لي الميكب بقيت مزززه حتي ما عرفت نفسي 😂😂😂ويا شارع النيل جاك زول قالو ما حيمشو ببي ركشه بعد قشرتهم دي مشينا بي ترحال غايتو البنات ديل الله يدينا خيرن 😂😂😂😂😅نزلنا طبعا الناس ديل سمحيين سماحه طبعا انا مستغربه في الناس ديل التلقا ولد واقف قريب لبت ويتونسو ولا البياكلو سوا غايتو غرايب بقيت ماشه كده تلفوني ضرب قلت لي للبنات حصلوني انتي اقعدو هناك بجيك رديت وانا ماشه انضربت مع ولد تلفوني وقع رفعتو وشفت ليكم........
اشوفكم 💕
